දමිත් කේතක
ඔය ඊලොන් මස්ක්ගේ, වොරන් බුෆේගේ, රිචඩ් බ්‍රැන්සන්ගෙ, ස්ටීව් ජොබ්ස්ගේ, බිල් ගේට්ස්ගේ, අර facebook සකරයගෙ එහෙම බයෝග්‍රෆි කියව කියව, උන්ගෙන් ජීවන ආදර්ශ ගන්න හදන එක තරම් අමන වැඩක් තවත් නෑ මිත්‍රවරුනි…..උන්ගෙ ජීවිත දිහා බලාගෙන මෝටිවේට් වෙන්න සහ අනුන් මෝටිවේට් කරන්න උත්සාහ කරන එකත් ඒ වගේ…..
ධනවාදය ඇතුලෙ විතරක් නෙමෙයි, ඕනම සිස්ටම් එකක් ඇතුලෙ ඔය වගේ උඩටම යන්න ලැබෙන්නෙ, ඒකට අවශ්‍ය කන්ඩිෂන්ස් සියල්ල හරියටම සෙට්වෙන එකාට….ඒකට අවශ්‍ය “ව්‍යාපාර සාහසිකත්වය” ඇඟ ඇතුලෙ තියෙනවා නම් විතරයි කෙනෙක්ට ඔහොම ගේමක් ගහන්න ලැබෙන්නෙ…..ඔය කියපු නම් ටික බැලුවොත් උන් ඔක්කොම සිරා වැඩ වගේම, තමන්ගෙ අයි.කිව් එක පාවිච්චි කරලා අමු බලු වැඩත් කරලා තියෙනවා….උදාහරණයක් ගත්තොත් බිල් ගේට්ස් ස්ටීව් ජොබ්ස්ට වතා කිහිපයකදිම ගේම දීලා තියෙනවා….ස්ටීව් ජොබ්ස් පරිගණකය පර්සනලයිස්ඩ් එක්ස්පීරියන්ස් එකක් කරන්න ඔපරේටින් එන්වයමන්ට් එක යූසර් ෆ්‍රෙන්ඩ්ලි කරන්න දරපු උත්සාහයන් කොපි කරගෙන, ඒ අයිඩියාස් උස්සලා තමයි ගේට්ස් ගේම ගැහුවෙ…..බ්‍රැන්සන් කියන්නෙ තමන්ම කට කථා පතුරුවලා, තමන්ගෙම ස්ටොක් ප්‍රයිස් අප් කරපු එකෙක්….ඊලොන් ගැන කියන්න ඕන නෑනෙ…..ඕකුන් ඔක්කොම මේ හරි සුන්දර ශ්‍රේෂ්ඨ මිනිස්සු නෙමෙයි….
හැබැ‍යි සීන් එක මේකයි….ධනවාදය රිප්ලේස් කරලා වෙන සිස්ටම් එකක් ගෙනාවත්, ඒකෙත් උඩටම යන්න ලැබෙන්නෙ අන්න ඒ කියන “කපාගෙන උඩට යන” සාහසිකත්වය හදවතට දරාගන්න පුලුවන් තරමට යකඩෙන් පදම් වෙච්ච මිනිස්සුන්ට විතරයි….
කොමියුනිස්ට් කාරයො, සමාජවාදියො අම්බානක හිටියත් රතු රජ්ජුරුවෝ කියලා හඳුන්වන ස්ටාලින්, තමන්ට සැපගන්න වෙනම දූපත් තියාගෙන හිටපු කස්ත්‍රෝ වගේ අය වෙන්න ලැබුනෙ හදාගෙන යන සිස්ටම් එක මැනිපියුලේට් කරන්නෙ කොහොමද කියන එක හරියට ස්ටඩී කරලා අවබෝධයට ගත්තු එවුන්ට විතරයි…..චේ ගෙවාරා වගේ, ට්‍රොට්ස්කි වගේ බොක්ක හොඳ අවන්කයන්ට අන්තිමට සිද්ද උනේ වෙඩි කන්න හෝ පොරෝ පාරක් කන්න…..වම්මුන්ගෙ ගේම් ගැන හොඳටම කියල දුන්නේ ජෝජ් ඕවෙල්ගේ “ඇනිමල් ෆාම්” කියන කෘතියෙ…..ඔබ ඒ පොත කියවනවා නම් ඒකෙ ඉන්නවා “නැපෝලියන්” කියලා ඌරෙක්….( ඒ ඌරා නිරූපණය කරන්නෙ ජෝසෆ් ස්ටාලින්ගේ චරිතය )… අන්න ඒ නැපෝලියන් ෆාම් එකේ විප්ලවය සිදුවූ මොහොතේ ඉඳන් ගහන ගේම් එක මීටරේ තියාගෙන කියවන්න…..අනිත් උන් අවන්කෙන් වැඩ කරද්දි මූ පසු කාලෙක තඩි බල්ලො විය හැකි බ්‍රීඩ් එකකට අයිති බලු පැටවු තුන් දෙනෙක් හොරෙන් අරගෙන ගිහින් ඇති කරනවා…..
ඒක තමයි මේ ලෝකෙ හැටි….පැත්තකට වෙලා ඕනම සිස්ටම් එකක් ස්ටඩී කරන එකා, ඒක මැනිපියුලේට් කරන මාස්ටර් කෙනෙක් වෙනවා….ඊටපස්සෙ ඌ උඩට යනවා….ඔය තද තද පොරවල් වෙච්ච මිනිස්සුන්ගෙන් එකෙක් වත් සුන්දර ශ්‍රේෂ්ඨ මිනිස්සු නෙමෙයි….උන් හැමෝම කොතකනදි හරි අසම්මත පාරවල් අරගෙන තියෙනවා…….නෙල්සන් මැන්ඩෙලා ජනාධිපති වෙද්දි ස්ටීව් බිකෝ ගුටි කාලා මළා…..ඒ දෙන්නා ගැන ඔබ දන්නවට වඩා වෙනස් කරුණු ඉතිහාසය සඟවාගෙන ඉන්නවා….ගාන්ධි සහ නේරු මාර පොරවල් වෙද්දි, නෙතජි සහ භගත් සිං අකළට මැරෙනවා…..ඔය හැමතැනකම “සක්සස්ෆුල් වෙන එකා” කියන්නෙ සිස්ටම් එක මැනිපියුලේට් කරන්න දන්න එකා…..ඌගේ ඇතුලෙ තියෙන නරක ප්‍රතිශතය, මැරුම් කන එකාගෙ ඇතුලෙ තියෙන නරක ප්‍රතිශතයට වඩා ටිකාක් විතර වැඩියි…..
නමුත් වීරයො තියාගත්තට කමක් නෑ…..මටත් වීරයො ඉන්නවා……ඇතුලෙ ඉන්න අමනයෙක් බව දැන දැනම මම “ඊලොන් මස්ක්ව” වීරයෙක් කරලා සලකනවා…..මගේ අරුත් දැක්වීමට අනුව නම් වීරයා කියන්නෙ මේ අපි පුංචි කාලෙ කියවපු සුරංගනා කථාවල ඉන්නවා වගේ, නැත්තන් ඊට චුට්ටක් ලොකු වෙලා කියවපු වීර චාරිකාවල, බයෝග්‍රෆි වල ඉන්නවා වගේ මහා ශ්‍රේෂ්ඨ, මානව හිතවාදී උන් නෙමෙයි….මට නම් වීරයා කියන්නෙ කරන මොකක් හරි දෙයක් නිසා මිනිස්සුන්ගෙ ජීවිත වල කාලය දික් කරන්න, පහසුව වැඩි කරන්න තව එක ස්ටෙප් එකකින් හරි අප්ග්‍රේඩ් එකක් ඉන්ස්ටෝල් කරලා දෙන එකාට…..ඌ ඒකෙන් ලාභයක් ගන්න එක අවන්කෙන්ම මට නම් කිසිම ගැටලුවක් නෑ……ඔය “ලාභ නොලබන, මානවීය අම්බානක ඉස්මූර්තිය වෙනුවෙන්” කියාගෙන ආගමික ශාස්තෘවරුන්ගෙ පිළිම, රෙදි පල්ලෙ චොර චොර ගාන මානව හිතවාදය ඉස්සර කරගෙන එන හැම එකාම මට නම් පේන්නෙ වහන්න අම්බානක දේවල් තියෙන අය හැටියට…..අරුන් අඩුම ගානෙ හෙලුවෙන්ම ප්‍රිඩේටර්ස්ලා…..ඒකයි මම උන්ට රෙස්පෙක්ට්…..
මේ ටික ලියන්න හිතුනෙ, මේ අපේ හොඳ හිතවතෙක්, එයාලගේ ආයතනයක වැඩමුළුවකට තරුණ අයට “ලෝකයේ දැවැන්ත චරිත ගැන” පොඩි ලෙක්චර් එකක් දෙන්න කියලා මට ආරාධනා කරපු නිසා…..එතනින් ට්‍රිගර් වෙච්ච සිතුවිලි ටික තමයි මේ ලියන්නෙ…..මට නම් ඔය උගන්වන්න කියලා ඉල්ලන ජීවන චරිත හිමි එකෙක්වත් “ශ්‍රේෂ්ඨ” මිනිස්සු නම් නෙමෙයි…..මිනිස් ඉතිහාසය ගත්තොත් මට නම් අවංකව ශ්‍රේෂ්ඨ මිනිහෙක් කියලා පේන මිනිස්සු දෙන්නයි හිටියෙ….ඒ එක මනුස්සයෙක් අම්බානක ගුටි කාලා, ඇණ ගස්සගෙන මළා…..ආයෙ නැගිට්ට කියනවා, ඒවා මං දන්නෙ නෑ…..නැගිට්ට නම් එච්චරයි හිත හොඳ වෙලත් නැගිටින්න පුලුවන් වෙච්ච මිනිහෙක්ට හිටියෙ….
ආයෙ ඉතින් හිටියෙ ගෞතම බුදුහාමුදුරුවො.
ඒ නිසා බිස්නස් දැවැන්තයන්ගේ ශ්‍රේෂ්ඨ ජීවිත වලින් මෝටි-වේස-නල් ස්පීච් දෙන්න මට උවමනා නෑ…..අවශ්‍ය නම් උන් “සල්ලිකාරයො වෙච්ච හැටි” කියල දෙන්නම්…..ඒ කියල දුන්නත් උඹලට ඒවම කලා කියලා හරි යන්නෙ නෑ…..උඹලට ගැලපෙන දෙයක් උඹලා කරගනිල්ලා….අන්න ඒ ගැලපෙන දේ තෝරගෙන, ඒකෙන් ගේම ගහන එකට තමයි “මීටරේ” කියන්නෙ…. ඒ මීටරේ කියන එකත් හැමෝටම පිහිටන්නෙ නෑ…..