සුපිරි මැලියම් (Super glue) සෑදී ඇත්තේ සයනොඇක්‍රිලේට් (Cyanoacrylate ) (https://en.wikipedia.org/wiki/Cyanoacrylate) නම් රසායනික ද්‍රවයෙනි. සයනොඇක්‍රිලේට් කාබන්, ඔක්සිජන්, හයිඩ්‍රජන් සහ නයිට්‍රජන් වලින් සාදා ඇත. සුපර්ග්ලූ යනු යමක් එකට බැඳ තැබීමට හොදම මැලියමක් වන අතර එය ක්‍රියාත්මක වන ආකාරය සිත්ගන්නා සුළුය. සුපිරි මැලියම් ද්‍රවයක් ලෙස පවතින බව ද, ඉක්මනින් හා තදින් වේලෙන බව අත්දැකීමෙන්ම අප දනිමු.
මෙය සිදුවන ආකාරය පිළිබඳව පිටුපස ඇති රසායන විද්‍යාව පිළිබඳව සරලව සොයා බලමු. ඕනෑම ප්‍රායෝගික පෘෂ්ඨයක් ගත් විට එහි ඇසට නොපෙනෙන කඩතතොලු දැකගත හැකිය. මෙම කඩතොලු අතර හිස් අවකාශ ඇත. එම පෘෂ්ඨ වලට සුපර්ග්ලූ ආලේප කළ විට එම හිස් පෘෂ්ඨ අතරට මෙම සුපර්ග්ලූ ගමන් කරයි. සරල උදාහරණයක් ගතහොත් බෝතලේකට ජලය පිරෙව්වා හා සමානය. මෙහිදී බෝතලේ යනු පෘෂ්ඨය මත ඇති කඩතොලු අතර වූ හිස් අවකාශය. ජලය යනු සුපර්ග්ලූය. බෝතලේ තුළට යන ජලය බෝතලයේ හැඩය ම ගනී. පෘෂ්ඨ දෙකක් සුපර්ග්ලූ ආධාරයෙන් අලවන විට සුපර්ග්ලූ ද එම පෘෂප්ර්වල අවකාශ අතරය යයි.
සුපර්ග්ලූ සෑදී ඇති රසායනික ද්‍රව්‍ය ව්‍යුහයේ කාබන්-කාබන් ද්විත්ව බන්ධනයක් ඔබට දැකගත හැකිය. සුපර්ග්ලූ වාතයට නිරාවරනය වූ පසු වාතයේ ඇති ජල අණු සමඟ ප්‍රතික්‍රියා කරයි. එහිදී එම ජල අණු මෙම සයනොඇක්‍රිලේට් ඇති ද්විත්ව බන්ධනය සමඟ ප්‍රතික්‍රියා කොට වෙන වෙනම ඇති සයනොඇක්‍රිලේට් අණු අණු එකට ගැට ගසා තනි විශාල අණු ලෙස සකස් කරයි. මෙය බහුඅවයවීකරණය ලෙස හැදින්වේ. අලවනු ලබන පෘෂ්ඨ දෙක අතර සුපර්ග්ලූ තැවරූ විට පෘෂ්ඨවල පවතින කුහර ඇතුලට ගිය සුපර්ග්ලූ තවදුරටත් එලෙස ද්‍රව තත්ත්වයේම නොපැවති මෙලෙස බහු අවයවීකරණය වී ඝන තත්ත්වයට පත් වේ. (1st comment) ඉහත දැක්වූ ජලය දැමූ බෝතලයේ උදාහරණයම මීට ආදේශ කළහොත් බෝතලය ඇතුලේ ඇති ජලය ඝන තත්ත්වයේ පවතින අයිස් බවට පත් වූවා වැනිනකි. එවිට බෝතලෙන් පිටතට බෝතලේ හැඩයම ඇති අයිස් කුට්ටිය බෝතලයේ කුඩා කටින් ඉවතට ගත නො නොහැක. එලෙසම සුපර්ග්ලූ මගින් එකී පෘෂ්ඨ දෙක එකිනෙක ඈත් කිරීමට නොහැකි තත්ත්වයට ඉතාමත් ඉක්මනින් මත් වේ.
තුවක්කු සඳහා අවශ්‍ය ප්ලාස්ටික් සෑදීමට කළ උත්සාහයක් නිසා ආචාර්ය හැරී කුවර්ට 1949 දී සුපර්ග්ලූ ලොවට හදුන්වා දීමට හැකිවිය. 1951 දී ඔහු සයනොඇක්‍රයිලේට් වාණිජය වටිනාකමක් මැලියම් ලෙස වටහා ගත්තේය. සුපිරි මැලියම් හෙවත් සයනොඇක්‍රයිලේට් නිෂ්පාදනය කරනු ලබන්නේ කර්මාන්තශාලා වලය. සුපර්ග්ලූ සෑදීම සඳහා, සයනොඇසිටේට් (cyanoacetate) වාතය රහිත කූටීර තුළට දමා ෆෝමල්ඩිහයිඩ් (formaldehyde) සමඟ මිශ්‍ර කරනු ලැබේ. සයනොඇසිටේට් සහ ෆෝමල්ඩිහයිඩ් ප්‍රතික්‍රියා කරන විට ජලය ලබා දෙන අතර මෙම ජලය වාෂ්ප වීම සඳහා කුටීරය රත් කරයි. ඉන්පසු මෙම මිශ්‍රණය ෆැරන්හයිට් අංශක 300 ට වඩා උනුසුම් වන අතර එය ද්‍රව බවට පත් ඉතිරිව ඇති ජලය වාෂ්ප වී සුපර්ග්ලූ සාදයි.
උපුටා ගැනීම: #කේලියම්