විවාහ යෝජනාව ….. (වැල්වටාරම්)

දැක්ක ගමන් ඇස් එළියට පනින තරං ලස්සන නැතත් ඒකි ඇහැට කනට පේන හැඩ කෙල්ලක්…. ඉගෙනගෙන රස්සා කලා මිස ලව් මාන්දම ගැහුවෙ නෑ… කසාද ගැන බැළුවෙ නෑ…..

කේන්දරේ පට්ට අවුල් නිසා මේ සම්මතේට මිනිහෙක් සෙට් වෙන්නෙ නෑ කියල කේන්දර පොරවල් හත් අටදෙනෙක්ම කිව්වා…..

ඔය ටීවී එකේ, රේඩියෝ එකේ ජෝතිස්‍ය ප්‍රෝග්‍රෑං වලට එන සියල්ල දත් බුවාල දහ දොලොස් දෙනෙක්ගෙන්ම කෝල් දීල ඇහුවත් ලැබෙන්නෙ එකම උත්තරේ…..

කෙල්ලට විවාහ අපලෙලු….. ඒ නිසා ලොකු මහත්තයයි නෝනයි හිටියෙ කනස්සල්ලෙන්…..

කෙල්ලත් මේකට නිතරම නෝක්කඩු කිව්වා….

අම්මල තාත්තලගෙ වදේට ඉගෙනගත්ත විතරයි….

රස්සාවක් තිබුණට මිනිහෙක් නැතුව හිතේ සතුටක් කොහෙද…..? මිනිහෙක් දිහා ඇහැක් ඇරල බලල නෑ මේ වෙනකල්….අයියෝ දුක තමයි මට කිය කිය තමයි කෙල්ලත් හිටියෙ…..

ඒ අතරෙ මිනිහෙක් නැතිව වේලෙන මේකි දිහා හන්දියෙ කොල්ලො ටිකත් හිටියෙ ඇහැ දාගෙන….

අන්තිමේ දෙමාල්ලො දෙන්න තීරණේ කලේ කකුලක් අතක් ඇති කලින් බැඳපු වයසක මිනිහෙක් උනත් කමක් නෑ වෑහෙන්න සල්ලි තියෙනවනං කෙල්ල දීල දාන්න…..

ඔය අතරෙ තමා පත්තරේ මංගල යෝජනා එකේ පංකාදු ඇඩ් එකක් දැක්කේ……

“සිංහල, බොදු ගොවි බස්නාහිර අවු 40ක් වුවත් 35 පෙනුම ඇති, උස අඩි 5’7″ක් වන ව්‍යාපාර රැසක අයිතිය හිමි, නිවාස හා දේපළ හිමි, ඉංග්‍රීසි කතා කරන, සුළු වරදක් නිසා එකම හුරුබුහුටි දරුවකු රක්ෂා කරන එකම පුතුට, පැහැපත්, පි‍්‍රයමනාප රූ සපුවකින් යුතු, ඉංගී‍්‍රසි කථා කළ හැකි, උගත්, මනා චරිතවත්, වයස අවු. 35 ට අඩු දියණියක සොයයි. භේද නොසැලකේ. වරදට සමාව දෙනු ලැබේ.”

‍ලොකු මහත්තය කඩිමුඩියෙ සරමත් ගැටගහගෙන දෝණියන්දැයි නෝනයි හොයාගෙන කුස්සියට දිව්වා……

“ඕං කෙල්ලට සිකුර ලබන්න යන්නේ… මේන් තියෙනව තිතට හරියන ‍යෝජනාවක්”

කෙල්ල පත්තරේ අරන් බැලුවලු…..

බලලා කඩිමුඩියෙ මිදුලට පැනල දුවන්න ගත්තලු…..

ලොකු මහත්තයා කෑ ගහල ඇහුවලු……

“කොහෙද බං ඒක කියෝපු ගමන් දුවන්න ගත්තේ….?”

කෙල්ලත් කෑ ගහල මෙහෙම කියාගෙන දිව්වලු……

“වරදට සමාව දෙනවලුනේ…. මං හන්දියට දුවල වරදක් දෙකක් කරගෙනම එන්නාං…” කියලා ……

ධනුෂ්ක චතුරංග …

මූලාශ්‍රය :  Ranjani Indi