බර අඩු කරගැනීම කියන්නේ කෑම කන තරම් පහසු දෙයක් නොවෙයි. බර අඩු කරගැනිම සඳහා සිදුකරන ව්‍යායාම් අතරින් බොහෝ දෙනෙකු සිතනවා දිවීම හරහා සිරුරට හොඳින් ව්‍යායාම් ලැබෙන බව. රාත්තල් 155 ක් පමණ බරින් යුක්ත පුද්ගලයෙකු හට පැයට මීටර් 5 ක් පමණ වේගයෙන් මිනිත්තු 30 ක් පමණ දිවීමෙන් කැලරි 298 ක් පමණ ආසන්න වශයෙන් දහනය කරගත හැකි බව ගණන් බැලිය හැකියි. නමුත්, බර අඩු කරගැනීමට ඇති එකම සහ හොඳම ව්‍යායානය දිවීම විතරක්ම නෙවෙයි.
ඇතැම් ඇය දිවීමේ ව්‍යායාම් වල නිරත වීමට කම්මැලිකමක් දක්වනවා. ඇතැම් අයට ඒ සඳහා ඉඩ පහසුකම් හෝ කාලයක් නැහැ. දණහිස් සහ සන්ධි නිතරම වෙහෙසට පත්කරවන ව්‍යායාමයක් නිසා ඇතැම් අයට මෙය එතරම් උද්යෝගිමත් ව්‍යායාමයක් ලෙස නොදැනෙනවා විය හැකියි.
මහත අඩු කරගන්න මෙන්න්ම මේ ව්‍යායාම ක්‍රමත් ඔබට බොහෝ ප්‍රයෝජනවත් වේවි. මේ අතරින් ඇතැම් ක්‍රම දිනපතා අනුගමනය කිරීමෙන් දිවීමේ ව්‍යායාමයෙන් දහනය වන මේද ප්‍රමාණයට වඩා වැඩි මේද ප්‍රමාණයක් සිරුරෙන් දහනය කරගන්නට ඔබට හැකියාව ලැබේවි. හැඩකාර සිරුරකට කැමති ඕනම කෙනෙකුට මේ ක්‍රම උත්සාහ කර බලමින් හොඳ ප්‍රතිඵල අත් කරගන්න පුලුවන් බව නිසැකයි.
- ‘ස්කිපිං’ (කැලරි 372)
කැලරි මෙය කුඩා දරුවන්ගේ ක්‍රීඩාවක් නොව මලල ක්‍රීඩකයින්ට පවා නිර්දේශ වන ක්‍රියාකාරකමකි. එමඟින් පපු ප්‍රදේශයට හොඳින් ව්‍යායාම ලබාදේ (cardio exercise).
- පිහිනීම (කැලරි 409)
කැලරි වැඩි ප්‍රමාණයක් දහනය කරගත හැකි සහ විවිධ රෝගා බාධ රැසක් වැළඳීමෙන් ආරක්ෂා කරවන ඉතා ඉහළ මට්ටමේ සෞඛ්‍යය ප්‍රතිලාභ හිමිවන ක්‍රියාකාරකමකි. දියවැඩියාව, හදිසි ආබාධ තත්ව සහ හෘදය අකර්මන්‍ය විම් ඇතිවීම වළක්වාගත හැකි දණහිස් හා උකුළ පෙදෙසට පීඩනයක් එල නොවන සේ ව්‍යායාම් ලබාදෙමින් මාංශ පේශීන් ශක්තිමත් කරවන ඵලදායි ව්‍යායාමයක් ලෙසත් හැඳින්විය හැකියි.
- පර්වත වල නැගීම (කැලරි 409)
මෙය උද්වේගකර සහ විනෝදාත්මක ක්‍රියාකාරකමකි. ඔබේ අවධානය සහ ස්වයං-කාර්යක්ෂමතාව වැඩිකරමින් ඔබේ මනසට ප්‍රීතියක් ලබාදෙන ව්‍යායාමයකි. නමුත්, පරිස්සම ගැන සැලකිලිමත්වීමට අමතක නොකල යුතුයි.
- බයිසිකල් පැදීම (කැලරි 614)
පුහුණුවේ තීව්‍රතාව මත ඔබට මින් ලැබෙන ප්‍රතිලාභ වැඩිය. එමඟින් ඔබේ මාංශ පේශීන් වලට සහ හෘදයට වඩාත් හිතකර ආකාරයේ ව්‍යායාම් ලබා දේ.
- ‘ස්ටෙප් ඇරෝබික්ස්’ (කැලරි 372)
සංගීත රිද්මයකට අනුව සිරුරට ව්‍යායාම ලැබෙන ආකාරයේ ක්‍රියාකාරකම් වල නිරතවීම මෙහිදී සිදුවේ. ඇරෝබික්ස් ව්‍යායාම ඔබේ සිරුරේ මේද දහනය කරගැනීමට උපකාර කරනවා මෙන්ම ඔබේ හෘද සෞඛ්‍යයේ මනා පැවැත්මට ද දායක වේ. මෙම ස්ටෙප්ස් ඇරෝබික්ස් ක්‍රමයේදි සන්ධි වලට දැඩි පීඩනයක් එල්ල නොවන නිසා ඔස්ටියෝපෙනියා , ඔස්ටියෝපොරෝසිස් වැනි රෝග තත්වයන්ගෙන් පෙළෙන අයට වුවද ගැටලුවකින් තොරව මෙම ව්‍යායාමයේ නිරත විය හැකියි.
- Elliptical ව්‍යායාම උපකරණයෙන් ව්‍යායාම කිරීම (කැලරි 335)
ව්‍යායාම් යන්ත්‍රයකින් ව්‍යායාම කරන විට මුලු සිරුරටම එකවරක හොඳින් ව්‍යායාම ලැබේ. මෙම යන්ත්‍රය මඟින් ඔබේ සිරුරේ ඉහළ කොටස (බාහු, කොන්ද ප්‍රදේශය) සහ පහළ සිරුරේ (කලවා, තට්ටම් ප්‍රදේශයේ මාංශ පේශීන් ) මනාව හැඩ කරයි.
මෙය දැඩි බලපෑමකින් තොර ව්‍යායාම් ක්‍රමයක් නිසා ගර්භනී කාන්තාවන් හට වුව පහසුවෙන් නිරත විය හැකි ක්‍රමයකි.
- ‘බර්පීස්’ (කැලරි 316)
Dynamic canlisthenic ව්‍යායාම කාණ්ඩයේ ව්‍යායාමයක් වන මෙම ක්‍රමයේදී පුද්ගලයා අඩු උපකරණ භාවිතයකින් හෝ කිසිඳු උපකරණයක් භාවිතා නොකරමින් තම සිරුර පමණක් වෙහෙසවමින් ඊට ව්‍යායාම ලබාදේ. මෙමඟින් මාංශ පේශීන් වලට හොඳ ව්‍යායාම ලැබෙන අතර ඔබ අනුගමනය කරන තීව්‍රතාව මත මිනිත්තුවකට කැලරි 10 ක් පමණ දහනය කරගත හැකි ඵලදායි ක්‍රමයකි.
- අත්පන්දු (කැලරි 446)
තරඟකාරී ක්‍රීඩාවල නිරත වීම ද වඩාත් හොඳින් ශරීරයට ව්‍යායාම ලැබෙන ක්‍රමයකි. විශේෂයෙන්ම අත්පන්දු ක්‍රිඩාවේදී ක්‍රීඩකයින් සැම විටම පිටිය පුරා එහා මෙහා ගමන් කරමින් දැඩි ක්‍රියාශීලි බවකින් ක්‍රීඩා කරන නිසා සිරුරේ වැඩි කැලරි ප්‍රමාණයක් දහනය කරගැනීමට උපකාරී වන ක්‍රීඩාවක් ලෙස ප්‍රධාන වශයෙන් හඳුනාගෙන තිබෙනවා.
- කුඩා දරුවන් සමඟ සෙල්ලම් කිරිම (පැයකට කැලරි 372)
දිනපතා දරුවන් සමඟ යම් වේලාවක් කෙලිඳලෙන් ගත කිරීමෙන් පවා සිරුරේ කැලරි හොඳින් දහනය කරගත හැකියි. ජිම් එකකට යාම හෝ දවසේ වෙනම වෙලාවක් ව්‍යායාම වෙනුවෙන් වෙන්කරගැනීමට අපහසු මවුවරුන්ට මෙය ඉතා හොඳ ක්‍රමයකි.
*මෙහි සඳහන් දහනය වන කැලරි ප්‍රමාණයන් රාත්තල් 155 ක පමණ බරින් යුතු පුද්ගලයෙකු මිනිත්තු 30 ක් බැගින් එම ව්‍යායාමයේ නිරතවීමෙන් ලැබෙන ප්‍රතිඵලයේ සාමාන්‍ය අගයන් වේ.
උපුටා ගැනීම: VOICE Official Lanka Post Blog