සතුට හරියට ප්‍රේහෙලිකාවක් වගේ.අපි ඒක හොයන්න හොයන්න සතුට අපේ ඇගිලි අස්සෙන් හොරෙන් ලිස්සලා යනවා.අපි අමාරුවෙන් හොයන මේ සතුට අපි තුලම අපේ පුංචි පුංචි දේවල් වල පුංචි පුංචි අවස්ථා වල හැංගිලා තියනවා අපිට හොරා.එක සතුටු හැගීමකට අපේ මුලු ජීවිතේම ආලෝකමත් කරන්න හැකියාවක් තියනවා.පර්යේෂණ වලින් හොයාගෙන තියනවා සතුටට ලොකු බලයක් තියනවා කියලා අපේ ජීවිතේ සුවපත් කරන්න .අපි හැමෝම මේ මුලු ජීවිත කාලය පුරාම හොයන මූලිකම දේ තමා මේ සතුට කියන්නේ.අපි හුස්ම ගන්න වාතය නැති වෙන දවසක් එනකන් අපිට කිසිම හැගීමක් නෑ අපිට ඒ දේ නිකන් ලැබෙන නිසා.සතුටත් එහෙම නිකන්ම ලැබෙනවනම් කිසි කෙනෙක්ට ඒ ගැන අගයක් නොලැබෙන නිසා තමා සතුටට මේ තරම් අගයක් ලැබිලා තියෙන්නේ.
ඇයි සමහර මිනිස්සු හොදින් සතුටින් ඉන්නකන් තව සමහරක් ජීවිතේ එපා වෙලා සතුටු බිදක්වත් නැතුව ඉන්නේ ? සමහර අය හොද සෞඛ්‍යයමත් හොදට සල්ලි බාගේ තියන අය වෙන්න පුලුවන් ඒත් එයාලගේ ජීවිත වල සතුට නැහැ.අපි ඉපදෙන්නේ සතුටින්ද? අපිට සතුටු වෙන්න ඉගෙන ගන්න පුලුවන් ද? කොහෙන්ද මේ සතුට කියන දේ එන්නෙ? කොහොමද අපි සතුටින් ජීවත් වෙන්නේ ? මේ දේවල් තමා ගොඩක් අයට තියන ප්‍රශ්න.සතුටට තියන මාර්ගය එකිනෙකාගෙන් එකිනෙකාට ගොඩක් සුවිශේෂීයි.
සතුටු වෙන්න තියන පුරුදු අපිට හරිම ලේසියෙන් අපේ ජීවිතේට එකතු කරගන්න පුලුවන්.ගොඩක් අය හිතන දෙයක් තමා සතුට කියන දේ තමන්ට උරුම නෑ කියලා.තවත් කට්ටියක් ඉන්නවා එයාලා එයාලගේ comfort zone එකෙන් එලියට ඇවිත් අලුත් අත්දැකීම් අලුත් අභියෝග වලට මුහුණ දෙන්න පොඩ්ඩක්වත් කැමති නැහැ .සතුට ලබා ගන්න නම් අපි අපේ ජීවිත දිහා බලන විදිහ ඒ වගේම අපේ පරන පුරුදු , අපේ අතීතයේදී සිදුවුනු නරක මතක සේරම අත ඇරලා අපි අලුත් විදිහකටම ජීවිතේ දිහා බලන්න පුරුදු වෙන්න ඕන .
උපුටා ගැනීම: Nilukshi Suraweera