විභාග පාස් කරලා උපාධි ගහලා සමාජෙ මොන තරම් තෙම්පරාදු වෙලා හිටියත් ”මිනිස්සු ආශ්‍රය කරද්දි නම් අපි හැමෝම හෙනම හෙන බාලාංශයි “☹
එකම බත් පත බෙදන් කාපු එවුනුත් මූණට හිනා වෙලා , නැති තැන අංචි ඇදපු සිද්දි කොච්චර තිබ්බත් ජීවිතේ ආයෙ ආයෙත් මිනිස්සු නිසා හිත් පීඩා , කලකිරීම් ඇති වෙන්නෙ ඒකයි .
අපි ලෝකේ මිනිස්සුන්ට බය නැහැ , මොකා මොනවා කිව්වත් මට කමක් නැහැ , කියලා වචනෙට කිව්වට , ගොඩක් මිනිස්සු ජීවිතේ වැඩිම කාලයක් නාස්ති කරන්නෙ තමන්ගෙ ප්‍රශ්න වලට උත්තර හොයන්න නෙමෙයි , තමන් ගැන අනිත් මිනිස්සුන්ට තියන ප්‍රශ්න වලට උත්තර දෙන්න .
ඔයා දන්නවද අරයා ඔයාට මෙහෙම බැන්නා , අනිත් එක්කෙනා ඔයාට මෙහෙම කිව්වා , කව්රුහරි ආතක් පාතක් නැති ගොබිලෙක් ඔහොම කිව්වම , අඩේ එයා ඇයි එහෙම කලේ , එකට කාලා අරයා ඇයි මට මෙහෙම කලේ කියලා , හැමෝටම පොඩි හරි අවුලක් දැනෙනවා , සමහරු ඔය වගේ සිඟිති කේලම් ගැන තමන්ගෙ වැඩ පාඩු කරගෙන දවස් ගණන් හිතනවා ,කල්පනා කර කර දුක් වෙනවා .
ලංකාව ,ඉන්දියාව වගේ ප්‍රාග් ගල් යුග වල හිරවෙලා ඉන්න මිනිස්සුන්ගේ ජීවිත වලට , සමාජෙ මිනිස්සුන්ගෙ වචන , මොන තරම් තදින් බලපානවද කියනවනම් ,වහ බීලා මැරෙන , එල්ලිලා මැරෙන , සිද්ධි වලට අදාළ හේතුව බැලුවම ,ජීවිතේ වෙච්ච මොකක් හරි සිද්ධියක් හෝ පරාජයක් නිසා
” සමාජෙට මූණ දෙන්න බැරුව ලැජ්ජාවට මැරුණා ” කියල තමයි තීරණය වෙන්නෙ .
ඒ කියන්නෙ ගොඩක් මිනිස්සු මැරිලා තියෙන්නෙ ජීවත් වුනොත් සමාජෙ අහන දේවල් වලටයි, කියන දේවල් වලටයි උත්තර දෙන්න බැරුව, මිසක් තමන්ට ජීවිතේ එපා වෙලා නෙමෙයි .
තමන්ට කියලා අරමුණක් නැති , හැකියාවක් නැති , උගත්කමක් නැති , කොටින්ම කිව්වොත් තමන් ළඟ කිසිම වටිනා කමක් හෝ වටිනා දෙයක් නැති තමන් ගැන හිතලා සතුටෙන් හිනාවෙන්න තරම් හේතු නැති ,මඩේ හදපු පඹයෝ වගේ කාලකණ්නි මිනිස්සු කරන්නෙම කාටහරි කේලමක් කියලා , ගිනි ගෙඩියක් දීලාඅංචියක්ඇදලා,හරිහිනාවෙන්න හේතුවක් හොයාගන්න එක , (පව් ඉතිං )
මානව විද්‍යාවේ toxic people ( විෂ සහිත මිනිස්සු ) වර්ග ගණනාවකට බෙදනවා.
( 1 ) The Manipulator
අරයට කතා කරන්න එපා , මේක කරන්න එපා කියමින් ඔයාව ඔවුන්ට ඕන විදිහට මෙහයවීමට උත්සාහ කරන මිනිස්සු
(2) Energy Drainers
ඕක කරන්න බැහැ බන් , උඹට ඕක බැහැ , ඕක උඹට කැතයි , උඹ කොට වැඩියි , උඹ මහත වැඩියි , මේ වගේ කතා කියමින් ඔයාව මානසිකව වට්ටන මිනිස්සු
(3) Spiritual Vampire
මූණට දැක්කම සුදූ , මැණික , වස්තුව කියලා පණ දෙන්න වගේ රඟපාලා ගියාට පස්සෙ ඕකා ට හෙණ ගහපන් කියන , දේව ආත්ම වගේ පෙනී ඉන්න මලපෙරේත මිනිස්සු
(4)Backstabbers
එකට ඉන්න කාලෙ ඔක්කොම රහස් ටික ,ඕපාදුප ටික එකතු කරගෙන , පොඩ්ඩක් හිත හොඳ නැති වෙච්ච ගමන් දෙතුන් ගුණයක් අතිනුත් දාලා , තමන් හොඳවෙලා අනුන්ගේ රහස් ටික වටේටම හල හල යන කුණු කරත්ත වගේ මිනිස්සු
(5) The fake compliments
ඔයා හරි ලස්සනයි , ඔයා හරි හොඳයි කියමින් ඔබව මුරුංගා ගස් වල උඩටම නග්ගවා ”අරයට බැනහන්කෝ , මෙයාට හින්ට් එකක් ගහපන්කෝ ,කියමින් තමන්ගෙ වැඩේ කරගන්න ඔයාව උඩ තියන මිනිස්සු
(6) Opportunists
තමන්ගෙ වැඩේ කරගන්න කම් ළඟටම වෙලා ඉඳලා , ඊට පස්සෙ උන් හිටි තැනක් වත් හොයාගන්න බැරිවෙන විදිහට අතුරුදහන් වෙන අවස්ථාවාදී මිනිස්සු
(7) Family breakers
අනේ ඔයාගේ මහත්තයා වසයි නේද ? ඇයි උඹ ගෑනිට බය , අනේ මිනිහට ඔච්චර සලකන්න එපා , මට උඹේ ගෑණි ගැන සැකයි , ඔයාගෙ boy friend නරකයි ,ඔය වගේ ඔයාගෙ සහකාරයා / සහකාරිය ගැන ඔයාටවත් නොපෙනෙන පදනමක් නැති වැරදි දකින මිනිස්සු.
(8) JJ ( Jealous -Judgmental )
තමන්ට නැති දෙයක් අනිත් අයට ලැබීම දරාගන්න බැරි , රුසියාවටත් වඩා ලොකු ඉරිසියාවකින් විඳවන ජීවිත ගත කරන මිනිස්සු
මෙහෙම බලනකොට ආශ්‍රය කරන්න කෙනෙක් නැහැ වගේ කියල හිතෙනවා නේද ?
හැබැයි මේ වගේ විෂ මිනිස්සු ලඟට ගන්නවට වැඩිය තනියම ඉන්න එක හොඳයි කියලත් ඔයාටම දවසක හිතෙයි .
“එයා එහෙම කරයි කියලා මම හිතුවේ නැහැ ” “අරයා මට බොරු කියයි කියලා විශ්වාස කරන්නත් බැහැ ,”
නයින්ටත් වැඩිය විෂ පිරිච්ච මිනිස්සු රෙද්දෙ ඔතාගෙන ඔය වගේ නාහෙන් අඬනවට වඩා හොඳයි ” මිනිස්සු එහෙම තමයි , කියලා කලින්ම තේරුම් අරන් අයින් වෙලා පයින්යන එක ”
කොරෝනා හින්දා නොදන්න මිනිස්සුත් එක්ක මීටරේක දුරින් ඉන්න පුරුදු උනාට , හොඳටම දන්න මිනිස්සුත් එක්ක කිලෝ මීටරයක් වත් දුරින් ඉන්න බලන්න, එතකොට කොරෝනා විතරක් නෙමෙයි ඊට වඩා ගොඩක් දරුණු ලෙඩ වලින් බේරෙන්න පුළුවන් .
අනිශා ජයකොඩි✍