මේ කාරනා ටිකනම් දරුවො විතරක් නෙමෙයි වැඩිහිටියොත් දැනගත යුතුම කාරනා ටිකක්.
1) දුරකථනය ස්ථිරව මේසයක් මත රදවන්න. මෙහිදී යම් ආධාරකයක් මගින් දුරකථන තිරය ඇලව තිබෙන සේ මේසය මත රදවා ගත හැක. ඉන් පසුව පුටුවක නිවැරදි ඉරියව්වෙන් වාඩිවී පාඩමට සම්බන්ධ වෙන්න. (ඇදන් මත හෝ නිවැරදි ඉරියව් භාවිතා කළ නොහැකි ස්ථානවල දුරකතනය තබා ගැනීමෙන් වලකින්න.)
2) දුරකථන තිරය සහ ඇස් අතර පරතරය අගල් 12 ත් 14 ත් අතර තබා ගන්න. (පරිගණක තිරයක් භාවිතා කිරිමේදී එය අගල් 18 ත් 28 ත් අතර දුරකින් තබාගන්න.)
3) ඇස් මට්ටමට අගල් 4, 5 ක් පහලින් දුරකථනය තබාගන්න. නමුත් එය භාවිතා කිරීමේදී බෙල්ල සහ කොන්ද කෙලින් තබාගන්න.
4) 20/20/20 යන්න සිතට ගන්න. එනම් සෑම මිනිත්තු 20 කට වරක්ම, තත්පර 20 ක කාළයක් අඩි 20 ක් පමණ දුර ඇති යම් දෙයක් දෙස බලා සිටින්න. මෙය කිරීමෙන් අක්ෂි දෝශ (Computer Vision Syndrome) අවම කර ගත හැකිවේ.
5) සැමවිටම කාමරය ආලෝකමත්ව තබා ගන්න. අදුරු පරිසරයක සිට දුරකථන තිරය මත බැලීම කිසිවිටෙකත් නොකරන්න.
6) දුරකථන තිරයේ දීප්තිය සැම විටම ප්‍රශස්ථව තබාගන්න. එය පමණ ඉක්මවා වැඩි හෝ අඩු හෝ නොවිය යුතුය.
7) තිරය දෙස බලා සිටීමේදී ඇස්පිල්ලම් ගැසීම අඩු විය හැකි නිසා, උවමනාවෙන්ම ඇස්පිල්ලම් ගැසීම වැඩි කර ගන්න.
8) නිබන්ධන, සටහන් හා ප්‍රශ්නපත්‍ර සැමවිටම මුද්‍රිත ආකාරයෙන් පමණක් භාවිතා කරන්න. ඒ හරහා පංති පැවැත්වෙන්නේ නැති වේලාවල්වලට පරිගණකය හෝ දුරකථන තිරය භාවිතය අවම කරගත හැක.
උපුටා ගැනීමකි