උල් කටු මැදින් (වැල් වටාරම්)

2004 තාත්තා අපිව දාලා ගියාට පස්සේ 2019 තමා අය තාත්තගෙ මිනිය දැක්කේ. අම්ම සෑහෙන්න මහන්සි උනා අපිට උගන්නන .කලින් දවසේ සුප් එකේ කැද ටික බීලා පහුවෙන්දට ඒකේ එලවලු ටික බත් වලට දාලා අම්මා මටයි අයියලා දෙන්නටයි කන්න දුන්නේ. අම්මගෙ කනේ කවදාවත් කරාබු දෙකක් තිබිලා නෑ. හැබැයි 7 වසරෙදි මම හිතාගත්තා ආනන්ද විද්‍යාලයේ විශිෂ්ටතම ශිෂයාට හිමි සම්මානය මම මගෙ අවුරුද්දේ ලබා ගන්නවා කියල. 2015 A/L වලට කලින් දවසේ තමා දැනගත්තේ අම්මට පිළිකාවක් කියලා. මම විනාඩි කිහිපයකට blackout උනා ඒත් මම හිතාගත්ත මේක අත ඇරියොත් අම්ම මං ගැන දැකපු හීන ඔක්කොම වතුරේ යනවා කියලා. මං ඒ නිසා A/L ලිවුවා.

පාසලේ ක්‍රීඩා Football , Water polo , swimming, mountaineering , ක්‍රීඩා වල නායකත්වයද , ඒ වලින් පාසැල් වර්ණ ලබාගෙන තියනවා, , මළල ක්‍රීඩා වල දැනටත් 2012 තුන්පිම්ම් සදහා මම තියපු 12.26ක් වාර්තාව කඩලා නෑ. වෝටර්පොලෝ සඳහා අනද පද්ම සම්මානයද , , 2012 දී ශ්‍රී ලංකා පාසල් වෝටර්පොලෝ කණ්ඩායම නියෝජනය කිරීමේ අවස්තාවද , ශ්‍රී ලංකා තාරකා විද්‍යාව සහ තාරකා භෞතික විද්‍යාව ඔලිම්පියාඩ් රිදී පදක්කමද , ශ්‍රී ලංකා භෞතික විද්‍යාව ඔලිම්පියාඩ් ලෝකඩ පදක්කම්ද ලබා ගැනීමට මට හැකි උනා. ඉස්සල්ලම 5 වසරෙදි පාපන්දු සෙල්ලම් කලේ යාලුවෙක්ගේ boots දෙකකින් හැබැයි පාපන්දු වලින් යන්න පුලුවන් උපරිම තැන් වලට මම ගිහින් තියනවා. 2012 සහ 2014 වර්ෂවලදී ශ්‍රී ලංකා පාසල් පාපන්දු කණ්ඩායම නියෝජනය කිරීමේ අවස්තාවද, සෝන්ඩර්ස් ක්‍රීඩා සමාජයේ ගෝල රකින්නා ලෙස ක්‍රීඩා කිරීමේ අවස්තාවද ලැබුනා, ඒ කියන්නේ dialog Premier league එකක ක්‍රීඩා කළ විශ්ව විද්‍යාල ක්‍රීඩකයන් දෙදෙනා අතරට එක්වීමේ අවස්ථාව මට හිමි උනා. තව 2019 දී තායිලන්තයේ පැවති Asian Lawyers football tournament එකේ හොඳම ගෝල රකින්නා ලෙස සම්මානය ලැබුනා. දැනට මොරටුව විශ්ව විද්‍යාල පාපන්දු නායකයා විදිහටත් නීති විද්‍යාලීය මලල ක්‍රීඩා නායකයා හැටියටත් කටයුතු කරනවා.

පාසල් ත්‍යාග ප්‍රදානෝත්සවයේදී ත්‍යාග 48 ක් ලබාගනිමින් දිවංගත එන්. එම්. පෙරේරා මහතාගේ වාර්තාව වූ ත්‍යාග 42ක වාර්තාවද මට අභිබවා යන්න හැකිඋනා. 2012 අ.පො.ස. සාමාන්‍ය ඉංග්‍රීසි මාධ්‍යයෙන් දිවයින 12 වන ස්ථානය සහ ආනන්ද විද්‍යාලය 1 වන ස්ථානය ලබාගෙන , 2015 අපොස උසස් ගණිත අංශයෙන් A තුනක් ලබාගෙන මොරටුව විශ්ව විද්‍යාලයේ ඉංජිනේරු පීඨයට ඇතුලත් වෙලා, දැනට මම මෙකට්‍රොනික් ඉංජිනේරු අංශයේ අවසන් වසර සිසුවෙක් හැටියටත් නීති විද්‍යාලයේ දෙවන වසර ශිෂ්‍යයෙක් හැටියටත් ඉගෙනුම ලබනවා.

පිළිකාව නිසා අම්ම 2017 දී නැති උනා ,දැන් මට කියලා ඉන්නේ අයියලා දෙන්න විතරයි. කලින් ගත්ත ඉලක්කය එක්ක මට හැකි උනා 2016 දී විශිෂ්ටතම ආනන්දියා සඳහා ෆ්‍රිට්ස් කුන්ස් අනුස්මරණ අභියෝගතා කුසලානය ලබාගන්න.නමුත් අම්මා හිටියේ නෑ ඒක බලන්න.

A/L ඉවර උන ගමන් ශ්‍රී ලංකා නාවික හමුදාවට මම contract basis water polo සෙල්ලෙම් කලා, ඒත් එක්කම මම individual class කලා රැයක් දවාලක් නැතුව , සමහර දවස් වලට කැම්පස් එකේ විභාග , practice ඉවර වෙලා වැස්සේ බයික් එකේ ගිහින් සති ගනන් එක දිගට ක්ලාස් කලා.හැමෝටම පැය 24ක් තියනවා ඒ කාලය හරියට කළමණකරණය කලොත් මේ ලෝකේ කරන්න බැරි දෙයක් නෑ. මගේ හීනයක් තිබ්බා අවුරුදු විසිපහ වෙන්න කලින් කාර් එකක් ගන්න. මට දැන් අවුරුදු 24යි , මම දැන් සති කිහිපහකට කලින් කාර් එකක් ගත්තා මම ක්ලාස් කරලා මහන්සි වෙලා හම්බ කරපු සල්ලි වලින්.

ගිය අවුරුද්දේ මම සං‍යුක්ත ගණිතය ගුරුවරයෙක් විදිහටම ප්‍රසිද්ධ ආයතනයක පලවෙනි hall class එක පටන් ගත්තා. තරුණයෙක්ට තමන්ගෙම ආර්තික ඉලක්ක වගේම අධ්‍යාපනික ඉලක්ක තියෙන්න ඕනේ .ඒ වෙනුවෙන් නොපසුබට උත්සාහාය තියෙන්නෙ ඕනේ. ජීව්තේ හරියට plan කලොත් කට්ට කියන එක හැමදාම කන්න වෙන්නෑ.

– Mandapa Pandithage –