කළුදුරු යනු රෝග සුව කිරීම සඳහා අතීතයේ පටන් භාවිතා කරන ලද වටිනා ඖෂධයකි. ප්‍රකට නොවූ කුළු බඩුවකි. කළුදුරු ශාකය සෙන්ටි මීටර් 30- 60 පමණ උසින් යුක්ත වන අතර සූතිකා මෙන් බෙදුණු කොළවලින් යුතුවේ. මල් සුදු හෝ දම් පැහැතිය. මෙහි හටගන්නා ගෙඩි ඉදුනු විට දුඹුරු පැහැතිවේ. එහි ඇතුළත තද කළු පැහැති බීජ අඩංගුවේ. මැදපෙරදිග රටවල බහුලව වැවේ මෙය වසර තුන්සියයකට පමණ පෙර පැවති ඊජිප්තු ශිෂ්ටාචාරය තුළද භාවිතා කර තිබුණු බවට සාක්ෂි හමුවී ඇත.
ඉන්දියාවේ මෙන්ම අරාබි යුනානි රටවලද දේශීය වෛද්‍ය ක්‍රමය තුළ කළුදුරු අතීතයේ පටන්ම භාවිතා කර තිබේ. ඉස්ලාම් දහමේ ද කළුදුරු විශේෂ කොට සලකයි.මුහම්මද් වටී තුමාද ප්‍රකාශ කර ඇත්තේ “කළුදුරු භාවිතා කරන්න. එයින් මරණය හැර ඕනෑම රෝගයක් සුව කළ හැකි බවයි.” මුහම්මද් නබි තුමා ද කළුදුරු මීපැණි සමඟ විවිධ අවස්ථාවල භාවිතා කර තිබේ. ශ්‍රි ලංකාවේ කළුදුරු භාවිතා කිරීම අවම වීමට හේතුව නම් කිසිවෙකු මෙහි ඖෂධීය ගුණය පිළිබඳව නොදැන සිටීමයි. නමුදු ඈත අතීතයේ පටන්ම ඉන්දියාව වැනි රටවල ආහාර පිසීම සඳහා වැඩි වශයෙන් කළුදුරු තෙල් භාවිතා කරනු ලැබේ. ඊට අමතරව කළු තේ ,කළුදුරු බිස්කට් ,පාන් ,බනිස්, වැනි නිෂ්පාදනයන් ද සිදු කෙරේ.
- කළුදුරුවල පෝෂක සියයක් පමණ අඩංගු වේ. කාබෝහයිඩ්‍රේට්, තන්තු අම්ල ,ප්‍රෝටීන්, විටමින් ,ඒ, බී, සී, ඛනිජ ලවණ ,යකඩ ,කැල්සියම් , පොටෑසියම්, මැග්නීසියම් ,සින්ක් ,සෙලෙනියම්, මීට අමතරව විෂ නාශකයන්, වෛරස් නාශකයන්, වේදනා නාශකයන් ද අඩංගු වේ.
- පිළිකා රෝගයට ගුණදායී වේ කළුදුරු ආහාරයට ගැනීම මඟින් පිළිකා රෝග ඇතිවීම හා ඇතිවූ පිළිකා සුව කර ගැනීමේ හැකියාව පවතී. එනම් කළුදුරු ආහාරයට ගැනීමෙන් ශරීරයේ ඇති DNA අනුවට වන හානි වලකා ආරක්ෂා කරයි. එමගින් පිළිකා රෝග ඇතිවීම බොහෝ දුරට පාලනයවේ. එනම් බඩවැල් පිළිකා,පියයුරු පිළිකා,මොළයේ පිළිකා,මුඛ පිළිකා ආදී බොහෝ පිළිකා සුව කරගත හැකිවේ. පිලිකා සුව කිරීම සඳහා කරනු ලබන කිමෝ තෙරපිය සදහාද කළුදුරු යොදා ගනියි.
- හෘද රෝගීන්ට ගුණදායකය. කළුදුරු මගින් හෘදයට සැලසෙන වාසි බොහෝමය. එනම් රුධිර පීඩනය පාලනය කරයි. ශරීරයේ කොලෙස්ටරෝල් මට්ටම අවම කරයි. මේ හේතුන් නිසා හෘදය නිසි පරිදි ක්‍රියාත්මක විමට හැකියාව ලැබේ. ඒ නිසාම හෘද රෝගීන්ට කළුදූරු භාවිතය ගුණදායිවේ.
- ශරීරයේ බඩ බර අඩු කරයි කළුදුරු යනු ශරීරයේ බර අඩුකර ගැනීම ගැනීම සඳහා භාවිතා කළ හැකි වටිනා ඖෂධයකි. ආයුර්වේද වෛද්‍යවරුන්ගේ උපදෙස් මත නියමිත කළුදුරු මාත්‍රාව දැන මාස තුනක් පමණ එක දිගට භාවිතා කිරීමෙන් ශරීරයේ මේදය ඉවත් කර බර අඩු කරගත හැකිය.
- දියවැඩියා රෝගීන් සඳහා ද කළුදුරු ගුණ දායක වේ කළුදුරු ආහාරයට ගැනීම මගින් ශරීරයට ග්ලුකෝස් උරා ගැනීම අවම කරයි එමගින් දියවැඩියා රෝගීන්ට කළුදුරු භාවිතා කිරීම ගුණදායිවේ. කළුදුරු යුෂ මිලිග්‍රෑම් සීයක් දෙසීයක් පමණ දිනකට දෙවතාවක් මාස දෙකක් එක දිගට ගැනීම මගින් දියවැඩියා රෝගය සමනය කරගත හැකිවේ.
- විෂබීජ නාශකයකි.කළුදුරුවල ට විෂබීජ නැසීමේ හැකියාව ඇති බවට කරන ලද පරීක්ෂණ වලින් හෙළි වී තිබේ. එනම් HIV වැනි වෛරස් ආසාදන සඳහා භාවිතා කළ හැකි වටිනා ඖෂධයක් ලෙස වෛද්‍යවරු කළුදුරු හඳුන්වා තිබේ.
- අක්මා රෝග සඳහා ගුණදායිවේ. අක්මාවට සිදූවන හානි එනම් මත්පැන් පානය කිරීම ,නොයෙක් බෙහෙත් වර්ග ගැනීම ආදියෙන් සිදුවන හානි මෙන්ම අක්මාව ඉදිමීම ආදී රෝග සමනය කරගැනීමට කළුදුරු භාවිතා කළ හැකිය.
- පෙණහලු ආශ්‍රිතව ඇතිවන ඇදුම, කැස්ස, සෙම්ප්‍රතිශ්‍යාව ආදී රෝග සඳහා ගුණදායී වේ
- ඊට අමතරව නියගලා විෂ ශරීරගත වූ විට, වලිප්පුව, අර්ශස් රෝග සදහා, ප්‍රතිශක්තිකරණය වර්ධනය කිරීම සඳහා, ශරීරය සිසිල් කිරීම සඳහා ද කළුදුරු භාවිතාකෙරේ.
කළුදුරු වලින් අත් බෙහෙත්
- ශරීරයේ බර අඩුකරගැනීම සඳහා මෙන්ම ශරීරයේ වේදනාවන් සඳහා කළුදුරු තේ හැඳි බාගයක් කුඩුකර මී පැණි මේස හැඳි එකක් සමග මිශ්‍ර කර ආහාරයට ගන්න.
- කාන්තාවන්ගේ මාස් ශුද්ධියේ දී ඇතිවන වේදනාවට කලුදුරු හැන්දක් හා මී පැණි හැන්දක් මිශ්‍ර කර පානය කරන්න.
- චර්ම රෝග සඳහා එනම් වන, තුවාල, ලප කැළැල් ,කුරුලෑ ආදී චර්ම රෝග සඳහා කළුදුරු තෙල් කළුදුරු තෙල් යනු වටිනා ඖෂධයකි. මීට අමතරව කළුදුරු තෙල් භාවිතා කිරීමෙන් සම පැහැපත් කරගත හැකිය.
- ශරීරයේ ඇතිවන නොයෙකුත් වේදනාවන් වලට මස්පිඩු පෙරලීම , හන්දිපත් වේදනාවට කළුදුරු තෙල් භාවිතා කළ හැකිය.
- සුව නින්දක් සහ මානසික ආතතිය, මානසික රෝග සමනය කරගැනීමට මෙන්ම ශරීරය සිසිල් කර ගැනීමට, ශරීරයේ ප්‍රතිශක්තිකරණය වර්ධනය කරගැනීමටද කළුදුරු භාවිතා කළ හැකිය. කළුදුරු ඇට ස්වල්පයක් වතුරට දමා තබා පසුව රාත්‍රී නින්දට පෙර පානය කරන්න.
- හිසකෙස් වැටීම සඳහා බුලත්,දොඹ දළු ,රතුළූණු, ගොටුකොළ සමව ගෙන කොටා කළුදුරු හා තල තෙල් සමග මිශ්‍ර කර මදක් රත් කර හිසකෙස් මත ආලේප කරන්න.
- සම පැහැපත් කිරීමට කළුදුරු, සූදුරු, අබ, තල, එළකිරෙන් අඹරා ගාන්න.
- කොලෙස්ටරෝල් පාලනය කිරීමට කළුදුරු කරපිංචා උළුහාල් සමව ගෙන කුඩු කර මී පැණි දමා තේ හැඳි එක බැගින් උදෑසන පානය කරන්න.
මේ ආදී වු බොහෝ රෝග සඳහා ගුණ දෙන කළුදුරු ඖෂධයක් ලෙස ඔබත් භාවිතා කරන්න. වෛද්‍ය උපදෙස් මත භාවිතා කරන්නේ නම් එය වඩාත් සුබදායී වේ.
උපුටා ගැනීම: The Lanka Post