දැන් ඔය උඩ වචනේ දැකපු ගමන් හිතන්න එපා මේක මේ කෙල්ලෙක් නැති කොල්ලෙකුගේ විලාපයක් කියලා.. එහෙම සීන් එකකුත් ලාවට ගෑවෙනවා. ඒ උනාට එහෙමම නෙවෙයි.
මීට කලින් වතාවක මන් වර්ක් ෆ්‍රොම් හෝම් නිසා සිදුවන කලබැගෑනියක් ලිව්වා මේකට.මේකත් නිකන් ඒකේ මිනි වර්ශන් එකක් වගේ.දැන් අපේ කොමපැනියේ වර්ක් ෆ්‍රොම්
හෝම් පොලිසි එක පටන් අරන් අවුරුද්දයි මාසයක් සම්පූර්නයි. අම්මගෙ හොදවයින් දෙකක් අහගෙන මන් බොඩිමෙන් අයින් වෙලා ගෙදර ආවා ඒයාගේ කීමට. ඒ උනාට එයා ඉන්නේ එයාගේ අම්මා ගාව.ඒ නිසා මන් මුලු ගෙදරම තනියම. අපෙ තාත්තා නෑ..නංගි රට. මන් වැඩ කරන්නේ ඇමෙරිකාවේ සුදු මහතැන්නලට නිසා එයාලගේ වෙලාවට තමා වැඩ කරන්නෙ.ඒ කියන්නේ රෑට තමා මන් වැස. රෑ 7.30 සිට උදේ 4 වෙනකන්. දවල්ට නිදි කිව්වට නිදිමත් නෑ. උදේ 10ට විතර ඇහැරෙනවා. ආයේ හවස 5ට විතර තව පැය දෙකක් නිදාගන්නවා. ඔන්න ඕක තමා ඔයලා දැනගන්න ඕනේ බෙසික් ටික මේ කතාවේ ඉතිරි කොටස කියවන්න කලින්.
දැන් මම ඇවිල්ලා අති සාර්තක ලෙස තුන් හතර වතාවක් බ්‍රේකප් වෙලා තනිකම ශැපයි මහත්තයො කියලා හිතන් ඉන්න එකෙක්. ක්‍රශ් තියෙන උන් ඉන්නවා, එවා නැති එකෙක් නෑ නේ..ඒත් ඉතින් පරන අත්දැකීම් මත පදනම් වෙලා ඔවාට ආයේ බහින්නේ නෑ කියලා හිත හදන් ඉන්නේ. දැන් වයසත් හරි කියලා වටින් වටින් නොකියා මූනටන කියනවා පැමිලි එකේ අය. අම්මා ගේ මේ අවුරුද්දේ විශන් මිශන් දෙකම මට සුදුසු සහකාරියක් හොයාදීම. ඒක පවුලේ අනිත් අයගෙත් මේ අවුරුද්දේ ගෝල් එකක් බවට පත්වෙයි කියලා මන් හිතන් ඉන්නවා. හැබයි ඉතින් මට ඕනේ ‘බැට්මෑන්’ වෙන්න. නෑ නෑ මෙයා, තනියෙන් ඉන්න තමා මට ඕනේ. ඒ උනාට ක්‍රශ් ටිකත් බැලන්ස් කරන්න ඕනේ හොදේ.
දැන් සීරියස් සීන් එකට එමු. දැන් මන් උඩ කිව්වා වගෙව් තට්ට තනියම ඉන්නේ. වැඩ කරනවා උදේට නිදාගන්නවා, ආයේ 10ට 11ට නැගිටිනවා, මොනාහරි ඕඩර් කරලා කනවා, ආයේ ටිකක් එහෙට මෙහෙට ගේ ඇතුලේ කැරකෙනවා, එෆ්බි එකේ පොඩ්ඩක් උඩට පහලට යනවා. මේ හැමදේම කරන්නේ ගේ ඇතුලේ.දොරවත් අරින්නේ නෑ මන්..මම් එලියට යන්නේ හරිම අල්පයයි. ඔහොම තමා ගිය අවුරුද්දේ ඉදලා වීක්ඩේ එකක දවස ගෙවෙන්නේ. වීකෙන්ඩ් එකේ සෙට් එකක් එක්ක් කොහේ හරි යන්න සෙට් වෙලා
තිබුනොත් ගොඩ. නැත්නම් විකෙන්ඩ් එක කියන්නේ මට නම් සාපයක් වගේ. එපාම වෙනවා..ඇයි දෙයියනේ රෑට වැඩත් නෑ. කරන්න දෙයකුත් නෑ.
දැන් ඔය කාලේ මන් සින්දු අහ අහ මනෝ මනෝ ලෝකේ ඉන්නේ. එ වගේම ෆිල්ම් බලනවා එපා වෙනකන්. Marvel එකේ ෆිල්ම් සෙට් එක මුල ඉදල අගට පිලිවෙලට මන් තුන් සැරයක් බැලුවා. ඔය වගේ සමහර ෆිල්ම්ම ආයෙ ආයේ බැලුවා. පස්සෙ මන් ගෙදර ඇහරන් ඉන්න වෙලාවට තනියම ෆිල්ම් වල දෙබස් කියන්න ගත්තා.සින්හල හින්දි දෙමල ඉන්ග්‍රිසි සමහර වෙලාවට නොදන්න ස්පැනිශ, ෆ්‍රෙන්ච් වගේම කොරියන් ෆිල්ම් වලත් දෙබස් බොරුවට හරි කියන්න ගත්තා. ඇත්තටම කිව්වොත් මන් රගපානවා ගේ ඇතුලේ ඉදන්. ගේ ඇතුලේ ඇවිදිද්දි රගපානවා, නාද්දි රගපානවා, ටොයිලට් එකේ ඉද්දිත් රගපානවා කොටින්ම ගේ ඇතුලේ නිදාගන්න වෙලාව ඇරුනාම මන් හැමතැනම රගපානවා දෙබස් කිය කිය.මන් තේරුම් ගත්තා මට පිස්සු හැදීගෙන එන සීන් එකක් තියෙන්නේ කියලා..
මේ කියන්න යන සිද්දිය ඊයේ පෙරේදා උනේ ඇහ්. මන් දැන් ආතල් එකේ සින්දුවක් අහන් ඉන්නවා. ඒක ඇවිල්ල ශාරුක් සහ අනුශ්කා ඉන්න ‘Jab Harry met sajel’ කියන ෆිල්ම් එකේ radha කියන සින්දුව..ඔන්න එක පාරටම මන් නිකන් දැහන්ගත උනා වගේ සීන් එකකට ඇවිල්ලා මගේ ක්‍රශ් එකත් ඔලුවේ මවාගෙන එයයි මායි එක එක ලොකේශන් වල නටනවා දැන් මට මැවිලා පේනවා. කදු උඩ, ගාලුකොටුවෙ බැම්ම උඩ, පරාක්‍රම බාහු මාලිගාව ඉස්සර, සිගිරියේ අර ඔටොමේටඩ් පොකුනු තියෙන් තැන, මහ පාරේ, වැස්සේ අපි දෙන්න මේ සින්දුවට හුරේ නටනවා. මන් දැන් සැරටම මනෝ ලෝකේ ඔය සින්දුවට රගපාන ගමන් නටනවා ක්‍රශ් එකත් එක්ක.දැන් ඕන් ඔය සිංදුව ඉවර උන සැනින් මන් එහෙමම කල්පනා කරනව ඕන් දැන්, ‘ අඩේ මන් තනිඩයි නේ,කවුරුත් කතා කරන්නවත් නෑ.මට මොනා වෙයිද? ඇයි මන් මෙහෙම ඉන්නේ? මගේ ලයිෆ් එක කෝම වෙයිද ඉස්සරහට?’ වගේ එක එක මගුල් මගේ ඔලුවට නිකන් හයි ප්‍රෙශර් හෝස් එකකින් වතුර විදිනවා වගේ ගලන් ආවා ඔලුවට. ආයේ එක පාරටම පියවි සිහියට ආවා.දඩිබිඩි ගාලා නැගිටා.ගත්තා හොදම යාලුවට කෝල් එකක්.ඌත් ආන්සර් කලේ නෑ. කතා කරන්න ඕනේ වෙන එකෙක්ව ඔලුවට එන්නෙත් නෑ..මන් හිතුවෙම මට පිස්සු හැදිගෙන එනවා කියලා. සුවර් නෑ නේ ඉතින්. මන් ඉක්මනට හොදට ගහා මරාගන්න ෆිල්ම් එකක් ඩවුන්ලෝඩ් කලා..ඒක බලලා හිත හදාගත්තා.
ඊලග දවසේ තීරනය කලා මානසික රොගියෙක් වෙන්න කලින් මොනාහරි කරන්න ඕනේ කියලා, ඒ නිස තීරනය කලා වර්ක් ප්‍රොම් හෝම් නිසා උරුම උන වැඩිඋන කිලො 17ක් අඩුකරන්න ජිම් එකටවත් යන්න ඕනේ කියලා. දැන් ඔන්න මේක ලියලා අද තමා ඉසෙස්සෙල්ලාම ජිම් පන්ති යන්නේ.
වර්ක් ෆ්‍රොම් හෝම් කියන තරම් ම ආතල් නෑ හොදේ. දිගටම කරලා බලාපල්ලකො.
ඒ වගේම නිකමට වගේ හිතපන්, තට්ට තනියම ජිවත් වෙන එකෙක්
කෝම දුකක් විදිනවා ඇත්ද කියලා.
උපුටා ගැනීම: Kanishka SD