මේ. අරෙහෙට ටීවී එකක් අරන්ලු. අලුත් එකක්. කාමරේ බිත්තිය තරම් ඇතිලු කියන්නේ. දුලීකා සමන්තට උදේම කිව්වා.
ඔයා දැක්කද? සමන්ත ඇහුවේ කුතුහලෙන්.
නෑ. මට ලතා අක්කා කිව්වේ. අපිටත් ටීවී එකක් තිබ්බ නම් කොච්චර හොඳද.
ඉතිං ඔය තියෙන්නෙ එකක්. ඒක හොඳට තියෙනවනේ.
ඒ උනාට ඒක පොඩියිනේ. අර වගේ එකක් තිබ්බා නම් නිදහස් අනේ.
මොකක්ද නිදහස. ඔයා සල්ලි දෙන්න මං අරන් දෙන්නම්. මල විකාර පටන් ගත්තා උදේම. දැන් ඕක නවත්තගන්න. තේ එක හැදුවේ නැද්ද අනේ තාම.
අමතක උනා. අර වගේ ටීවී එකක් තිබ්බා නම් ඔහොම වෙන්නෙ නෑ. ඒකේ රංගන පත්තරේ විස්තරේ කියද්දි තේ කෝප්පේ හොඳට පේනවා. අනික ඉතිං ඔයාටත් එක්ක තේ හදලා එකක් සමන්තට කියලා දෙනවා මං දැක්කා මේ ලඟදි.
අයියෝ. මොකක්ද අනේ. දුව ලෑස්තිද.
තාත්තා. අර පියාඹන ලේනා වගේ එකා මොකාද. දුව සමන්තගෙන් ඇහුවේ ස්කෝලේ වැඩකට.
ඔව් ඉතිං. අර වගේ ටීවී එකක් තිබ්බා නම් ඕක තාත්‍තගෙන් අහන්න ඕනේ නෑනේ. ඔයාටම හොයාගන්න තිබ්බා.
අනේ මේ. නවත්තගන්නවා ඇඬියාව උදේ පාන්දර.
ඔව් ඉතිං. ලොකු ටීවී එකක් තිබ්බ නම් ඒකේ සිංදුවක් අහන් යන්න තිබ්බා ඔයාටත්. කියලා වැඩක් නෑනේ මේවා. දුලීකා ගෙට ගියා.
-ඉවරයි-