ගිම්හාන ඍතුවේ මෘදු සඳ රැස් යායට විහිදී ගිය පොල් රුප්පා අතරින් බේරී වෙරළ තීරය මත නිසන්සල චිත්‍රයක් ඇන්දේය,
අවටින් ඇසෙන මොටෝ රථ ශබ්දය පරයා එහා කාමරයෙන් එන්නේ
“මිය යන්න සූදානම් පැරදුම දරන්…
සමරන්න එනවාද සුදු මල් අරන්…”
කිරි අප්පෝ හෙමීන් ඉතුරු පද පේලිය තම පැරණි පෙම්වතිය කමලා මතක් කරමින් තද දුඹුරු පැහැති තේක්ක පුටිවේ ඇන්දෙන් කැබැල්ලක් තම මහපටැඟිලි නියපොත්තෙන් කඩා ගෙන දබරැඟිල්ලෙන් බිමට ගසා දැමුවේය…
පන අදිමින් මලානික වූ සූත්‍රිකා බල්බ එළියෙන් තම සේයාව නටමින් බිත්තියේ ඇති විශාල ලා අලු පැහැති හෙවනැල්ල දෙස කිරි අප්පෝ බැලුවේ මහත් ආඩම්බරයෙන්…
“දෙවියනේ දැන් මේදවස දෙකට ආම් එකඇවිල්ලා තියෙන තරම”,
ඔහු නැකිට ගොස් තේක්ක තද කහ පැහැති අල්මාරියේ තැනින් තැන රසදිය මැකී ගිය කන්නඩියෙන් අත මිට මොලවා තාලෙට උස්සා අල්ල තමා දෙසට හරවා පිටඟිලි තම හිස අසලට ගෙන වේදනාමුසු සතුටකින් එදෙස හොරැහින් කන්නඩිය දෙස බලන ගමන්ම බැලුවේය..
“හ්ම්ම්ම්ම් ජිම් එකේ අයියා කීවා හරි, මගේ බොඩිය හදන්න පුලුවන් එකක් හොඳට”
ලා නිල්පාට ඉටි කොලයක් දමා ඩ්‍රෝවින් පින් ගසා තිබූ මේසය මත රෝස පාට පොඩි ශොපින් කවරේ තිබූ අන්තිම රට ඉඳි ඇටේ කන ගමන් කිරි අප්පෝ හිතුවේය..
.
.
.
මුහුද දෙසින් එන මඳ නළ සනීපය..
නිරුවත් පපු තලයට ඒ සුළඟ තුනී සීතලක් එක් කලද ඔහු එය ඉවසා උන්නේය,
කීයක් වියදම් කරහෝ කෙසේ හෝ ඇඟ හදා ගැනීම ඔහුගේ අරමුණය…
දෙපසින් ටයර් පැන එල්ලී තිබූ බඩ හොඳ හුස්මක් ගනිමින් අකුලා ගත්තේ අයෝමය පුරුශයෙකුගේ වී ශේපය කන්නාඩිය මත මවමින්…
දැඩි පුරුශ ශක්තියෙන් අල්ලාගත් හුස්ම පහලට නොයැවීමට වග බලාගත්තේ සන්සාර පුරුද්දකට මෙන්‍ ය,
ක්ලාන්තවී වැටීමට ආසන්න වූවිට ඔහු හුස්ම පහතට හෙළා බඩ නැවත පිම්බී ආවේ මයිටි ඊගල්ගේ මෙන්‍ ය.
“හොඳයි උඹගේ සපෝට් එක තව ටික දවසයි”
ඔහු අවඥාවෙන් බාගෙට ඉවරවූ සිද්ධාලේප කුප්පියට පැවසූවේය…
ගොම්මන් යාමේ ගෙට ගොඩවූ විගස වීසි කර දැමූ ආම් කට් බැනියම දහදිය සුගන්ධය උහුලමින් ඇඟට දාගත් කිරි අප්පෝ නැවතත් ඇවිද,
හොරෙන් කන්නඩිය දෙස බැලුවේ ලෝකයම තමන්ගේ වගේය.
ආත්ම සාරා සන්කෙයිය දශ ලක්ශයක් පුරා දුක් විඳි බෝසතානෝ අවසාන ආත්ම භවයේදීත් දුක් විඳින්නට සිදු විය,
“හෙට ඉඳන් ඩම්බෙල් එකේ කිලෝ පහ පහ වැඩි කරනවා”
කියමින් තම අත නැවතත් මිට මොලවා තම ලයෙහි තුරුලු කර අනෙත් අතින් ඉදිමී සිද්ධාලේප ගා තිබූ බයි ශේප් එකට තට්ටු කරමින් පැවසුවේය..
කිරි අප්පෝ අහස දෙස බැලුවේය,
සොඳුරු සඳවත වළාකුලින් වැසී යාවිදැයි ඔහු බිය විය,
නැත කාලගුණ විද්‍යා දෙපාර්තමේන්තුව පැවසූයේ
“අද දින දිවයිනේ බටහිර ප්‍රදේශ වලට පැහැදිලි අහසක්”
පින් සිද්ද වේවා…
“මල්ලී උඹේ ඇඟ හොඳයි බඩ තමයි අවුල”
යැයි ජිම් එකේ අයියා පැවසූ වදන ඔහුගේ හිතේ රැව් පිළි රැව් දුන්නේ කුණාටුවකට හසුවී අසරණවූ ලා අළු පැහැති භාන්ඩ ප්‍රවාහන නෞකාවක් වගේය..
“ශිට්”
ඔහු අත මිට මොලවා මේසයට ගැසූ පහරින් පෙරදා මිතුරන් සමඟ හිස් කල ඕල්ඩ් බෝතලය නොවැටී බේරා ගත්තේ මහත් ආයාසයෙන් ය.
.
.
.
.
.
කිරි අප්පෝ තද කලු පැහැ ටයිල් පාගමින් හදිස්සියේ කාමරයට දුව ගියේය,
කිරි අප්පෝ වහා තම කලු පැහැති බෑගයෙන් ඔහු ඒ ගත් ටින් එක ඔහුගේ මුලු ජීවිත ගමනම වෙනත් මඟකට යොමු කරන්නක් විය,
“ග්‍රීන් ටී”
කොල පාට පසුබිමේ කහ පාට ඉරි මොනාවට රටා මවමින් තිබූ සැස්ටා ග්‍රීන් ටී ටින් එකේ රිදී පැහැති මූඩිය ගැලවූයේ පිහි තලයෙන් නොව තම ශක්තිමත් දෑතින්ම වීම ඔහුට තවත් ආත්මාභිමානය වැඩි කරන්නට විය.
උනු වතුර පිරවූ ලා රෝස කෝප්පයට ග්‍රීන් ටී දමා හොඳින් සීනි සහ පිටි කවලම් කර කෝප්පය අතට ගත් කිරි අප්පෝගේ වෙව්ලන දෙතොල් කෝප්ප කටේ තැබුවේය,
උණුසුම් ග්‍රීන් කිරි උගුර තම මුව නැවුම් කරමින් ගලා ගියේය,
කිරි අප්පෝ කට කොනින් සිනාසී තම ජොල් වූ බඩ දෙස බලා
“දැන් මට කොරයි”
යැයි කොක් හඬලා සිනා සුනේය…
“කෝකටත් සිටප් පනහක් විතර ගහලා දානවා”
කියා තම තද කොල පැහැති ශෝට ඉලස්ටිකයෙන් ඔසවා බිම වැතිරී කකුල් නමා,
හිස පිටුපසට අත් බැඳ
“වන්, ටූ, ත්‍රී…, ෆ්….ඕ… , ෆ්……..යයිව්, ස්…………, හහ්…”
යැයි නැවත වැතිරුනේය…
” අදට මේ ඇති”
“හෙට ඉඳන්නම් මේ හුකුන් බුකුන් නෑ එක දිගට ශැඩියුල් එක කරනවා”
කියා තරයේ සිතාගත් ඔහු නැගිට කවරයවත් නො ඉවත් කල තැඹිලි පැහැති සප්ලිමන්ට් බෝතලය දිහා කෑදරයෙන් බලා
“යන් පුතා හෙට ජිම් එකට පෙන්නමු වැඩ”
කියා පවසා රාත්‍රියට ගෙනා චිකන් ෆුල් රයිස් එක ආත්මීය හැඟීමකින් කෑමට පටන් ගත්තේය,
“දෙවියනේ,
මේ පව් කාරයා වෙනුවෙන් මෙච්චර රසට කුළුබඩු තුනපහ දාලා රයිස් එක හදලා කඩේ එකා”,
ඈත අහසේ පායා තිබූ අඩ සඳ දිහා බලමින් හක්කේ දත් වලින් චිකක් කට්ටේ මැද්ද හපා ඇතුලේ තිබූ කාටිලේජ කමින් කිරි අප්පෝ හිතුවේය…
සුපීව පසන්න ආරට්ටිගේ සීත ජිම් නිම්නය නව කතාවේ 19වන පරිච්ඡේදය ඇසුරෙනි