සිසිනි (පෙම් කතා)

කවුද සිසිනි කියන්නෙ?

සිසිනි

1 missed call

ආ ..මොකක්ද ඔයා ඇහුවෙ?

සිසිනි කියන්නෙ කවුද කියලා අහුවෙ..

මගෙ යාලුවෙක්

යාලුවෙක් කියන්නෙ ඉස්කෝලේ හිටපු කෙල්ලෙක් නේද

හ්ම්ම්

ඉතින් ආන්සර් කරන්නෙ නැත්තෙ?

නිකන් වෙන්න ඇති පස්සෙ ගන්නවා

ඇයි පස්සෙ ගන්නෙ දැන් ගන්නකො.. ඇයි මන් ඉස්සරහ ගන්න බැරිද.. අනික කෝල් එකක් ගන්නවනම් ගන්න එපායැ මිස්කෝල් ගහන්නෙ මොකටද

මන් කොහොමද ඒක දන්නෙ ඒකිගෙන් එපායැ ඒක අහන්න..සමහරවිට මම වැඩක්ද දන්නැති නිසා මිස්කෝල් එකක් ගහලා බලනවා ඇති

එහෙනම් වෙනදටත් එහෙම ගන්නවා ඇති..නැත්තම් ඕනකමක් තියෙනවනම් කෝල් කරන්න එපායැ ..

අනේ මේ ඔයාටත් මොකක්හරි තිබුනොත් ඇති රණ්ඩු වෙන්න

රණ්ඩු වෙන්න මාතෘකා හදන්නෙත් ඔයානෙ නිකන් රණ්ඩු වෙන්න මට පිස්සු යැ

…………………

මොකක්ද ඔයා මට එවලා තිබුනෙ ” ඊයෙ සර් කෙනෙක් ආවා හදිසියේ ඒකයි කෝල් එක තිබ්බෙ තරහද රත්තරන් “කියලා

මන් එහෙම එකක් එව්වද ?

ඔව් මේ තියෙන්නෙ ..මට ඊට කලින් දවසෙ කතා කලෙත් නැතුව මන් බැලුවා ඇයි එහෙම.මැසේජ් එකක් එව්වෙ කියලා

වැඩ කරනකොට ඊයෙද පෙරේදා ද මතක නෑ අනේ ..මොකක්හරි වැරදෙන්නැති මට මතකත් නෑ ..ඔයත් අනේමන්දා මැසේජ් එකක් වැරදුනත් ප්‍රශ්න අහනවා

…………………………….

ඔයාගෙ parents day එකේ වීඩියෝ එක හම්බවුනා කිව්වනෙ බලමුකෝ

පෙන් එකත් දෙන්න දාලා දෙන්නම් ගෙදර ගිහින් බලන්න ගොඩක් වෙලා තියෙනවා

හදිසියේ folder එකකට දැම්මා කොහේද මන්ද

අර close කරපු folder එක open කරන්න බලන්න

ඇයි?

මේ මොකක්ද මේ? මේ අර යාලුවා කියලා මිස්කෝල් ගහපු කෙල්ලගෙ ෆොටෝ නේද? ඒවා කොහොමද ඔයාගෙ ලැප් එකට ආවෙ?

ඒකි දවසක් එවලා තිබුනා ෆෝන් එකේ ඒවා ලැප් එකට දානකොට copy වෙන්නැති

ඔයා බබානෙ. එයා මොකටද හේතුවක් නැතුව ඔයාට ෆොටෝ එවන්නෙ?

ඇයි යාලුවෙක්ට ෆොටෝ එවන්න බැරිද?

ෆොටෝ එවන්න පුලුවන් ..ඒත් හේතුවක් තියෙන්න ඕනැනෙ..අනික අපිටත් පිරිමි යාලුවෝ හිටියට ෆොටෝ ගහලා යවනවැ,අනික ඔය විදියට ,හරි කෙල්ලෙක්නම් එහෙම යවනවද කොල්ලන්ට තමන්ගෙ ෆොටෝ

ඒක මන් දන්නෙ නෑ ,ඒක ඒකිගෙන් අහගන්න,ඔයාගෙ යාලුවො එහෙම වෙන්නැති ,මේ මගෙ යාලුවො,මගෙ යාලුවොත් ඔයාගෙ යාලුවො වගේ වෙන්න ඕන කියලා නෑනෙ..මම දැක්කෙ නෑ කිව්වම එවලා තිබුනෙ

හරි එව්වමයි කියමුකො ..මොකටද ලැප් එකෙ දාගෙන ඉන්නෙ …ඕන වෙලාවට බලන්නද

අනේ මේ.. ඕනදෙයක් හිතාගන්නවා ඔයාගෙ ඔලුවෙ විකාර තිබුනට මට කරන්න දෙයක් නෑ ..

…………………………….

ඔයා මන් ඉස්සර ලියපු ලියුම් ටික ගෙනත් දුන්නනෙ, ඒකෙ තිබිලා අර ඔයාගෙ ෆොටෝ එවපු යාලුවා ඔයා වැඩකරපු තැනට එවපු ලියුමක් හම්බවුනා ,දැන් මොනාද කියන්න තියෙන්නෙ ?

හ්ම්ම් ..තවත් මට ඔයාට හංගන්න දෙයක් නෑ .. ඔයා හිතන තරම් දෙයක් මෙතන නෑ අඩුම තරමේ මම එයාට ෆෝන් එකෙන් ලියුම් දෙක තුනකින් කතා කලා මිසක් හම්බවෙනවත් ගිහින් නෑ

මට විශ්වාස කරන්න බෑ..මෙච්චර රැවටීමක් කරලා තියෙද්දිත් මන් ඔයා කියන ඒවා පිලිගන්න ඕනැද

ඇත්තමයි ..එහෙම දෙයක් උනේ මට මොනවා උනාද දන්නෑ නැතුව ඔයාට ආදරේ නැති නිසා නෙවෙයි

ඕවා කියලා වැඩක් නෑ ඔයා රැවැට්ටුවෙ මගෙ ආදරේ ..මගෙ පලවෙනි ආදරේ ..ඔයා නැතිකලේ මහමෙරක් තරම් මගෙ හිතේ ඔයා ගැන තිබුන විශ්වාසය ,දැන් ඉතින් මට ජීවිතයක් නෑ

මට සමාව දෙන්න,මගෙ අතින් නොදැනුවත්ව වරදක් උනා ආයිත් එහෙම දෙයක් වෙන්නෙ නෑ , අපි ඉස්සර වගේ සතුටින් ආදරෙන් ඉමු

ඉස්සර සතුට ආදරය තිබුනනම් කොහොමද තුන්වෙනියෙක් අපේ ජීවිතේට ආවේ..ඔයා ඉස්සර ඉදන් කරලා තියෙන්නෙ මාව රවට්ටපු එක..ඔයාට තිබුන ආදරේට මගෙ ඇස් වැහිලා තිබුනේ..සත්තමයි මම අම්මට තාත්තාට වඩා ඔයාට ආදරේ කලා..ඔයා රැවැට්ටුවෙ නැතිකලේ ඒ අහිංසක ආදරේ ඒ අහිංසක කෙල්ලගෙ ජීවිතේ

මට සමාවෙන්න රත්තරන් ..ආයිත් එහෙම දෙයක් වෙන්න නෑ ..එයා නපුරුයි ..එයාට දැන් කොල්ලෙක් ඉන්නවා කැම්පස් එකේ..ඒ කොල්ලා යාලුවෙන්න අහ අහ හිටියේ මම වචනයක් දෙනකන් එයා බලන් හිටියේ ..එයා ඔයා ගැනත් දන්නවනෙ ..මට ඔයාව අත අරින්න බෑ කිව්වම මට බැනලා ආයිත් කතා කලේ නෑ,පස්සෙ මට මැසේජ් එකක් එවලා තිබුනා අරයට හා කිව්වා කියලා එච්චරයි ආයිත් එහෙම දෙයක් වෙන්නෙ නෑ දිවුරනවා

දිවුරනවා .. ඕක දැන් මට නිකන්ම නිකන් වචනයක් විතරයි ..මතකද ඔයාට මන් හා කියපු දවසෙ මුලින්ම මම කිව්වෙ “මම ඔයාට කැමතියි ..ඔයා පොරොන්දු වෙනවා නේද මාව කවදාවත් රවට්ටන්නෙ නෑ කියලා “

දැන් මම ඇත්ත කිව්වට ඔයා පිලිගන්නෙ නෑ ,පුලුවන් නම් මට සමාව දෙන්න, මාව දාලා යන්න එපා මට ඔයා නැතුව ජීවත් වෙන්න බෑ

ඔයාට ඕවා හිතන්න තිබුනෙ ඔවා කරන්න ඉස්සර ..දැන් මේ හිත රිදිලා ඉවරයි ..දැන් මට ඉතුරු කාලෙ ගෙවන්න වෙන්නෙ මේ රිදුමත් එක්ක, අවංකව ආදරේ කල කෙනාටයි අමාරු කොහොමද දැන් මන් හිත හදාගන්නෙ

ඔහොම හිතුවොත් ඉස්සරහට අපිට සතුටින් ඉන්න ලැබෙන්නෙ නෑ..රණ්ඩු වෙවි තමා ඉන්න වෙන්නෙ

ඔයා මගෙ සතුට ආදරේ විශ්වාසය නැතිකලා , දැන් ඔයා කොහොමද ලේසියෙන් අමතක කරන්න කියන්නෙ, ඔයා විදවන්න ඕනා ඒකට

මම විදවනවා තමයි මැරෙන්නද කියන්නෙ මට..පපුවට පිහියෙන් ඇනගෙන පෙන්නන්නද කියන්නෙ

මම එහෙම කියන්නෙ නෑ ..මම දන්නෙ නෑ මේ දේවල් කවදා මට අමතක වෙයිද කියලා

හරි කමක් නෑ ඔයාගෙන් මම ඉල්ලන්නෙ පුලුවන් ඉක්මනට අමතක කරල අපි සතුටින් ඉමු මගෙන් ආයිත් වරදක් වෙන්නෙ නෑ ,රණ්ඩු කර කර හරි මා එක්ක ඉන්න

හ්ම්ම්..මම ඔයාව දාලා යන්නෙ නැත්තෙ වෙන මොකවත් නිසා නෙවෙයි මටත් ඔයා නැතුව බැරි හින්දා ..වෙන පිරිමියෙක්ට දෙන්න තරම් ආදරයක් මගෙ හිතේ නැති හින්දා ..මම ගෙදර යනවා,අද මට කෝල් කරන්න එපා මට ටිකක් නිදහසේ ඉන්න ඕනා

දෙලොවක් අතරේ සරණ ඔබේ සිත

මෙතරම් සසලෙන් නැතුව ඇති

ඔබ මගෙ මුලු ලෝකයම නිසා මට

වැඩියෙන් දුක දැනෙනවා ඇති .

උපුටා ගැනීම: Shashika Haputhanthri