මම පොඩි කාලේ ඉදලා ටැටූ එකක් ගහන්න පුදුම ආසවකින් තමයි උන්නෙ. ඒත් ඉතිං අවුරුදු විසි අටක් වෙනකන්ම ගහන්න නම් උනේ නෑ. සමහර හිතෙන වෙලාවට එච්චර සල්ලි නෑ, සල්ලි තීන වෙලාවට රිදෙයිද කියල බය, කොහොමිං කොහොම හරි ඕක කල් ගියා.
දැන් මේ ළගකදි ඉදලා ආයි ඔය ආසාව වතුර යට බලෙන් ඔබලා තිබුන රබර් බෝලේ වගේ උඩට ආවා. ඉතිං මම මනුස්සයට කියල කියල එක පොඩි ටැටූ එකක් ගහන්න අවසරේ අරගත්තා. දැන් හරි වෙන කාගෙන් වත් අහන්න දේකුත් නෑනේ. ටැටූව ගහල ගෙදර ගියා විතරයි නැන්දම්මා මූණටම කියපි ” මම නම් මේකට පොඩ්ඩක් වත් කැමැත්තක් නෑ කියල ” . දැන් මක් කොරන්නද , කමක් නෑ මනුස්සය කැමතිනෙ කියල සද්ද නැතුව හිටියා .
ඊට පස්සෙ තමයි එපාම කරපු ටික , වැඩට ගිය වෙලේ ඉදලා දකින දකින ගෑනු කියනවා අනේ හරි ලස්සනයි ටැටූ එක කියල . හැම පිරිමියම කියනව අපෝ හස්බන්ඩ් හොද වැඩී වගේ, උබට පිස්සුද මේකිට ටැටු එකක් ගහන්න දුන්නෙ , ඉස්කෝලෙකට වත් යන්නෙ කොහොමද , පොලීසියට යන්නෙ කොහොමද , විකාරනෙ බං , ගෑනු කැමති හැම එකටම කැමති වෙන්න එපා වගේ ගොඩාක් දේවල් ඒ පිරිමි ටික කිව්ව .
මගේ මහත්තය එයාලට කිව්වෙ එක කතාවයි .
මචං නෙතූ මාව කසාද බැදලා මා එක්ක ආවෙ මාව විශ්වාස කරලා, එයාව සතුටින් තියයි කියල හිතලා, අපි බැදලා අවුරුදු තුනක් . ඒ අවුරුදු තුනට අතේ ඇගිලි ගානට තමයි එයා තනියම ගමනක් ගිහින් තීන්නෙ . මට පුළුවන් හැම වෙලේම මම එයා එක්කගෙන යනවා වැඩට, අම්මලගේ ගෙදර ,යාළුවෝ බලන්න , හැම තැනම. හැම සති අන්තෙම අපි පන්සලට හරි යනවා , රණ්ඩුත් වෙනවා .විශ්වාස කරපං බන් එක විනාඩි දහයක් තරහ වෙලා ඉන්න අපිට බෑ. නෙතූට ටැටූ එකක් ගහන්න ඕනි කියන්නෙ සෑහෙන කාලෙක් ඉදලා. ඉතිං දැන් තමයි හරිම කාලේ කියලා මම හිතුව , එයාට ඒක කරන්න දුන්නා . එතන වැරැද්දක් මට පේන්නෙ නෑ බං .
ටැටූ එකක් ගැහුවා කියලා ගෑනූ බඩු වෙන්නෙ නෑ, ඒක උන්ගෙත් ආසාව. අනවශ්‍ය දෙයක් නෙමෙයිනෙ. ඒක වැරදි විදිහට බලන උන් තමයි ගෑනුන්ව ජරා විදිහට බලන්නේ. ඉතිං උබලා බලන විදිහ වෙනස් කර ගනිල්ලා . මගේ ගෑනිගේ ටැටූ එක ගැන එච්චර නොහිතා. ඒකේ වැරැද්දක් මට පේන්නෙ නෑ. ඔච්චර කරලත් ගෑනී ගහලා තීන්නෙත් මගේ නමේ අකුර , ඕකේ මොකක්ද බං වැරැද්ද .
ඔය ටික කිව්ව විතරයි ළග හිටපු ඔක්කොම මිසිං.
උපුටා ගැනීම: Nithu S Rathnayake