අනික් අයගේ හිහ කියවන්න පුලුවන් වුණානම් කියලා හිතුණු අවස්ථා අත්දැකීම් ඔබටත් ඇති. එහෙම කියන්න පුළුවන් විශේෂ හැකියාවන් තියෙන අය ඉන්න පුලුවන්. නමුත් ඉතින් හැමෝටම ඒ හැකියාව නැහැනේ. නමුත් කෙනෙක්ගේ ශරීර භාෂාව නිරීක්ෂණය කිරීමෙන් තවත් කෙනෙක්ගේ සිතේ තියෙන දේවල් ගැන කියවීමක් කල හැකි කියලයි කියන්නේ. වචන වලින් නොකියවෙන බොහෝ දේවල් කෙනෙක්ගේ හැසිරීම් වලින් හා අභිනවලින් හෙලිදරවු කරනවා.ශරීර භාෂාව බොහෝදුරට අපේ උපවිඥානය සමඟ සම්බන්ධ වී ඇත්තකි. අප හෙලි නොකිරීමට ආයාස දරන දේ අප නොදැනුවත්වම ස්වභාවිකව අපේ හැසිරිම් වලින් හා අභින වලින් පෙන්නුම් කිරීම සිදුවිය හැකියි. ඒ කියන්නේ කෙනෙක්ගේ හිතේ තියෙන ඇතැම් දේවල් ඔහුගේ/ඇයගේ ශරීර භාෂාව හරහා පෙන්නුම් කිරීම සිදුවිය හැකියි. ඒවගේ කෙනෙක්ගේ හිතේ තියෙන්නේ මොනවද කියලා නිරික්ෂණය කිරීමෙන් හඳුනාගන්න පුලුවන් උපක්‍රම 8 ක් ගැනයි අද අප ඔබට කියන්න සූදානම් වෙන්නේ.
1.ඔවුන්ගේ ඇස් චලනය වන ආකාරය දෙස හොඳින් බලන්න
දකුණු පැත්ත බලා සෘජුව උඩු අතර ඇස් හරවයි නම් බොහෝ දුරට එම පුද්ගලයා බොරු කියන බවයි අර්ථය. හේතුව එසේ කිරිමෙන් පරිකල්පනය හා පෙර මතක සක්‍රීය වීමට පටන්ගැනීම සිදුවීමයි.කතා කරන විට වම් පැත්ත බලා පහළට ඇස් යොමුකරයි නම් ඉන් අදහස් වන්නේ කතා කරන පුද්ගලයා ඇතැම් විට කතාකිරීමට කරුණු සොයන බවක් හෝ තමන්ගේ සිතිවිලි ගැන ආවර්ජනය කරන බවයි.
2.වැඩියෙන් ඔලුව සොලවනවා නම්.
ඇතැම් විට අනෙක් පුද්ගලයා අකමැති මාතෘකාවක් ගැන අප දිගින් දිගටම කතාබහේ යෙදිලා ඉන්නවා වෙන පුලුවන්. මෙවැනි වෙලාවට අනෙක් පුද්ගලයා නැවත නැවත වැඩිවශයෙන් හිස සොලවයි නම් අප තේරුම් ගන්න අවශ්‍යයි ඔහු/ඇය මේ කතාබහට අකමැති බව.උපදෙස් අනුගමනය කරන්න වන අවස්ථාවකදී තමන් එසේ කල යුතු ද කියලා කෙනෙක්ට සැකයක් තියෙනවා නම් එවැනි පුද්ගලයෙක් කතාබහේදි වැඩියෙන් හිස සෙලවීම සිදුකරන බවක් දැකිය හැකි බව පැවසෙනවා. මෙහෙම තත්වයක් ඔබට කතාබහේදි නිරික්ෂණය කරන්න ලැබෙනවා නම් වේගය බාල කරලා කතාව වෙනත්ම මාතෘකාවකට යොමුකිරිම හෝ ඔබට පවසන්නට ඇති දේ කීමට වෙනස්ම ක්‍රමයක් භාවිතා කිරීම නුවණට හුරු වේවි
3.ව්‍යාජ සිනාව
සිනාසෙන විට මුහුණ රැළි මතුවෙන ස්වභාවය ඔබේ සිනහව ව්‍යාජ ද අව්‍යාජ ද යන්න පිලිඹිමු කරයි. ඔබ සිනාසෙන විට තොල් සමඟ ඇස් අවට රැළි නොවැටෙයි නම් ඔබ සිනාසෙන්නේ බොරුවට බව හොඳින් හඳුනාගත හැකියි.
4.හකු විකාගෙන සිටියි නම්
හකු තද කරගෙන සිටීම ආතතියට ලක්ව සිටින බව පෙන්නුම් කරන ඉඟි ලක්ෂණයකි. ඔබ අසල සිටින කෙනෙකුගේ මුහුණෙන් මෙවැනි අභිනයක් පෙන්නුම් කරයි නම් බොහෝ විට එම පුද්ගලයා ආතතිය දනවන ආකාරයේ යමක් ගැන සිතමින් සිතින් වදවෙමින් සිටිනවා විය හැකියි. එවැනි ලක්ෂණයක් නිරීක්ෂණය වුවද නොවූවද එසේ වන්නේ උපවිඥානයේ බලපෑම නිසයි. එනම් නිරායාසයෙනි.
5.බලෙන් හැඟීම් ප්‍රකාශ කරන බව තේරුම් ගන්න අමාරු නැහැ
හැඟීමක් ප්‍රකාශ කරන විට එම භාවය ඔබේ මුහුණ පුරාවට සමානව ප්‍රකාශ වේ. උදාහරණයක් ලෙස කෙනෙකු සිනාසෙන විට මුහුණේ එක් පැත්තක් පමණක් අනෙක් පැත්තට වඩා වඩාත් සක්‍රීය වෙයි නම් එම පුද්ගලයා ව්‍යාජ හැඟීමක් ප්‍රකාශ කරන්නට උත්සහ කරනවා විය හැකියි.
6.අත් ඔසවන අවස්ථා ගැන සැලකිල්ලෙන් සිටින්න
අත් ඔසවමින් ඉදිරිපත් වීමට හෝ පිළිතුරු දීමට ඇතැම් අවස්ථාවල අපට සිදුවෙනවානේ.සුවපහසු ඉරියව්වකින් සිට සම්පූර්ණ දිගින් යුතුව අත් ඉහළට එසවීම ආත්මවිශ්වාසය, ප්‍රමුඛත්වය ගන්නා සුලු බව ඇතුලු ප්‍රබල පෞරුෂත්වයක් ඇති අයෙකුගේ ලක්ෂණ විදහාපායි.ඊට සාපේක්ෂව කෙනෙක් හිසටත් පහළින් අත පෙනෙන නොපෙනෙන සේ එසවීමට උත්සහ කරයි නම් ඉන් පෙනෙන්නේ ඔහුගේ/ඇයගේ සිතේ අවිනිශ්චිත හැඟිමක ඇති බවයි. ලැජ්ජාශීලි බව ද තවත් එක් හේතුවක් වෙන්න පුලුවන්.
7.ඔවුන් අල්ල චලනය කරන ආකාරය ගැන විමසිල්ලෙන් ඉන්න
අත් හසුරුවන ආකාරයෙන් පිළිඹිබු වෙන තේරුම් ගණනාවක් තිබිය හැකියි. මේ අභින ද්විත්වය ඊට උදාහරණ වේ. අත් හසුරුවන විට යමෙකුගේ දෙ අල්ල උඩු අතට හැරවී ඇත්නම් ඉන් පිළිඹිබු වන්නේ පුද්ගලයා යමක් පිළිබඳ යෝජනා කරන බවක් හෝ යමක් ගැන විමසන බවක් විය හැක. දෙ අල්ල පහළ අතට මුහුණලාගෙන චලනය කරයි නම් ඉන් අදහස් වන්නේ එම පුද්ගලයා නියෝගයක් කරන බව හෝ යමක් ගැන ඉල්ලීමක් කරන බවය.
8.ඔවුන් ඔබ සමඟ දුර පරතරය පවත්වාගන්නා ස්වභාවය ගැන අවධානය යොමුකරන්න
යම් පුද්ගලයෙකු ඔබව ප්‍රියකරනවාද නැද්ද යන්න ගැන යම් අදහසක් ලබාගැනීමට ඔහු/ඇය ඔබට කොපමණ දුරක් තබා සිටගන්නේදැයි අවධානයෙන් සිටින්න. ඔබ සමීපයට ගමන් කරන විට එම පුද්ගලයා පි‍ටුපසට ගමන් කරයි නම් මේ අන්‍යෝන්‍ය සම්බන්ධතාවය අනෙකාට ප්‍රිය නැතිවාක් විය හැකියි. සමහර විට එය ඔහු/ඇය ඔබව මගහැරීමට උත්සහ දැරීමක ලක්ෂණයක් ලෙස සැලකිය හැකියි.ඇතැම් අවස්ථාවල පුද්ගලයින් දෙදෙනෙක් අතර පවතින පරතරයෙන් ඔවුන් අතර ඇති සම්බන්ධතාව කෙබඳු ස්වරූපයක් ගනියි ද කියා යම් අදහසක් ලබාගන්න එතරම් අපහසු නැහැ.
උපුටා ගැනීම: The Lanka Post