සිතුවිලි හුවමාරුවේ අපූර්ව තෝතැන්නක් වූ “ටෙලිපති”(Telepathy) (වැල්වටාරම්)

“මම මේ ඔයාට කෝල් එකක් ගන්න හැදුවා විතරයි…ඔයා මේ කෝල් කරන්නේ මට”

“ඔයා කොහොමද මන් හිතන දේම හිතන්නේ…මම කියන්න හදපු දේම කොහොමද ඔයත් කියන්නේ”

ඔයාටත් දැනිලා තියනවද….එහෙම නැත්නම් ඔයත් මේ දේවල් තව කෙනෙක්ට කියලා තියනවද?

වෙලාවකට ඔයා තනියම හිතනවා ඇති…කොහොමද එහෙම උනේ?

සමහරවිට ඔයා ඔයාගේ අනෙක් පාර්ශ්වයත් එක්ක මේ ගැන කියලත් ඇති..

ඇත්තටම කොහොමද එහෙම වෙන්නේ…ගොඩක් අයට අත්දැකීම් තියන ලස්සන මාතෘකාවක් තමයි “ටෙලිපති”(Telepathy)එහෙම නැත්නම් මනසින් සිතුවිලි හුවමාරු කර ගැනීම..

සන්නිවේදනයේ නිම්වළලු පුළුල් වෙමින් සිතුවිලි හරහා පණිවිඩ හුවමාරු කර ගැනීමේ තාක්ෂණය”ටෙලිපති”සන්නිවේදන හුවමාරුවයි..එනම්,කිසිදු සන්නිවේදන උපකරණයක සහායක් නොමැති ව සිතුවිලි වලින් අදහස් හුවමාරු කර ගැනීමයි..මෙය 100%ක්ම නිවැරැදි නොවුනද 90%කම නිරවද්‍යතාවක් ඇති බවට මේ පිලිබඳ තවදුරටත් අධ්‍යයනයේ යෙදෙන පර්යේෂකයන් පවසනවා..එකිනෙක අතර සැතපුම් ගණනාවක් දුර සිට වුවද මෙසේ සන්නිවේදනය සිදු කිරීම අනාගත සන්නිවේදනයේ ද විප්ලවයක් ඇති කරනවා නොඅනුමානය.

මෙහිදී සිදුවන්නේ මොළයකින් තවත් මොළයක් වෙත සෘජුවම සිතුවිලි හුවමාරු කර ගැනීමකි..චිත්ත තරංග ඔස්සේ පමණක් මෙසේ පුද්ගලයන් අතර අදහස් හුවමාරු කර ගැනීම දියුණු කර ගැනීම පිලිබඳව තව දුරටත් පර්යේෂකයන් වෑයම් කරන්නේ මෙය කිසිදු භෞතික බාධාවකින් තොරව නිදහස් සන්නිවේදනයේ යෙදිය හැකි අද්විතීය අවස්ථාවක් නිසාවෙනි.

දෙදෙනෙකු ආදරයෙන් බැඳී සිටින විට දී මෙම සන්නිවේදනය බොහෝවිට ක්‍රියාත්මක වෙනවා..සමහරවිට ඔයාටත් ඒ ගැන නම් අත්දැකීම් ඇති..විටින් විට කැඩී බිදී යන සම්බන්ධකම් තුළ නොව,සත්‍යවාදී අවංක බැඳීම් ජනිත වන දෙදෙනෙකු තුළ නම් ඔවුනොවුන් අතර මෙවැනි සන්නිවේදනයක් නම් බොහෝ විට ඇති වෙන්න පුලුවන්. අවකාශය හරහා සිතුවිලි ,හැඟීම් සන්නිවේදනය වෙමින් ආදරය ශක්තිමත්ව ඉදිරියට පවත්වාගෙන යාමට හැකියාව ද “ටෙලිපති” සන්නිවේදනය හරහා සිදුවේ..

*”ආදරය භාවනාවක් නම්,ඒ තුළ වූ ටෙලිපති සිතුවිලි මගින් ඔබත් ඔහුත්/ඇයත් අතර ඇති සබදතාව තව තවත් තීව්‍රර කර සතුටක් ගෙන එනු නොඅනුමානය..”*

උපුටා ගැනීම: -අනුත්තරා ජයසිංහ-

                    Diploma in Psychology Counseling & Psychotherapy.

මූලාශ්‍රය: Psychology