කාගෙත් සුන්දරම කාලේ පාසල් කාලේ. ඔන්න ඉතින් මේක උනේ කොට්ටාස තරග තියෙන කාලෙක. මගේ හැසිරීමේ හොදකම හින්දා මාව කොල්ලො ගොඩක් මැද්දෙන් ඉන්දවනවා කියලා දහ අතේ පොරොන්දු දීලා තිබ්බෙ අපේ පන්තිභාර මිස්. ඉතින් දවසක් ඒ සොදුරු මවුලි මංගල්‍ය උදාවෙලා මන් රැජිනක් වගේ පුරෝහිතයො ගොඩක් මැද්දෙන් ගිහින් ඉදගත්තා. ඉබ්බා දියට දානකොට ඇන්නෑවේ මල කෝලං පෙන්නන්නම් අලි සෙල්ලං කියලා මාත් කැමැත්තෙන්ම ගියා. දින සති ගෙවුනා.. මෙව්වනෙ යකෝ ජීවිත… කෙල්ලො ගොඩක් මැද්දෙ පච කෙලිනවට වඩා.. පෑන් කොපු ගහන එක.. රබර් පටි වලින් විදින එක… පංති කට් කරන එක වගේ සොමිය උපරිමයි.
සුකුරුත්තන් බොත්තෙ නතින්ග් පිස්සු පීකුදු..
අද සෙට් වෙන අපෙ සෙට් එකෙ බොක්ක පිරිසිදු…
එල කොර ෆන් මරිසි ඩයල් කට්ට කා හැදු…
තැන ඇඩ්මින් වී බලපන් පට්ට සැප සුදූ…
ජෝගි නටන්නේ හිටගෙන ආතල් ගන්නේ…..කියලා
ඩෙස් එකකට ඩ්‍රම්ස් පාට් එකක් දාලා බජ්ව්වක් දාන වෙලාවට ඉතින් පංතියම ආයෙ ගුණෙ අයියගෙ කාමරේ වගේ තමා… ඔය කොල්ලො අස්සෙ මාත් ටකර ටකං ටකර ටකං ටකර ටකර ටංං ගාලා මගෙ උපරිම මෙව්වා සහයෝගෙ දෙනවා.. අපි හොදම සුපිරිම යාලුවො උනා.. කොල්ලන්ගෙ ලව් වලට එහෙම කෙල්ලො ටෝක් කරලා දෙන්නෙ මන්.. කන්නෙ එකට වටවෙලා.. සබ්ජෙක්ට් වලට යන්නෙ එකට…. ගේමට බහින්නෙ එකෙට.. කොටින්ම උනු එකම වෙනස තමයි උන් පිරිමි කියලා ගහපු එකට ගියා මන් ගැහැනු කියලා ගහපු එකට ගියා.
දවසක් මුන් උදෙන්ම ඇවිත් කිව්වා… කොට්ටාස තරගෙකට වෙන ඉස්කෝලෙකට ගිය වෙලාවෙ ඒ ඉස්කෝලෙ එකෙක් අපේ එකෙක්ට සද්දෙ දාලා ඌට ගහලා ඌ අද ඉස්කෝලෙ එන්නෙත් නෑ කියලා. හෙනම අවුල් අපිට. කේස් එක ලව් කේස් එකක්… ඊලග දවසක ඌට වැඩක් දෙමු කියලා ගේම ඕගනයිස් කරගෙන… (ඒ දවස්වල උන්ගාව නොකියා ෆෝන් තිබ්බා). ඕකෙන් අර ගහපු එකාටත් ඩේට් එක දීලා ඉන්වයිට් කරලා දවස ෆික්ස් කරගෙන වෙලාවක් දාගත්තා…
දැන් පහුවදා ගුටිකාපු එකාගෙ හිත හදනවා… උබ ඔව්වා හිතන්න එපා.. දතක් කැඩුනට මොකද බන්.. අකලංක ප්‍රේමෙ වෙනුවෙන්නෙ… ඔහොමද බන් ලව් කරන්න ගියාම.. බලපන් අර ශාරුක් එකක දෙකක කියලද…? කෙල්ලො කීයක් වෙනුවෙන් ෆිල්ම් කීයක ගුටි කනවද.. ඒ අතින් උබට මොනාද උනේ කියපන්.. ඔය හක්කේ දතක්නෙ යන්තන් ගැලවිලා ගියේ.. ඊ කියපන් බලන්න…. ආපෝ ඕක පේන්නෑ බන්.. ය ර ල ව ස හ ළ කියවෙනවද බලපන්.. ආ.. එහෙනම් එච්චරයි බන්….. එදා යම් සිදුවීමක් උනාට පුතා අද සැපේ ඉන්න ඕනා.. මේ කය අපිට අයිති නෑ පුතා කියලා මේකගෙ හිත හදලා හදලා යන්තන් ගොඩ ගත්තා.. ඒ උනාට ඒ දවස් ටිකේම කියවුනේ දම්පාට හැන්දෑවෙ.. සරාසිහින රහසේ… මන්දාරම් හිරිපොද වගේ ආදරෙන් ඇඹරිලා හිරිවැටිලා වැලලිලා යන එව්වා….
මාත් ඒ ටිකේ නිකන් හිටියේ නෑ… සටනට යන්න කඩු සරඹ කරාතේ ජූඩෝ වූෆු ඔය සෙරගෙන්ම අඩිය ගානෙ ප්‍රැක්ටිස් කරා…. හයි! හෙයි! හුයි! කෝපිකඩේ නයි! කෑවොත් විස වෙයි! ආ…… හයි!.. හුයි! හෙයි.! කයි! කියලා හැමදාම ප්‍රැක්ටිස් කරා.. හවස සෙල්ලම් කරන්න යන එව්වා කැන්සල් කරා.. වරුවෙන් වරුවරුවට කොත්තමල්ලි වලට අලිගැට දාලා වෙනිවැල් පේර දාලා පත අට එකට හින්දලා බිව්වා.. බොක්කට බොක්කක්.. කියලා උද්යෝගෙන් උනන්දුවෙන් සටන් ක්‍රම ඉගෙන ගත්තා..
දවස උදා උනා.. එක පොතක්වත් අරන් ගියෙ නෑ උදේ තමා ගේම දාගෙන තිබ්බේ.. කලින් දවසෙ ගැහුවා මාස්ටර් පෑලනක්… අපේ සෙට් එකෙන් තුනකට ෆ්‍රී යන්න චාන්ස් තියනවා.. උන් එදා කොට්ටාස තරග වලට ඉන්නවා.. එලියට පනින්න පුළුවන්.. මුන් මිස්ට කිව්වා.. පළවෙනි පිරියඩ් එකට ඉදලා ඊලග බස් එකේ එන්නම් කියලා ක්‍රීඩා මිස්ව සේප් කරගත්තා. ගුටිකාපු එකා එක්ක තව හතරක් වැටෙන් පැනලා යන්න තීරණය කරා.. යකො එතකොට මන්..?? මට මොකද වෙන්නේ… අඩෝ අපි උබව ගත්තේ නෑ බන්.. උබට ගහගන්න එක අවුල්නෙ බන්.. කියලා එකෙක් කියපි… අම්මේ යකො මගේ වේදනාව… සාගරේ හඩලා ක්සිතජය මැහිතෙල් බොන්න වගේ….. මෙ උදේම නෙස්ටමෝල්ට් ජෝගුවක් බීලා අම්මට තාත්තට වැදලා බලය ජවය සක්තිය ගණදෙවියන්ගෙ ඉල්ලන් ආවේ යකෝ මන් ඉස්කෝලෙ ඉන්නද? දවස් ගානක් ප්‍රැක්ටිස් කරා බන්…. උබලා බය වෙන්න එපා.. කියලා.. ඔන්න මටත් ඉඩක් වෙන් කර ගත්තා.. දැන් උබ පනින්නෙ කොහොමද කියපන්කො කියලා එකෙක් ඇහුවා.. මගේ යටිබඩට පින්සිද්ද වෙන්න අදහස් සප්‍රානිකයි ඕන වෙලාවක.. ගත්තා උප්පැන්නසහතිකෙ.. ලිව්ව මන් තඩි අකුරෙන්.. මෙය සත්‍ය පිටපතකි කියලා.. වැල් අකුරු ලියන්න පුළුවන් එකෙක් අල්ලලා ඌට කීවා උබේ බොටුව කඩන්න කලින් සහතිකයි කියලා ලියපන් කියලා.. පොරත් ලිව්වා.. දැන් තියෙන්නෙ සීල් එක තියාගන්න.. යන ඕන එකෙක්ට ඔය සීල් එක තියාගන්න පුළුවන් කිසි ගේමක් නැතුව…. මොකද මැඩම් සීට් එකෙ නෑ කොයිවෙලෙත්.. අපි ඔය සීල් එක ඉස්කෝලෙ බුදියන් ඉන්න බල්ලන්ටත් තියලා තියනවා.. දවසක් අපි ට්‍රිප් එකක් ගියපු දවසක මැඩනුත් ආවා අපිත් එක්ක යන්න. එදා පාන්දරම මැඩම් කාමරේ ඇරලා දාලා මුත්‍රා කරන්න ගිහිල්ලා.. අපි ඉතින් සේප් එකේ මේසෙ උඩ තිබ්බ සීල් එකත් අරන් ඔෆිස් එකේ බුදියන් හිටපු බල්ලට සීල් දෙක තුනක් තිබ්බා.. “” නියෝජ්‍ය විදුහල්පති “” කියලා.. පොර එදා හොදට වැඩ බලන්න ඇති.. අපිත් සදුදා තමා දන්නේ කවුරුහරි අසම්ත්ජාතියෙක් බල්ලට පට්ටම දීලා කියලා..
ඒ හින්දා සීල් ඒකත් පහසුවෙන්ම තියාගෙන සීරුවෙන්ම ගියා මන් ගේට් එක ලගට.. මන් ස්පෝට්ස් කරනවා කියලා කොහොමත් මුර මාමා දන්නවා. පුතේ ඉක්මනට යන්න මිස්ලා දැනුයි ගියෙ කියලා ගේට් එකත් ඇරලා දුන්නා.. මාත් දසන් පෙන්නල මුකුලු තියලා පැනලා ගියා.
මන් යනකොට ඉන්නවා කිව්ව තැනට වෙලා සෙට් එකම ඉන්නවා.. ඒත් උන්ගෙ මූනු වල කිසි ලකයක් නෑ… මොකද කියලා බලපුවාම අරූ කියලා හවසට සෙට් වෙමු උදේ බෑ කියලා කෝල් කරලා.. පොර මගාරිනවා වගේ කියලා අපි හිතුවට ඇත්තටම මේකා තව වැඩිමල් අයියලා ටිකක් බස්සන්නයි හදන්නේ. මට නම් එවලෙම ගෙදර යන්න හිතුනා… ඒත් බෑනෙ ඉල්ලලා දාගත්තු චාන්ස් එකනෙ. කොහොමහරි තරගෙට ඉන්න තුන්දෙනා ගියා ස්පෝට්ස් වලට.. අපිට ආයෙ ඉස්කෝලෙට යන්න බැරි හින්දා කොල්ලො ටික ගියා කඩේකට.. මන් කිව්වා මාව දාපන් ඉස්පිරිතාලෙට කියලා.. ඔව් ඔව් ඉස්පිරිතාලෙට.. ඒක මේ මහලොකු ඉස්පිරිතාලයක් නෙමෙයි මැස්සෙක් ඇතුලට ගිහින් මැස්සො දෙසීයක් එලියට ආවත් බල්ලෙක්වත් බලන්නෙ නැ. කැස්සත් ගිහින් නවතින්න පුළුවන්.. ඕන පිස්සෙක් නවත්තාගන්නවා.
මාත් දැන් ඔස්කා වලට යවන වීඩියෝ ක්ලිප් එකක් වගේ ඉස්පිරිතාලෙ ගේට් එක ලගට ගිහින් බඩ අල්ලන් කෑ ගැහුවා… දෙපැත්තෙන් කොල්ලො දෙන්නෙක් අල්ලන් ඉන්නවා දැන් මාව.. අම්මේ මගේ බඩ…. බුදාම්මො… රිදෙනෝ….. දෙයියනේ…. ආඩවානෙ…. කනවලේ… කියලා කැ ගැහුවට මැස්සෙක්වත් නෑ බලන්න…. ඊටපස්සෙ ඉතින් අරුන් කිව්වා නැගිටපන් ඔතනින් කියලා බිම ඉදගෙන හිටපු මාවත් නැගිට්ටවලා… තව ටිකක් ඉස්සරහට ගිහින් කෑ ගහපන් කියලා කිව්වා… මන් දෙන්න ගියේ.. නාගිනි වගේ ගේට්ටුව ගාව ඉදලා වාට්ටුවටම කෑ ගගහා රෝල් වෙවි යන්න… ඒත් මගෙ අසහාය රංගනය බලන්න මොකෙක්වත් නැති හින්දා නැගිටලා හොස්පිටල් බිල්ඩින්ග් එකට ඇතුල් වෙන තැන ඉදන් ආයෙත් දර්ශනය පටන් ගත්තා…
ආයි අම්මෝ ඩොක්ට… ඔවෑක්…. ඔවෑක්.. වමනෙටත් එනවා අනේ මට බෑ…. බඩ රිදෙනවා… අනේ…. කියලා කෑ ගහපු පාර ක්ලින්ක් ඇවිත් හිටපු ආච්චිලා සීයලා මට ඉඩ දීලා.. රෝහල් කාර්‍ය මන්ඩලයට කාලෙකින් හෙණ ගහලා වගේ රෝද පුටුවකුත් උස්සන් ඇවිත් මාව ඉන්දුවා.. මන් හිතන්නෙ මන් ආවගෙන් ඉස්පිරිතාලෙ ප්‍රබෝදමත් උනා.. අහල පහල මිනිස්සු පුටුවලින් බංකුවලින් නැගිටලා බලාන ඉන්නවා.. ඈතින් බලපු ගොඩ දෙනෙක් හිතලා තිබ්බේ විලිරුදාව හැදුනු අම්මෙක් වැරදිලා එක්කන් ඇවිල්ලා කියලා.. මොකද වැරදිලාවත් ඒ ඉස්පිරිතාලෙ දරුවෙක් ප්‍රසූත කරන්නෙ නැ.. ඒ තරම් කාර්‍යක්ෂමයි.. කොහොමහරි ඉතින් ඩොක්ට ලගට ලන් වෙන්න වෙන්න මගේ විලාපෙ උපරිමයි… රංගනයේ වේගයෙට කටහඩේ තිවෘතාවය ඉහල නගිනවා.. මිනිස්සු කුලප්පු වෙලා…. ආව් අම්මෝ… ඒ අස්සෙ අරුන් දෙන්නා කොනිති ගහනවා මාරුවෙන් මාරුවට… මගෙ රංගනය සක්සස් කරගන්න උන්ගෙ මැක්සා සප් එක… මාත් තියලා කෑ ගහනවා ඒ ගැම්මෙන්ම… ආයියෝ… අම්මෝ…. මැරෙනවො… බුදාම්මෝ… මන් මැරෙනෝ…. කියලා ඩොක්ටට මාව භාර දෙද්දිම මන් බෙල්ල පැත්තට කඩාගෙන මලා වගේ හිටියා… දැන් ඩොකා බය වෙලා අරුන් දෙන්නට කිව්වා ඇදෙන් උස්සලා තියන්න කියලා… මෙවුන් දැන් මාවා ආයෙ කොනිති ගහනාවා.. මට දැන් හික් ගෑවෙනවා.. ඉස්සරල නම් රිදෙන රිදෙන සැරේට හූ කියන්න තිබ්බා. දැන් කලන්තෙ දාලා නේ… ඊටපස්සෙ එකෙක් කනට කරලා කිව්වා නැගිටපන් තෝව උස්සන්න බෑ කියලා.. ඒ කියද්දිත් ප්‍රමාදයි.. ඇටෙන්ඩන්ට් මාමලා දෙන්නෙක් එතකොටත් මාව ඇදට දාලා.. ඊටපස්සෙ ඩොක්ට කියපි ඇඩ්මිට් කරන්න ටිකට් ලියන්න කියලා.. කාලා වරෙන්කෝ…. තාවකාලිකව පොඩි රෙස්ට් එකක් ගන්න ආව මිසක් අපි මෙතන ලගින්න ආවේ නෑ කියලා කියන්න ගියත් කියන්න බෑ මට සිහිය නෑ නේ… ඩොක්ටත් දැන් මට නලාව තිය තිය කල්පනා කරනවා.. බඩ රිදිලා කලන්තෙ දාන්නේ ඇයි කියලා.. නාලාව බඩටත් තියලා බලලා…බබෝ බබෝ කියලා කනටත් දෙපාරක් ගැහුවා… තව ටිකක් ඇහැ වහ්න් හිටියා නම් වලියට යන්න කලින් මන් ඩොක්ටගෙන් කන හින්දා.. ආ…. ම්ම්ම්ම්.. ම්ම්ම්ම්.. කියලා නිකන් කන්ෆියුස් වෙලා වගේ ඇස් ඇරියා.. ඇහේ කොනෙන් මට පේනවා අරුන් දෙන්නා අත මිට මොලවගෙන දත් හපාගෙන.. ලේන්සු විකාගෙන බිත්ති බදාගෙන හිනාව කන්න අසහාය උත්සාහයක යෙදෙනවා කියලා.
පස්සෙ මන් ඩොක්ටට කිව්වා.. ඩොක්ට මන් තරග වලට යන්න ඉන්න කෙනෙක් ඒ හින්දා ඇඩ්මිට් වෙන්න බෑ.. තරග වලට යන්නම ඕනා කියලා… අරුන් දෙන්නත් ඔව් ඔව් කියලා ඒ දවස් වල මගෙ තිබ්බ තැපැල් අයිඩින්ටියත් පෙන්නුවා.. ඒත් ඩොක්ට කේස් එක දැම්මා… මෙච්චර ලොකු අමාරුවක් තියාගෙන ස්පෝට්ස් කරන්න දෙන්න බෑ කියලා මෙඩිකල් එකක් ලියලා දෙන්නම් කිව්වා මිස්ට පෙන්නන්න… එතකොට අපේ එකෙක් පටන් ගත්තා.. ඩොක්ට කොට්ටාසෙන්ම අපේ ඉස්කෝලෙ එකට එන්න තව ලකුනු ටිකයි මදි.. අද මෙයා යගුලිය දානවා… කියලා.
යගුලිය දාන්න.. !!!!! මේ කෙලින් ඉන්න පණ නැති ළමයා… අපෝ බැ බෑ.. කියලා ඩොක්ටත් බෑම කිව්ව… එතකොට අනිත් එකා.. නෑ ඩොක්ට මෙයා කවපෙත්ත විසික්කරන්නෙ කියලා කීවා… අරුන් දෙන්නා හාගෙන නාගන්න බව තේරුනු මංතුමී දෙපැත්ත බැලන්ස් කරලා කිව්වා.. කමක් නෑ ඩොක්ට මට 12.30ට වගේ යන්න තිබුනා නම් ඇති.. දැනට මන් රෙස්ට් කරන්නම්.. මට එක ඉවෙන්ට් එකයි තියෙන්නෙ.. ඒක කරගන්න පුළුවන්.. මේ දැනුත් ටිකක් අඩුයි වගේ කියලා… ඊටපස්සෙ ඩොක්ටත් සාධු හිතින් බලලා ඊසීජි ගන්න පොඩි රූම් එකක් තියනවා ඕකට මාව දාලා සේලයින් දීලා ජීවනී දිලා දොයි කරවලා තිබ්බා…. වීල්චෙයා එකේ එක්කන් යන ගමන් අරුන් දෙන්නා කියනවා.. යකො…! අපි තොට කෙනෙත්තුවේ බෙරිහන් දෙන්න එපා කියලා කියන්න මිසක් තවත් හයියෙන් හූ තියන්න නෙමෙයි බොල.. බලපන් ලැජ්ජාව… යකෝ මුලු ඉස්පිරිතාලෙම ආවා උබව බලන්න.. මූයි මායි නිකන් මිනිහයි හොර මිනිහයි වගේ.. ශික්.. ! කියලා මුන් මට බනිනවා… කොහොමහරි මාව දාලා උන් යද්දි මන් කිව්වා.. මාව ගන්න වරෙන්… මන් එන්න පරක්කු උනොත් ඉස්පිරිතාලෙට එක්කන් වරෙන් සෙට් එක අපි මෙහෙ ඉදන් ගහගමු කියලා…
ඒ කියලා මාත් සපාන් එකේ නින්දක් දාලා ඇල වෙලා හිටියා.. අපරාදෙ කියන්න බෑ… නිකා…න් නිස්කාරනේ කැනියුලා කට්ටක් ගහගන්න උන එක විතරයි පාඩුවකට තිබ්බේ.. ඒ වගේද පැය පහක විතර නින්ද… ! සුදු ගවුම ඇදන් හිටපු හින්දද මන්දා මට දැන් පේන්නෙම ශ්‍රීවික්‍රම රාජසිංහ රජ්ජුරුවේ පඩු ෆුල් ආසනේ ඉදගෙන කෝල්බෘක්ට සරල සමීකරණ දාලා විචාරයක් ලියලා අත්සනක් දාලා බාර දුන්නොත් අපේ රටින් යන්න දෙනවා වගේ ඉගෙනුම් ඵලදායි අධ්‍යාපනික හීන. කෝමහරි පැය දෙකකින් සේලයින් අයින් කරලා.. ආයෙත් ජිවනි දිලා ඉතුරු පැය ටිකත් ඉන්නකොට අරුන් දෙන්නා එනවා නර්ස් කෙනෙක් එක්ක බබාව බලන්න එන්න පියා නෝ වගේ.. කොහොමහරි මගේ කැමැත්තෙන් ටිකක් කපාගන්නවා කියලා අත්සනක් දාලා මාත් ගියා…
ඔය ටික කරගෙන එනකොට එක හමාරයි වෙලාව… අපි යද්දි කෝටු හයා…ක් කපාගෙන දෙපිල බෙදලා ලී කෙලි නටන්න වරෙන් කලූ.. කියලා ඉන්නවා සෙට් එකෙම දෙපිල බෙදිලා.. අනේ අපේ එවුන් තාම නිල් කලිසං එහා පැත්තෙ යායම සුදු කලිසං.. මට ආයෙ ඉස්පිරිතාලෙට දුවන්න හිතුනා…. ඒත සටන මිස් කරන්නත් බෑ නේ. දැන් එකා දෙන්නා තියුනු ඇස් වලින් බලන් ඉන්නවා… බැක්ග්‍රවුන්ඩ් මියුසික් එකක් ප්ලේ වෙනවා… ටැංට ටෑන්….. ඉයව්!.. ඉයව්!…
ටවුන් ඒකේ තමා දැන් සටන ලයිව් යන්නේ.. ටික ටික සෙනග පිරෙනව.. වට වෙනවා… යුධ පිටිය උණුසුම් වෙනවා…. භීෂණේට මට දාඩිය දනවා.. දැන් ටික ටික ඇත්තටම මගෙ බඩ කොරවෙන්න ගන්නවා වගේ… තාම මුල් හරිය.. ඇයි ඇයි කියලා ටෝක් කරන හරිය.. සිද්දියට සම්බන්ද කොල්ලො දෙන්නා මැද්දට ඇවිත්… ඒකි මගෙ හදවත කියනවා එකෙක්… ඒකි මගෙ පණ කියනවා අනිකා.. ඔය අස්සෙ මන්… ගහගන්නවා නම් ගහගනින්නො මෙතන රාමා රාවණා වෙන්නෙ නැතුව සෙද්ද… කියලා, මන් දැන් බලාන ඉන්නවා.. ටික ටික දැන් අපේ එකාගෙ උරහිසට තල්ලු දදා ඌව පස්සෙන් පස්සට අරන් යනවා එහා පැත්තේ එකා… අරුත් ඇයි ඇයි ආ.. කියලා ගොරවනවා.. ඒත් ඒකා එක අඩියක්වත් ඉස්සරහට තියෙන්නෙ නෑ.. ඌ හිතලම ඇයි ඇයි ගගා පස්සට යනවා.. මගෙ ඇගේ හැප්පෙන්න ආවා වගේ හින්දා මන් අපේ එකාව ආයෙ මැද්දට තල්ලු කරනවා… දැන් නිකන් නෙට්බෝල් මැච් එක වගේ.. එකාට එක ගානෙ ඉන්න්වා… ඒත් මට එකෙක්වත් නෑ… මාත් ආයි ආයි කිය කිය කැනියුලා ගහපු අතත් ඇදගෙන අයියෙක් ගාවට ගිහින් බැලුවා… ඒකා කියපි මට..
නංගියෝ.. මෙතන වලියක් යන්න හදන්නේ.. ඔයා මෙතන ඉන්න එපා ආන් බස් හෝල්ට් එක අර පැත්තෙන් එතෙන්ට යන්න කියලා… හෑ අඩේ මාත් ආවේ වලියට තමයි ඩෝ… කියලා කියන්න හිතුනත් ඒ අයියගෙ කරුනාබරිත මූන බලාගෙන කියන්න බැරි හින්දා විරිත්තලා පිටිපස්සට උනා…
මන් පිටිපස්සට වෙලා බල්න් ඉන්න අතරෙ වලිය යනවා සුපිරියටම දැන්… බලන්න ලස්ස්නයි… නිල් කලිසමයි සුදු කලිසමයි… නිල් කලිසමක් වැනෙද්දි.. ඒකට සුදු කලිසම් තුනක් වැනෙනවා..
අඩෝ… අඩෝ… ඇයි ඇයි ඩෝ.. අඩෝ අඩෝ… ඇයි ඇයි ඩෝ… //
වලිය පුරාවටම සවුන්ඩ් එක ඔච්චරයි පිනවතුනි.. දකිද්දිත් ආසයි…. මූනුවලටමයි කෙලින්නේ… අරකගෙ ඊලග දත වැටෙන්නෙ කොයි වෙලේද කියලා මන් උපරිම සුපරික්ෂාකාරීව බිම් බලාගෙන හිටියේ ඇහිදගන්න…. මොකද මේ පාරනම් ඕකගෙ දත් සෙලෝටේප් ගහලා හරි සෙට් කරනවා කියලා මන් හිතාගෙන හිටියේ…. වලියෙ මැද්දට වෙන්න දැන් සුපිරියටම දෙපැත්ත බෙදිලා නෙලා ගන්නවා.. අම්මට.. කියලා පටන් ගත්තම අප්පට කියලා පින් දෙනවා.. මාත් සුට්ටක් මැද්දෙන් අතක් දාන්න වගෙ උපරිම ට්‍රයි කරා.. උන් වැනෙන වැනිල්ලට මට නිලුයි සුදුයි පැටලිලා මාත් අපේ එවුන්ටමයි ගහලා තියෙන්නේ….. වලිය අස්සෙන්… මොකද බන් මට ගහන්නෙ කියලා අහපු පාර තමා මන් ඒකගෙ මුන දැක්කේ… මාත් එක්ක එකට එක ඩෙස් එකේ ඉදගෙන ඉන්න එකාට තමා මන් මෙච්චර වෙලා ආවේසෙන් නෙලලා තියෙන්නේ…. ඔය සේරම අස්සේ අඩේ සොරි කියලා කියන්න අමතක කරන්නෙත් නෑ මන්… මගෙන් වදින වදින එකාට සොරි කියවෙනවා… ගහනවට වඩා සොරි කියන හින්දා මන් පැත්තකට උනා.. මොනා උනත් නිල් කලිසං සුදු කලිසං අස්සට ගවුම් කැල්ලක් ආවම….මුංකිරිබත් හැලියකට අයිස්ක්‍රීං දාලා වගේ වලිය ලස්සනයි…
ඒ අස්සෙ එකෙක්ගෙ වොච් එක ගැලවිලා විසික්වෙලා ගියා… ආයේ ටිකකින් බොත්තම් කෑලි වැටෙනවා.. එකක්වත් අතාරින්නෙ මන් දැන් වැටෙන වැටෙන කෑල්ල ඇහිදිනවා.. .. මටත් ඉතින් හිත කියන්නෙම යකෝ ලැජ්ජා නැද්ද ගෑනියේ… දෙයියන්ටත් පහන තියලා ඇවිත් මෙතන ඉදන් කෑලි අහුලන්නෙ… පලයන් වලියට… ගිහින් නෙලපන්… කියලා.. ඒ හින්දා මාත් ආයෙ පිටි…. පස්සෙ ඉදන් වේ….ගෙන් දුවගෙන ඇවිත් සෙට් එක දෙබෑ… කරගෙන මැද්දට පනින්න කියලා එනකොටම එකපාරම මොකෙක්ගෙහරි දතක් වැදුනා…. අම්මේ…. සාන්ත.. මන් ඩ්ංං ගාලා අඩි දෙකක් උඩ ගිහින් ආලෝකෙ ධාරා අහසට විහිදලා.. දිවහපාගෙන පොලවට ආවේ.. මොකෙක් හරි කාලකන්නියෙක් නිලේ බලලා කෙලලා ඇරලා මගේ කැනියුලා එක ගහපු අතටම… ඒ පාර නම් මටත් දිස්ටි උනා පින්වතුනි… ආයේ… මාත් ගත්තා බෑග් එක… වදින එකෙක්ට වැදියන් කියලා සට සට ගාලා වැනුවා හතර අතට… ඒ පාර හෙන තඩි උස සුදු කලිසංකාරයෙක් වලිය මැද්දෙන් බෙල්ල දාලා කියපි… පලයන් කෙල්ල අහකට! මෙතන වලියක් තොගෙ ඇස් පොට්ටද කියලා….
යකෝ මේක වලියක් නැතුව අලයක් දාපු හැලියක් යැ…. !! ඇස් පොට්ට නෙමෙයි යකො මාත් ආවේ වලියට තමා කියලා ගහන්න හදනකොට මට පේනවා අපේ ප්‍රේම බෘංගරාජයා බාගයක් විෂ්නු බාගයක් කාලි වගේ පැත්තක් නිල් කොරාන අනිත් පැත්තෙන් දිව හලාන ඉන්නවා, මූදෙන් ඇදලා දැම්ම නිල් තල්මසා වගේ….. ඒ අස්සෙ ඌව බේරගන්න කියලා අපේ එකෙක් බිමටම වැටිලා අපේ එකාව අල්ලන් ඉන්න එකාගෙ මේස් දෙක හාරගෙන අරූගෙ කකුල හපනවා.. සටන්ක්‍රම කෙසේවෙතත් අපේ එවුන් හපන විකන කොනිත්තන උපාය විදි තමා අන්තිම අන්තිම වෙනකොට යොදාගත්තේ….
ඔය ඔක්කොම අස්සෙ අපේ එකාගෙ නොකියා ෆෝන් එක ගුවන් ගත උනා.. වලිය පැත්තකින් තියලා මන් ගියා ෆෝන් එක අහුලන්න…. කකුල් අස්සෙන් සපත්තු අස්සෙන් මන් දැන් දෙකට නැමේගෙන ෆෝන් එක අහුලනවා.. මොන අහුලනවද…. !! මේ නැමිලා මේ ගන්න යනකොට ඒක එහාට වීසිවෙනවා… ආයෙ තව කකුල් දෙකක් අස්සෙන් රිංගලා ගිහින් ආයෙ ගන්න නැමෙනකොටම අයෙ ෆෝන් එක මෙහාට වීසි වෙනවා.. මරුවෙන් මාරුවට සුදු කකුලුයි නිල් කකුලුයි එහාට මෙහාට කරාන දෙකට නැවීගෙන මන් වලිය අස්සෙ එහාට මෙහාට දුව දුව අරූග ෆෝන් එක අහුලනවා…. විසික්වෙන ෆෝන් එක හොයලාම මගෙ ඇහැට ප්‍රෙශර් වගේ… බැරිම තැන සුදු කකුලක් අතින් උස්සලා පැත්තකින් තියන්න ගියපු පාර මටත් තව ඩිංගෙන් අස්ව පාරක් වැදෙනවා… කෝමහරි ඔය අස්සෙන්ම ෆෝන් එකත් අරගෙන රිංගගෙන රිංගගෙන එලියට එන්න යනකොටම එකෙක් මගෙ ටයි එක අල්ලගත්තා.. තව දසමයි තුන්කාලෙන් මන් උන්දගෙ මූනේ.. පොර මාව දැකලා බය උන ඇහිල්ලේ මන් ටක්ගාලා අපේ එකෙක්ගෙ ටයි එකක් අල්ලලා අයියගෙ අතට දීලා සේප් උනා… වලිය සැරටම යනවා.. මට කොහෙද වලි ගතවෙන්න වෙලාවක් මට අරුන්ගෙන් වැටෙන කෑලි ඇහිදින්න වෙලා..
ඔය ඇහිල්ලේ මට පේනවා.. තව සුදු කලිසංකාරයො දෙන්නෙක් එකතුවෙලා කොහෙවත් නැති පැත්තක හිටපු එකෙක්ට අල්ලන් වට වෙලා නෙලනවා හොදටෝම.. ඒකා නිකන් හාල්මැස්සගෙ තාත්තා පියා මැස්සා වගේ පොරක්… අඩුම ඒකා අපේ පන්තියේ එකෙක්වත් නෙමෙයි.. මෙච්චර මේ.. සතියක් තිස්සෙ ප්‍රැක්ටිස් කරලා වලියට ආපු මන් කොට්ටම්බ ගහක් යටට වෙලා අපේ එවුන්ගෙ බෑග් රකිනවා… කොහෙවත් ඉදලා කඩේට යන්න ආපු ඌ.. අඩේ වයි බන් මේ… ආව් යකෝ රිදෙනවා ඌයි කිය කියා ගුට් කනවා…
එන්න එන්න ටවුන් එකේ සෙනග වැඩිවෙලා.. මිස්ලා ඈත ඉදන් කම්මුලට අත තියාගෙන කසු කුසුව.. ඔය සේරම මැද්දෙ මන් කොපර කොපර පිපිඥ්ඥා පස්ස බැලුවොත් දෙසඤ්ඤා කියලා කනාවට හරි එකෙක් මන් ලගට එනකන් බලන් ඉන්නවා… බල්ලෙක්වත් නෑ මන් එක්ක ගහගන්න… ඒ උනාට මාත් අතාරින්නෙ නෑ.. පිස්සුද අපරාදෙනෙ ප්‍රැක්ටිස් කරපුවා.. ඒයි.. හේයි ග ගා ගොඩ ඉදන් වැවේ කිඹිලුන්ට ටෝක් කරනවා වගේ පිටිපස්සෙ ඉදන් මාත් කටින් ගේම ඉල්ලනවා.. ටිකවෙලාවක් ගිහින් බලද්දි යකෝ මන් ලග තව ඇච්චො බැච්චො ගොඩායි.. ඒ මොන ලැජ්ජාවක්ද සෙව්.. එතකොට නිකන් මාත් වලිය බලන්න ආවා වගේ නෙ ටක් ගාලා මන් ගවුමෙ පටිය ගලවගෙන…. ආ ආ.. මොකද මොකද මෙතෙන්ට වෙලා ඉන්නෙ ඈ… එහාට යනවලා මෙතන වලියක් යන්නෙ පේන්නැද්ද.. අම්මෝහ් මහන්සියි බන්.. මාත් වලියෙ ඉදලා මේ.. දැන් ආවේ කියලා දෙකට නැමිලා ඉනටත් අත තියාගෙන හති අරිනවා වගේ මාත් ඇක්ටිං පාරක් දුන්නා.. අනේ නිකන් පලයන් අක්කෙ යන්න අපිත් වලිය දැක්කා ඇයි ඇයී.. කියලා පොඩි එකෙක් කියපු පාර මාත්.. “”අනේ.. දැක්කද.. යැයි යැයි තමයි… ගහප් තොට.. මන් තමා යකෝ මේ වලියෙ කෝච් මගෙන් ටිකක් එහාට වෙලා හිටපන්”” කියලා උන්ටික මගෙ පිටි පස්සෙන් තියාගත්තා.. තියලා පොඩි එවුන්ටත් පේන්න එක්ක… චන්ඩි ඉන්නවද චන්ඩී…. වරෙන් බලන්න එකෙක් හරී.. ඉන්නවද චන්ඩී.. වරෙව් යකෝ…. කියපුපාර මාත් එක්ක ඇරියස් එකක් තිබ්බ අපේ ඉස්කෝලෙම ලොකු අයියේක් ආවා… ඌ නම් ආවේ ගේමටමයි කියලා තේරුම් ගත්ත මන්.. ආහ් අයියා මේක ඉන්ටර්නැසනල් එකක්.. ලෝකල් එව්වා අද බෑ.. එව්වා හෙට කියලා සේප් කරගත්තා..
වලි නම් වලි මෙන්න වලි කියලා හිතනකොටම අපේ එකාගෙ දිව තාරපාරෙත් ඇස් ලයිට් කනුවෙත් තියනවා දැකලා ආපු අපේ ලොකු අයියලා ටිකක් වලිය කමා කරලා සෙට් එක විසිරුවා හැරියා. අපේ එකා නිල් දම් ඉන්ඩිගෝ වෙලා බලන්න ලස්සනයි… මේකා නිකන් වළි කුකුලෙක්ව පාට කරලා අරන් වගේ. ඒත් එකෙක්ටවත් ආසාවට දෑත බදලා හයියෙන් පාරක් ගහන්න බැරු උනු මන් එහා පිලේ වැඩ්ඩා යනකන් ඉදලා පොඩි එවුන්ට පේන්නත් එක්ක.. මන් තමා ඔය ගේම ඇදලා දුන්නේ මල්ලී.. ස්ටාට් එක අරන් දුන්නේ මන්.. ඒකයි උන් ඔය නන්ස්ටොප් කෙලගත්තෙ.. ආරම්භය වගේම අවසානෙත් තියෙන්න ඕනා මල්ලී.. නැත්නම් මේක අපේ ඉස්කෝලෙ නම්බුවට හානියක් කියලා පොඩි එවුන් ටිකට පාස්ල් ආලේ වපුරවලා ඔන් බලාගනින් කියලා මන් පුළුවන් උපරම වෙර දාලා… වතුර බෝතලේ බූමරංගෙ වගෙ කරකවලා කරකවලා කරකවලා කවපෙත්ත වගේ ඌසී කරා.. ආයෙ මොනවද ඒම් එක… තක්කෙටම ඒම් කරලා බෝතලෙන් කෙලල ඇරලා තියෙන්නේ බස් එකක් එනකන් බලන් හිටපු අපේ පංතිභාර මිස්ට… ! එතනින් එහාට..
සමාප්තයි!
* උප්පැන්න බොරු
* මිස්ට ගහලා
*ගෙදර යනකොට හොස්පිටල් එකෙන් ගෙදරට කෝල් කරලා
*ඉස්කෝලෙන් පැනලා
* වලියෙ සැර ඉස්කොලෙට අහුවෙලා..
දිල්වාලෙ පුචුනේ තුජුනේ කුචුනේ ලගා ප්ලස් ප්ලස් ප්ලස්… ඕ දිල් දිවානේ මේරා අස්ති පංජර කිසි කිසි ලගා දොර පල්ලේ…
වලියක් තිබ්බොත් කියහල්ලා.. ඕන එකෙක්ගෙ බෑග් පරිස්සම් කරලා දෙනවා..