සාරි ගප්පියා (වැල් වටාරම්)

‘මාමේ, මාම දන්නවද මේ මාළුවා මොකාද කියලා‘‘

‘‘නෑ මේ මොකෙක්ද ?‘‘

‘‘මේ සාරි ගප්පියා‘‘

‘‘ඉතිං උන් හැම තැනම ඉන්නවානේ‘‘

‘‘ එත් මාමා දන් නැති එකක් තියනවා,

‘‘ ඒ මොකක්ද ‘‘

‘‘ සාරි ගප්පියා වාසානාවන්ත මාළුවෙක්. හැබැයි ඒක වෙන්නේ මේම..

‘‘ මේ සාරියා මට වාසනාව ගේනවා – කියලා දවසකට තුන් පාරක් කියන්න ඕන, ඌව වෙනම තියන්න ඕන, කෑම දාන්න ඕන. මාස තුනකින් බලන්න‘‘

‘‘අනේ පල, රට කෙබර කෙලින් නැතුව, ආවා මාව අන්දන්න‘‘

‘‘මාමා විශ්වස කරන්න එපා, මං කීවේ කෙබරයක් තමා‘‘

මගේ බෑන, ඒ කියන්නේ ඥාති සහෝදරියගේ පුතා මාළුවා දාගත්ත බෑග් එකත් අරං යන්න හැදුවා. ඇත්තටම රැකියාවක් නැති ගැන මට ඌ ගැන පවු හිතුනා.

‘‘ ඒයි.. වරෙන්, කීයක් ඕනද ?‘‘

‘‘චික් මාමා කවුද මේක විකුණන්න හැදුවේ, මාමට කැමකි නං වාසනාව උර ගාලා බලන්න පුළුවන්, එච්චරයි.‘‘

‘‘ඒ කීවේ,‘‘

‘‘මට මූ විකුණන්න බැ,

ඒ උනාට මාමා කැමතිනං මූව අරං වාසනාව උරගාලා බලන්න පුළුවන්… ‘‘

‘‘උඹ මොනවත් බීවද මයේ පුතේ, නිකං වේලිච්ච කොල ජාතියක් වගේ එකෙක්..‘‘

‘‘හරි තේරුම් ගන්න කෝ, උරගානවා කියන්නේ ටෙස් කරනවා කියන එක, මාම මාළුවාගේ වසනාව ටෙස් කරන්න. ඒකට දාහක් බර පැන තියන්න, ‘‘

කියල මූ අත්ල පෑව, මම දාහ උඩින් තිබ්බාම මූ, මාළුවා ඉන්න බෑග් එක ඒක උඩින් තිබ්බා.

‘කට්ටයා‘

‘‘අර ටික කියන්න අමතක කරන්න එපා, ‘‘ කිය ලා මාව මෝරා කරලා ඌ ගියා.

මම පරන ලස්සන බ්රැන්ඩි බෝතලයක ඌව දැම්මා. මේ සාරියා මට වාසනාව ‍‍ගේනවා ! ! !..

ඇත්තටම වාසනා කියන්නේ මගේ බිරිඳ

ඉඳකිං මූ මාව ඇන්දුවා නේ, නෑ මං ඌට සල්ලි දුන්නේ හිතලනේ.

මං හිත හදං හිනා මූණක් තවර ගත්තා…

—

පස්සෙනදා උදේ වාසනාව කාර්යාලය ගාවෙන් දානකොට, ඇය

‍මේ, මේක මට බලන්න බැරි උනා. කියලා මහජන සම්පතක් දිලා ගියා. මං ඒක දුරකථන කෙටි පනිවිඩයකින් බැලුවා

දෙයියනේ 1000/- ක්..

‘යකෝ බෑන කීව හරි නේ. මාළුවා වාසනාවන්තයි. ‘‘

ඊට පස්සේ ගොඩාක් දේ උනා……

—————————–

‘‘සාරි ගප්පියෙක්ට ජිවිතය වෙනස් කරන්න පුළුවන්.‘‘

මම ඒක මගේ උද්දෘතය කර ගත්තා. ෆෝන් කැමරාවත් අරං ගෑනුන්ට වයසක මිනිසුන්ට වහල තියන ලොකු ගෙවල් ඉස්සරහ වොයිස් කට් දෙන්න පුරුදු කරා..

‘‘මට මේ සාරි ගප්පියා දුන්නේ … එයා, .. මෙයා, අරයා,

ඊට පස්සේ මට, එහෙම, මෙහෙම, අරහෙම උනා. දැං මං අරහේම, එහෙම මෙහෙම එකෙක්.‘

ඊට පස්සේ ඇඳුම වෙනස් කරගත්තා.

බාල, රත්තරං පෙනුම මාල වලලු සුර දාගත්තා, ලස්සන බ්රැන්ඩි බොතලයක මාළුවා දාගත්තා. ඊට පස්සෙ මං ටී වී එකේ උදේ ගෑනු බලන වේලාවට

‘‘සාරි ගප්පියෙක්ට ජිවිතය වෙනස් කරන්න පුළුවන්.‘‘

කියලා වැඩ සටහනක් පටන් ගත්තා. ඒකට සාරි ගප්පියෙක් තියා සාරියක් දැකලා නැති ගෑනු ටිකක්, අඩියක් ගහන්න අතේ සතේ නැති මිනිස්සු ටිකක් වොයිස් කට් දාලා, ලස්සන කට හඩක් කියන කෙල්ලෙක් මාව ඉන්ටවීව් කරන්න දා ගත්තා.

‘‘ඔව් මං දැං සාර්ථක මිනිහෙක්… (රු 25.000 යේ, මාළු 50000 ක් විතර වික්ක)

———————————————-

‘මාමා මගේ මාළුවා කෝ, ?

‘‘ඌ තමයි මං ඉස්සර වෙලාම දුන්නේ, ‘‘

උපුටා ගැනීම: Chandana Ellewala