සප්‍රයිස් ඩාන්ස් (වැල්වටාරම්)

ඇත්තටම මචන් මේ මගුල් ගෙදර තිබ්බෙ ඊයෙයි පෙරේදයි. මම මගුල් ගෙදර බෙස්මන්. සප්‍රයිස් ඩාන්ස් පාරකුත් තීනව දාන්න.

දැන් ඔය සප්‍රයිස් ඩාන්ස් එක දාන්න හදල තිබ්බෙ සිංහල ඉංග්ලිෂ් හින්දි දෙමළ සින්දු කෑලි විස්සක් විතර එකට මික්ස් කරල හදපු පැය බාගෙක වගේ ට්‍රැක් එකක්. ඔය ට්‍රැක් එක හදපු මිනිහ බ්‍රයිඩ්ට වට්සැප් එකෙන් තමයි එවල තිබ්බෙ. ඒ වට්සැප් එකෙන් ප්ලේ කර කර තමයි ඕක හැමදාම පුරුදු උනේ. දැන් වෙඩින් එකට කලින් දවසෙ රෑ තමයි ට්‍රැක් එක පෙන් එකකට දාගන්න මතක් වෙන්නෙ. පස්සෙන්ද පාන්දර යන්නත් ඕනෙ. හරි දැන් ඔන්න වට්සැප් එකෙන් ඩවුන්ලෝඩ් කරල පෙන් එකකට දාල අන්තිම ලාස්ට් පාරට ප්ලේයරේක දාල ට්‍රැක් එක අහල බලනව කියල ඔන්න ගැහුව ප්ලේයරේකට. හුකයි ට්‍රැක් එක ප්ලේයරේ වැඩ කරන්නෙ නෑ කියහන්කො. ඒක මොකද්ද අමුතු වීඩියෝ ෆෝමැට් එකක්.

දැන් ගිනි රත් උනා ග්රූම් කොල්ලයි මායි. දැන් ග්රූම් කොල්ල ඔය අයි ටී සබ්ජෙක්ට් එක ගැන වැඩිය දන්නෙත් නෑ අනික දැන් හදිසියෙ ඌට ඕව හොයන්න වෙලාවකුත් නෑ. දැන් රෑ දොළහයි. පස්සෙන්ද පාන්දර හතරා මාරට පිටත් වෙන්නත් ඕනෙ.

දැන් මගේ පිට තියෙන්නෙ මේ ට්‍රැක් එක පස්සෙන්ද මගුල් ගෙදර ඩීජේ කාරයගෙ සෙට් එකේ ප්ලේ වෙන වගකීම. දැන් මේක MP3 කරගත්තොත් හරිනෙ. ඔන්න ඒ ගමන ඩවුන්ලෝඩ් කරන්න ගත්ත වීඩියෝ ටු ඕඩියෝ කන්වර්ටර් සොෆ්ට්වෙයා. යකෝ සර්ච් වෙන සර්ච් වෙන හැම ලබ්බම පේඩ් සොෆ්ට්වෙයා. ගෙවල ගන්න ඕනෙ. ෆ්‍රී කියල තීන ඒව ඩේටත් කපාගෙන ඩවුන්ලෝඩ් කරල, කන්වර්ට් බටන් එක ඔබන්න යනකොටම එනව දවසකට හරි ගෙවපන් නැත්තන් තෝ මේකෙන් කන්වර්ට් කරනව බොරු කියල.

දැන් ඔන්න සොෆ්ට්වෙයා විසි එකොළහක් විතර ඩවුන්ලෝඩ් කරල අන්තිමට කොහොම හරි සෙට් උනා කන්වර්ට් බටන් එක එබුවම ඇත්තටම කන්වර්ට් වෙන සොෆ්ට්වෙයා එකක්. ඔන්න දැන් කන්වර්ට් උනා. පොඩ්ඩක් සැක සහිතයි ! ප්ලේ කරල බැලුව ඒ පාර. අඩෝ !! මේ සොෆ්ට්වෙයා එකේ නමයි, මේක අපි යූස් කරේ හිඟන විදිහට පිනට කියලයි කෑ ගහන වෝට මාක් එකක් වදිනව කියහන්කො ට්‍රැක් එක පුරාවට තප්පර තිහෙන් තිහට වගේ.

“This audio is created by the trial version of freemake video converter.”

කියල ගෑනියෙක් කෑ ගහනව. කමක් නෑ. උන්න හැටියට මලා මදැයි කියල දා ගත්ත ට්‍රැක් එක.

දැන් ඔන්න මගුල් ගේ දවසෙ. ඩාන්ස් කරන වෙලාව ආව. ගැහුව පෙන් එක. ඩෝං ගාල ගහපු තැනම ප්ලේ උනා වෝට මාක් එක. කමක් නෑ. සින්දුවක් දාන්න කලින් ඩීජේ කරන එකත් මොනා හරි මයික් එකෙන් කියනවනෙ. කට්ටිය හිතුවෙ ඌ මොනා හරි කිවුව කියල. ඒක ශේප්.

ඔන්න දැන් සින්දු යනව.

“මල් පැන් පොදක් කිනිත්තක් අගින් මට (දිස් ඕඩියෝ ඉස් ක්‍රියේටඩ් බයි ද ට්‍රයල් වර්ෂන් ඔෆ් ෆ්‍රී මේක් වීඩියෝ කන්වර්ටර්) ඉසින්නා වගේ මට ඔබේ ආදරේ

ඔන්න දැන් මම නටන සින්දුව හොඳේ. දැන් නටනව. අරුත් මනමාලි එක්කම මගේ එහා පැත්තෙ නටනව. මාත් මා එක්ක නටන්න ඉන්න කෙල්ලගෙ ඉනෙනුයි පුකෙනුයි හැම තැනින්ම අල්ලගෙන නටනව. නටන අස්සෙත් මට ඇහෙනව අරක යනව බැක්ග්‍රවුන්ඩ් එකේ. ඌයි මායි දෙන්නම දන්නව මේක මේ යන්තන් අමුනගෙන ගෙනාවෙ බුදු ගේමක් දීල කියල අන්තිම මොහොතෙ.

“උන්මාද වූ ප්රේමාදරේ සමනල වසන්ත (දිස් ඕඩියෝ ඉස් ක්‍රියේටඩ් බයි ද ට්‍රයල් වර්ෂන් ඔෆ් ෆ්‍රී මේක් වීඩියෝ කන්වර්ටර්) යෞවනයේ”

බලන් ඉන්න උන් හිතන් ඉන්නෙ අරූ ට්‍රැක් එක ඩීජේ කරනව කියල. ඉංග්‍රීසිනෙ කියන්නෙ !!