මෑතකදී මා අවමන්ගල්‍යකට සහභාගී උනෙමි . එදින මට බොහෝ මිතුරෝද හමු විය .
ඔව්හු මියගිය මිතුරාගේ තොරතුරුද කතා කරන්නට වුහ .
බැංකුවක ඉතා ඉහල රැකියාවක් කරමින් , ලස්සණ දියණියක් ,පුතෙක් ,
තවත් නීති නිලධාරිනියක් වූ බිරිදක් ලබන්නට ,හොද ආදායමකින් හෙබිව
ජිවිතයක් ගෙවන්නට සිටි ඔහුගේ අකල් මරණය මිතුරන් දුටුවේ විවේචනාත්මකවය
“කොච්චර කිව්වත් ඇහුවේ නෑනේ , මොනවට මූ මෙහෙම බිව්වද මන්දා ?”
“ටිකක් සිරෝසිස් එනකොට නතර කරන්න කිව්වා ,ඇහුවේ නෑ මෝඩයා “
“වයිෆ් අන්තිමේට කියලා කියලා අත ඇර දැම්මා “
“එයත් හොද කෙනෙක්නෙ ,වෙන කවුරු හරි නම් වෙන මිනිහෙක්
හොයා ගන්නවා “
“කොච්චර කරත් හිත හොද මිනිහා හැබැයි “
මේ ආකාර සාකච්චා අතරින් මා වෙන්ව තනිවම දුරින් වූ ගසක් මුල පුටුවකට ගියෙමි
මියගිය මිතුරාගේ අවුරුදු විස්සක් පමණ වූ දියණිය නෙස් කැපේ බෙදයි
ඊට අවුරුදු දෙකක් පමණ බාල මල්ලි මිතුරන් සමග කතාවේය
දුවට වඩා පුතා දුකින් වගේය
බිරිද දුක්බර බවටත් එහා ගිය අනාගත වගකීම් සිතමින් කලබලෙන් සිටින බවක් පෙනේ
ජිවිතේ අන්තිම කාලේ ඔවුන් අතර ආදරයක් නොතිබුන සෙයකි
ඇයගෙන් මා දුටුවේ ආදරණියෙකු වෙන්වීමේ දුකක් නොවේ
ඔහු මගේ පාසල් මිතුරෙකි . මා සමග හයවෙනි පන්තියේ සිට සාමාන්‍ය පෙළ දක්වා
සිටියේ එකම පංතියේය , සාමාන්‍ය පෙලින් පසු ඔහු වාණිජ පන්තියටත් මා ජීව විද්‍යා
පන්තියටත් ගියද අපේ මිතු දම පාසැල තුල නොවෙනස්ව පැවතිනි
විකුම් මද්‍යම පන්තියේ පවුලක තුන් වැනියාය .
ඔහුට වැඩිමල් සහෝදරියන් දෙදෙනෙකි .පව්ලේ බාලයා හා එකම පිරිමි
දරුවා නිසාවෙන් තාත්තාගෙන් සෑහෙන්න හොද ගෙදරක්ද ,ඉඩ කඩම්ද නොමිලේම
ලැබුණි රැකියාවේද ආදායම් නර නැත
විකුම්ට ස්වරණා හමු උනේ පාසල් යන කාලයේය ,ඇය සම වයසේය ,කටකාරය
ටිකක් මහත මුත් හැඩ කාරය ,ඒ ප්‍රේමය ඇරබි ඇත්තේ පාසල් අතර විවාද තරගයක
දෙපස තරගකරුවන් දෙදෙනෙකු සේ හමු වීමෙනි
ස්වර්ණා ගැන විස්තර විකුම් මට කියා තිබේ .ඇය පහළ මද්‍යම පන්තියේ නිවෙසක
බාල දියණියකි .වැඩිමල් සහෝදරියන් තුනකි ,සහෝදරයින් දෙකකි
තාත්තා ටිකක් සැරය නීති කාරයෙකි ,මේ නිසා අම්මා යම් තරමක් පිඩනයකින් හිද ඇත
කෙසේ උවද ගමේ ඇය හොදය කියා සම්මත මවකි
ස්වර්ණා වැඩිපුර හිද ඇත්තේ අම්මා සමගය ,අම්මා නිතර ඇයට පවුල් ජීවිතය ගැන
උපදෙස් දී ඇත . කුමක් නැතත් පතිවත ඈ ඉතා අගය කලාය ,ස්වර්ණාගේ තාත්තගේ
පුරුෂ අධිපති බව විවේචන කල ඇය ස්වර්ණාට කිවේ කියන දේ අහන අහිංසක කොල්ලෙක්
සොයා ගන්නා ලෙසය
ස්වර්ණා විකුම් ගැන එලෙසින් සිතන්න හැකි අයුරු චරිතයක් ඔහුට තිබිණි .
විකුම් පාසල් වියේදීම මට කියා තිබුනේ ස්වරණා දෙමාපියන්ට ගරු කරන
ඔවුන්ගේ මතයන් පිළිගන්නා බොහෝ සහෝදර ප්‍රේමයෙන් යුත් හොද කෙල්ලක්
කියාය
ඔවුන්ගේ විවාහයටද මා උවමනාවෙන්ම සහභාගී වූ අතර මනාලියගේ
පාර්ශවයෙන් ඇගේ යහපත් ජීවිතය ,ගති ගුණ ගැන බොහෝ දේ කියැවිණි
මෙසේ කාලය ගතවිය , කාර්ය බහුලතාවය නිසා මට ඔවුන් හමු උනේ
කලාතුරෙනි ,ඒද බොහෝ විට මහ මගදීය .
එවිට ඔවුන්ද මමද කලබලෙනි
“හායි කොහොමද” ..කියා වෙන් වෙති
එනමුදු ඔවුන් දරු දෙදෙනා කෙමෙන් වැඩෙනු , ඔහුගේ මෝටර් රථයෙන්
පාසල් හා උපකාර පන්ති ගෙන යනු විටින් විට මා දැක ඇත්තෙමි
එක්තරා රාත්‍රියක් සවස වැඩ මුරයෙන් පසු මා මෝටර් රථයෙන්
එමින් සිටියෙමි
කොච්චි නැවතුම අසල පාරේ සිට මද වැස්සේ සිටි විකුම් අත දැම්මේය
මා ඔහු නංගා ගත්තෙමි . ඔහු මත් පැන් පානය කරන බව මා දැන ගත්තේ
එදාය .එදා ඔහු පානය කර තිබුනේ සිහිය හොදින් තියෙන ගානකටය
නමුත් නොකියන් දේ ඔහේ කියවන ගානද එයම විය
“දැන් ටිකක් බොනවා වගේ ..?”
“මේකයි වැඩේ මචං , මම නොබී අහිංසකයා වගේ හොදින් උන්නා
මගේ ගෑණි දිගින් දිගටම චුරු චුරු ගගා මගේ නැති වැරදි හොයනවා
පොඩි වැරදි නිතර චුරු චුරු ගගා කියෝනවා .ඒ නිසා මම ඇත්තට
වැරද්දක් කරන්නත් එක්ක පොඩ්ඩක් බොන්න පටන් ගත්තා “
“ඒක මාර තියරියක්නේ ?”
“එයාට ලෙඩක් තියෙන්නේ බං , අම්මලා ,තාත්තලා
සහෝදර සහෝදරියෝ කිව්වොත් මැරෙයි , නමුත්
මගේ මතයකට කැමති නෑ ..
ඒ අනුන්ගේ පවුල් ප්‍රශ්ණ ඇගේ දා ගන්නවා
රස්සාවේ වැඩත් නිට් එකට කරනවා .එත් ගෙදර
හැම වෙලේ චුරු චුරු ගානවා ..මොකක් හරි
අල්ලාගෙන ඔං “
“ඉතින් උබ එපා කිවේ නැතිද ?”
“එහෙම වටහන්න බෑ මචං ,
එයාගේ පතිවතයි ,වැඩයි ,හැදියාවයි ඔක්කොම ඉස්තරම්
නමුත් නිට් එකට වැඩ කරන්න ගිහින් අමාරුවේ වැටුනමයි
ගෙදර මිනිස්සු නීට් නැතුවාමයි ,එයාගේ මතේට නොවෙන විටයි
චුරු චුරු ගෑම පුදුම ලෙඩක් “
සැබවින්ම මා එදා නිවසට ගිය විටත් ,ඊටත් වඩා මේ අවමංගල්‍ය ට පැමිණ
ගස යට හිදගත් විටත් මේ චුරු චුරුව ගැන බෙහෙවින් සිතන්නට උනෙමි
එතැනදී මට හැගී ගියේ යම් යම් ආකාරයෙන් කරුණු ගණනාවක් එක් උන
මෙසේ නිවසේ නිතර චුරු චුරු ගාන ස්ත්‍රී ගතිය සහ ලක්ෂණයක් ලෙසින්
සමාජයේ සමහර කාන්තාවන් තුල පවතින් බවකි .
තමා සමාජ සම්මත හා ආගමික හොදය යන තත්වයේ අවංකව
හිදිම නිසා ඇතිවන සියුම් මානය
ස්ත්‍රියක් අනුව හැඩ ගැසෙන පිරිමියෙකු ආදරණිය යයි
ඇති අභ්‍යන්තර සිතුවිල්ල
දෙමාපියන් විසින් කවන ලද සහෝදර ප්‍රේමය නිසා
ඔවුන්ගේ චරිත මතවාද ස්වාමියාගෙන් බලාපොරොත්තු වීම
තමාගේ වෘත්තීය හොදින්ම කිරීමේ කායික මානසික වෙහෙස
කුඩා වරදක් වත් නොමැති සියයට සියයේ නිවැරදි නිවසක පැතුම
මේ චුරු චුරු සහ ලක්ෂණයේ මුලික අන්ගයෝය
මේ චුරු චුරු සහ ලක්ෂණයේ සමහර අංගයන් තියෙන්නට පුළුවන්
මුත් ඒ පුර්ණ වශයෙන් පවතින්නේ සුළු පිරිසකටය
එලෙසින් පුර්ණ ලෙසින් පැවතීම දෙආකාර වියසනයකි
එකක් තමා පිඩාවට පත් වීම ,ඒ හරහා ඇතිවන ආතතිය ,ආතතිය හා
සබැදි ,අනෙක් රුධිර පීඩනය ,දියවැඩියාව , හන්දි වේදනා ,පිළිකා සිට
මානසික අවපීඩනය දකවා වූ රෝග පිඩාවන්ය
අනික් අතට විකුම් විලසින් ඇතිවන පවුලේ සාමාජිකයින්ගේ ආතතිය
නිසාවෙන් වන්නාවූ අතුරු පලයෝ සමුහයයි
ඉදින් මේ කාන්තා චුරු චුරු සහ ලක්ෂණය බෙහෙවින්ම දුරස් කල යුත්තකි
නමුත් ඒ බෙහෙවින් අපහසු බවද පිළිගත යුත්තකි මක් නිසාද දීර්ඝ කාලයක්
තිස්සේ ගොඩ නැගුනු තදබල ලෙස සිතේ පැල පදියම් වුවක් නිසාවෙනි .
විකුම් මේ ස්වර්ණාගෙන් ඉවත් කර ගන්නට එසේ නැතිනම් අඩු කර
ගන්නට බොහෝ උත්සාහ කල බව මම දනිමි
නමුදු අන්තිමේදී ඔහු පැරදුනේය . ඒ ඇයගේ කවර හෝ ආකාරයෙන්
දොස් දකින බැටළු පැටියා හා කොටි දෙනගේ න්‍යාය හේතුවෙනි
නොයෙකුත් රෝග කායික සේම මානසිකද ,ආර්ථික ගැටළු
විටෙක ඉන්නට තැනක් පවා නොමැති පවුල්ද , බාහිරින්
නොයෙකුත් ගැටළු ගෙනදෙන ගෙනෙනා බැරෑරුම්
තත්වයන් ඇති පවුල් තිබෙතත් ඒ ගැන ඔවුන් බොහෝ
කල්පනා කරමින් යම් වේදනාවකින් මේ ගැටළු වලට
මුහුණ දුන්නත්
මේ චුරු චුරු සහ ලක්ෂණය තරම් පවුලකට හානි කරන
කිසිවක් මා දැක නොමැති තරම්ය
විටෙක ඒ පවුලේ ගැටුම් , පහර දීම් සිට වෙන්ව යාම් දක්වා
ද සමහර විට විකුම්ගේ මෙන් බිමත්කම් කෙලවර මරණයන්
දක්වාද විහිදෙනු අත් දැක තිබේ
උපුටා ගැනීම: Premanayake Cyril