මේ කතාව ගොඩක් ඉස්සර වෙච්ච කතාවක් ,සමහර අය අහලත් ඇති,කමක් නෑ අහපු නොඅහපු අය හැමෝටම ආයී මම කතාව කියන්නම් මතක් වෙන්න
මීට අවුරුදු 20 කට විතර කලින් ලංකාවේ වීදී නාට්‍ය කියන එක ඉතා ප්‍රසිද්දයි,සමහරු ව්ෘතීය වශයෙන් ඒක කලා සමහරු යම් යම් පණිවිඩ සමාජගත කරන්න ඒක යොදා ගත්තා,ගොඩක් වෙලාවට කැම්පස් ඉන්න කොල්ලො කෙල්ලො මේ ක්‍රමේ භාවිතා කරා දැන් නම් ඒවා දකින්නවත් නැති තරම්.
කොහොම හරි එක මණුස්සයෙක් හිටියා විදී නාට්‍ය කරලා තමා මිනිහා ජීවත් උනේ,ඒ කියන්නඒ හොඳ ටවුමක් සෙනඟ ඉන්න තැනක් බලලා සාමාන්‍ය කාලයක නාට්‍යක් කරලා වටේ බලපු කට්ටියගෙන් ලැබුන සන්තෝසමෙන් තමා මෑන් ජීවත් උනේ,පොර දක්ෂයා,තනියම තමා ගේම ගහන්නේ
ඔන්න එක දවසක් පොර ටවුමට ඇවිල්ලා හෙන සද්දෙට කෑ ගහනවා තමන් අහවලාය දැන් නාට්ටියක් කරන්නය යන්නේ කට්ටියම එන්නය කියලා.දහ පාලොස් දෙනෙක් වැඩේට සෙට් උනා නාට්ටිය පටන් ගන්නකොට තව ටිකක් කට්ටිය එතනට එකතු උනා
පොර මෙදා පාර රඟපාන්නෙ සිරිසඟ බෝ කතාවේ හයිලයිට් වර්ශන් එක ,ඒ කියන්නෙ සිරිසඟබෝ කතාවේ එන විශේෂ සිදුවීම් පිලිවලට ගලපලා නාට්ටියක් විදියට පොර තනියම රඟ පානවා
ඔය නාට්ටි පෙන්නන ටිකට් එහෙම නැති නිසා වැඩේ පටන් ගන්න කලින්ම කලෙක්ශන් එකක් දානවා.ඒ කියන්නේ නාට්ටිය පෙන්නන කලින් පොඩි ටින් කෑල්ලක් හොල්ලල වටේ ඉන්න අයගෙන් කීය කීය හරි එකතු කරනවා
“ආ නෝනාවරුනි මහත්වරුනි එන්න එන්න අද පෙන්නනනේ සිරිසඟ බෝ කතාවේ වීදී නාට්ටිය ,එන්න ඔබත් ඇවිත් බලන්න”
“සතුට තකා කීයක් හරි දෙන්න හිතවතුනි”
“ටක ටක ටක “
ටින් එකකට සත පනහක් දාගෙන හොල්ලනවා සද්දෙට ඒ ගමන් වටේ යනවා කලෙක්ශන් එක දාගෙන
කලෙක්ශන් එක දාලා ඉවර වෙලා අයිනකට ගිහින් වැඩේට ලෑස්ති වෙන ගමන් එකතු උන ගානත් ගනන් කරන්න මිනිහා පුරුදු වෙලා හිටියා
“රුපියලයි,එකයි පනහයි ,තුනයි තුනයි පනහයි “
“සැක් තුනයි පනහට මෙච්චර නාට්ටියත් පෙන්නන එක පාඩුත් එක්ක,කමක් නෑ මේ කාලේ අමාරුත් එක්කනේ කරලා දානවා”
රයිට් දැන් මෑන් තනියම සීන් එකේ සිරිසඟබෝ රජ තුමා රජ කරපු හැට. අරවා මේවා ඔක්කොම තනියමම නාට්ටි සීන් එකෙන් කරලා පෙන්නනවා . ඔහොම කරගෙන ඇවිත් දැන් පොර බෙල්ල දන් දෙන සීන් එකට ඇවිත් ඉන්නේ
බෙල්ල ඉල්ලන් ආපු දුගියත් රජ තුමත් කියන දෙන්නගෙම චරිත කරන්නෙ අපේ බුවා නේ ඉතින් දෙබස් එහෙම ගානට මිම්මට කියනවා
දුගියා දන ගහගෙන දෙබස් කියනවා
දුගියා- රජතුමනි මට ඔබේ හිස රැගෙන ගියහොත් කහවනු ගෙන සැපසේ ජීවත් විය හැක
දුගියගෙ දෙබස ඉවර උන ගමන් ආයී පොර නැගුටලා රජතුමා වගේ ඒ දෙබස් ටික කියනවා
අත දික් කරලා රජතුමාගේ ආරූඪය අරගෙන
රජතුමා-මගේ හිස ගෙන ගොස් ඔබ සැප සේ ජීවත් වෙය.
දැන් ඔහොම දෙබස් කියනකොට නිකන් අමුතුයි වගේ නේ නැගිටිනවා හැරෙනවා චරිත මාරු වෙනවා එක සීන් එකයි නේ,
ඕක බලන්න ආපු මෑන් කෙනෙක් හිටියා පොරට ඔය බෙල්ල දන් දෙන් සීන් එක ගාවදි “හික්” ගාලා පොඩි හිනාවක් ගියා
මොකද දන නවලා බෙල්ල ගන්නයි ආයී හිටගෙන බෙල්ල දෙන්නයි යන සීන් එක පොඩි කොමිටෙල් ගතියක් ආපු නිසා
ඔය හික් ගෑවිල්ල අපේ බුවාටත් ඇහුනා පොර රඟපාන එක පැත්තකින් තියලා
“මොකද යකෝ හුක් ගාන්නේ උබලා හිතන්නේ තුනයි පනහට බෙල්ල දෙන්න පුලුවන් කියලාද ” කියලා ඇහුවා
දැන් බලන් ඉන්න කට්ටියට තවත් හිනායි කොහොම හරි එහෙම තමයි නාට්ටි පෙන්නිල්ල ඉවර උනේ
උපුටා ගැනීම: Sajith Asantha Vidanapathirana