සන්ග්ලාස්….. (වැල්වටාරම්)

මෙව්වා දා ගත්තම ඕනෙම ගස් ගොබිලෙකුට ගං කූඩච්චියෙකුට ලොවෙත් නැති පොශ් ලුක් එකක් එනවා

ඔන්න ඔය විසේසත්වය හින්දම මම නම් රෑටත් සංග්ලාස් මෙව්වා කුට්ටම දාගෙනයි නිදියන්නෙ

එතකොට පේන හීනත් පොස්

සංග්ලාස් වලින් තොර ලයිෆය පුස්

කොහොමත් මම මගෙ ඉස්කූටරී රාජිනීගේ යනකොට ඕන කට්ට කලුවරක ඔය සන්ග්ලාස් මෙව්වා දෙක දානවා…එතකොට මරුති කාර් එහෙක යන ෆීලිං එක එනවා

හත් අට පොලක හැප්පෙන එක…වහින්න එනවා කියල හිතන් කරන්න ගිය සේරම වැඩ අතෑරලා ගෙදර එන එක වෙනම කතාවක්

කොහොම උනත් මම හර්බල් දේවල් වලට කැමති නිසා ,මෙහෙ මූද අයිනෙ තියෙනවා කාමච්චෝඩෙ පොල කියලා එකක්…ඒකට ඈත පලාත් වලින් ගමේ එලවලු ..පලතුරු …පලා ගේනවා…ඒ නිසා ඉස්සර මං ඕකට යනවා

ගිනි ගහන අව්වෙ…

ඉස්සර මා ළග තිබුනා ටොයෝටා කුරුල්ලා වර්ගයේ හොන්ඩා සුපර් කබ් එකක් ඒක අන්තිමට සින්හලේ රජ කළ ශ්‍රී වික්‍රමසිංහ රාජසින්හ රජ්ජුරුවන්ගෙ බාප්පගෙ බාල කොල්ලගෙන් අපේ සීයගෙ ලොකුතාත්තා මිලට අරන් පරම්පරා උරුමයෙන් අපේ තාත්තට උරුම වුනු එකක්

පියාගෙ ඇවෑමෙන් මට උරුම උනා

පියා කිව්වෙ අපේ පැත්තෙ මෝටර් සයිකල් හදන එකා

ඌ බයිසිකලයක් ගලෝපුවම හයි කර ගන්න බැරි වැඩි කෑලි වටේ එල්ලනවා

ඉතිං බයික් මොඩිෆයි වෙනවා

අපේ තාත්තාගේ ජෙනරේශන් එක ඒ විදියට මොඩිෆයි කරපු බයික් පදින්නේ නැති නිසා බයික් පියාට පින්සිදු වෙන්න මට ඒක ලැබුනා

ඉතිං ඕකෙ නැගලා සග දාලා මම පොලේ යන්නෙ නිකං අයිශ්චර්‍යා රායි බච්චන්ගෙ ඔලුවෙ ඉන්න උකුනෙක් වගේ හෙනම ගැම්මෙන්

අනික ඒ කාලෙ මම පාවිච්චි කලේ ටිකක් මිලාධික පෝල බෙයාර්ද පිනි මුවාද වගෙ නමක් තිබුනු අදුනන කඩේක අන්කල් කෙනෙක්ගෙන් ගත්තු සංග්ලාස් දෙකක්

එකක් නෙමේ ඕක ඉතින් දෙකක්

උන්දා කියාපු විදියට ලන්කාවටම නෙමේ ලෝකෙටම ඔයින් එකක් තිවුනෙ මට විතරයි

ඉතිං කෝමද එහෙම හිතද්දි එන හෙනම ගැම්ම

කොහොම හරි ඔන්න මම පොලේ ගිහින් බඩුත් අරන් බීච් එක අයිනෙ පාරෙ එනව අර සගත් දාන් අර බයික් එකේ හොලිවුඩ් ඈක්කාටරස් කෙනෙක් වගේ

පොලට යන මිනිස්සුත් පොලේ ඉදන් එන මිනිස්සුත් බඩු විකුනන මිනිස්සුත් මා දිහා බැලුවෙ ඇස් නාස් පුඩුව ගාවටම තියලා

මෙහෙමයි අපි වගේ පොශ් ලේඩිස්ලා පොලක් වගේ තැනකට යන්නෙ හරි අඩුවෙන්.. කනබොන ඉත්තෑවා දොරේ හිලෙන් හොරු නරඹනවා වගේනේ…දුලබයි විරලයි

මම ඉතිං ආඩම්බරෙන් ගාම්භීරත්වයෙන් බේබදුකාමීත්වයෙන් එනවා ඉදිරියට

අහෝ මා කෙතරම් සොදුරු දසුනක්ද

හද පුබුදයි දැක්ම

සියල්ලන් හැරි හැරිත් බලයි

එතන පාරෙ කෙලෝරෙ මහ පාරට හැරෙන තැන ලොකු සුරුවමක් තියෙනවා

ඔතන හෙන කොල්ලො රැලක් උන්නා ඈත තියාම එතන උන්නු දෙතුන් දෙනෙක් මා දිහා කන්න වගේ බලා උන්නෙ..ලන්කාවෙ හැටිමනෙ ඔය ලස්සන කෙල්ලෙක්ට පාරෙ යන්න නැහැ

මම කිට්ටුවට එනකොට එකෙක් කෑ ගහලා අර බලපන් අර අක්කා තනි ඇහැට සන්ග්ලාස් දාගෙන එනවා කිව්වා

මම එතන පාස් කරලා ශේප් එකේ සයිඩ් කන්නාඩියෙන් බැලුවා

හුටා මගෙ සගේ එක කාචයක් නැහැ දෙයියෝ

ශේප් එකේ බයික් එක නවත්තලා සග ගලෝලා බෑග් එකේ දාගෙන ආපු පාරදිගේ ආපහු ගිහින් පණ දාගෙන හොයලා හොයලා යාන්තම් හොයා ගත්තා

ඇරියෙ නැහැ ආයෙ සගට ඒක ෆික්ස් කරලා අර කොල්ලො නඩේ ඉස්සරහින් ආයෙ ගියා ලැජ්ජාව පොශ් කරගෙන

නොද්දකින් ඒකලා එකෙක් නෙමේ බැලුවෙ

කාලෙකට පස්සෙ මගෙ ඩෙසින්ටේබල් එකේ තිබිලා හම්බුනා ඒක

කෝමද පොශ් ලුක් එක

(එදායින් පස්සෙ මගෙ මූනෙ විතරක් නෙමේ මුලු සකල සරීරෙටම තියෙන එකම සුන්දර අවයවය වන ඇස් වැහෙන සේ සංග්ලාස් දැමීම අනුවණ ක්‍රියාවකැයි මා විසින් ඒකමතිකව තීරණය කරන ලදී)