සීසෝවේ කතාව (ඉස්කෝලෙ කාලෙ රස කතා)

මොන්ටිසෝරියට ගෙවල් දෙකක් එහායින් තඩියෙක් ඉන්නවා ඌත් එන්නේ ඔය මොන්ටිසෝරියටමයි,

එකම එක සීසෝවක් තියෙනවා ඒකත් මොන්ටිසෝරියේ වාඩිවෙන කාමරයට පිටින් තියෙන්නේ ගස් වලට වැහිලා නිසා කාටවත් ලගට ඇවිල්ලා නොබැලුවොත් පේන්නේ නෑ

ඇන්ටියි අයියයි එක්ක හැමදාම ගියත් තඩියා ,ඕකා කවදාවත් මට සීසෝව පදින්න දෙන්නේ නෑ,

පස්සේ බැලුවාම මට විතරක් නෙමෙයි අනික් උන්ටත් එහෙමළු හැමදාම සීවෝවේ එක පැත්තක ඉන්නේ මේ තඩියා,

අනිත් ඔක්කෝටම මොන්ටිසෝරිය ඉවර වෙලා ගෙදර යනකම් බෙදාගෙන එක පැත්තක් තමයි පදින්න තියෙන්නේ ,

දවසක් මොන්ටිසෝරියේ තාප්පේ ගහන්ඩ කළුගල් වගයක් ගෙනල්ලා බාලා තිබුණා සීසෝවට කිට්ටුවෙන් ,

වෙනදා වගේ උදේ ආපු ගමන් තඩියා ඇවිත් එක පැත්තක වාඩි උනේ එහා ගෙදර අයියාවත් තල්ලු කරලා

මම අනිත් උන් කිහිප දෙනෙක් සමග තාප්පේ හදන්ඩ ගෙනාපු තඩි කළු ගලක් පෙරලගෙන ඇවිල්ලා තඩියාට,

ඉන්න පැත්තේ උඩ ඉන්ඩ ගලක් තිබ්බාම ඔයාට තව උඩට පදින්ඩ පුලුවන් කියලා ,

අනෙක් පැත්තේ එකාව අයින් කරලා කළු ගල එතැන රැන්දෙන විදිහට පෙරලව්වා “

අපි ඔක්කෝමලා ඊට පස්සේ කාමරයට ගියා ,

දවල්ට ගෙදර ගිහින් මාත් ඇන්ටිලාගේ අයියා එක්ක සෙල්ලම් කරමින් උන්නේ

එක පාරටම කට්ටිය ගොඩක් ඇවිල්ලා කාගෙදෝ නමක් කියලා අයියගෙන් අහනවා

පුතේ සුපුන් ඔයාලා එක්ක සෙල්ලම් කර හිටියද “?

ඇන්ටි විස්තර කතා කරලා බැලුවාම තමයි දැනගත්තේ උදේ මොන්ටිසෝරියට දාලා ආපු සුපුන් රෑ වෙනකම්ම ගෙදර ඇවිල්ලා නෑ කියලා ,

කොහොම හරි කට්ටිය ආයේ ආයේ හොයලා රෑ දොලහට එකට විතර තමයි සුපුන්ව හොයා ගෙන තියෙන්නේ

පහුවදා මොන්ටිසෝරියට ගියාට පස්සේ ආපහු අම්මලාට කතා කරපු ටීච විස්තරේ කියව්වා

පාන්දර සුපුන්ව හොයා ගන්නකොටත් සීසෝවේ උඩට වෙලා බහින්ඩ බැරුව හිටියලු හැබැයි එදා ඉදලා සුපුන් ආයේ මොන්ටිසෝරි ආවේ නෑ ..

වසර තිස් පහකට පස්සේ නැවත මට සුපුන්ව හම්බුනා ඒ පාථමික පාසල භාර විදුහල්පතිගේ කාමරය තුලදී ,

මෙහෙමයි දරුවන්ගේ තාත්තේ ඔබතුමා කියන විදිහට ඒවා වෙනස් කරන්ඩ බෑ මොකද මේකේ හැම ලමයෙක්ම එක වගේ ,

සර් ට බැරිනම් මගේ දරුවව මම ඉස්කෝලෙන් අස් කරගෙන යනවා “

ක්ෂණිකව ඇති වූ වචන හුවමාරුවකට උඩින් පල්ලෙන් කන් දීපු මම සුපුන් විදුහල්පතිගේ කාමරයෙන් ගිය පසු

කෑ ගසා තමන්ගේ දරුවාත් පාසලෙන් ඉවත් කරගෙන කියේ කුමක් සදහාද කියා විදුහල්පතිගෙන් විමසුවා ,

එදා සීවෝවේ උඩ හිටපු පාර මූ බය වෙච්ච පාර කොච්චරද කියනවානම්

සත් වසක් වයසැති මුගේ දරුවා පාසලෙන් ඉවත් කරගෙන සීසෝවක් නැති පාසලක ඉගෙන ගැනීමට දමන බව පවසමින් එවලෙහි දරුවාත් රැගෙන පාසලෙන් ගොස් ඇත .

සමාප්තයි .

මම

  උපුටා ගැනීම: Ajith Kumara Kbva