මිනිස් සිරුර දිනපතා විවිධ වෙනස්කම් වලට භාජනය වුවත් එම වෙනස්කම් කැපී පෙනෙන්නට පටන්ගන්නේ වසර 10 කට පමණ පසුව විය හැකියි. දිනෙන් දින වියපත් වන මිනිස් සිරුරේ ඇතිවන එවැනි වෙනස්කම් වලට මුහුණ දීමේදී සිරුරේ නීරෝගී බව ආරක්ෂා කරගැනීමට වැඩි සැලකිල්ලක් යොමු කිරීමට සිදුවේ. ඒ හරහා යම් යම් බරපතල රෝග පීඩා වලට ගොදුරු නොවි සිටීමට සිරුර සූදානම් කරගත හැකිවේ. වයසට යාම වැළැක්විය නොහැකි දෙයකි. ඒ නිසාම වයසට යන විට සිරුරේ ඇතිවන වෙනස්කම් ද වැළැක්විය නොහැක. නමුත් දැනුවත් වීම හා නිසි අවධානය සහ සැලකිලිමත්බව හරහා එම වෙනස්වීම් සිදුවන වේගය උදාසීන කරගැනීමට ද බැරි නැහැ. මේ ඒ සඳහා උපදෙස් කිහිපයකි.
1.අවුරුදු 20 සිට 30 දක්වා
- තාරුණ්‍යය, ජවය, ශක්තිය උපරිම වයස් සීමාවයි. මේ වයසේදි වියපත් වීම ගැන බොහෝ විට කවුරුත් සිතන්නේ නැහැ. නමුත්, මේ වයසේදීත් විවිධ වෙනස්කම් හටගනියි.
- අස්ථි වර්ධනය නවතියි.
- අස්ථි වර්ධනය නවතියි.
- අස්ථි වර්ධනය නවතියි.
- උපදෙස්: ඔබේ සිරුරේ බර වැඩි නැතත් ඔබ ආහාරයට ගන්නා දේවල් ගැන සැලකිල්මත් වන්න. මින් ඔබේ සිරුරේ බර අධික වීම වළක්වාගත හැක. ක්ෂණික ආහාර වලට ඇබ්බැහි වීමද සෞඛ්‍යයට අහිතකරය. කොලැජන් නිෂ්පාදනය වැඩිකරවන ආහාර පාන ලබාගන්
2.අවුරුදු 30 සිට 40 දක්වා
- සෞඛ්‍යය ගැන සැලකිලිමත් නොවුණහොත් වයස අවුරුදු 30 පමණ වන විට සිරුරේ වෙනස්කම් වේගයෙන් ඇතිවීමට පටන්ගැනිමට ඉඩ තිබෙනවා. මේ වයස සීමාවේදි බහුලව සිදුවන වෙනස්කම්:
- මාංශ පේශී තානය (සවිමත්බව) නරක අතට හැරිය හැක.
- මේද සමඟ ආදේශනය වීම නිසා මාංශ පේශී පටක ප්‍රමාණය අඩු වීමක් සිදුවීම.
- ඉලාස්ටින් සහ කොලැජන් ප්‍රමාණයේ අඩුවීමක එතිවීම.
- උපදෙස්:සිරුරේ හැඩය හොඳින් පැවතුණත් කායික ව්‍යායාම වල නිරතවීමට යොමුවීම හොඳ අදහසක් වේවි. ව්‍යායාම නොකරන්නේ නම් පේශින් වල තානය හොඳින් පවත්වාගැනීමට නොහැකිය. විශේෂයෙන්ම ඔබේ සමේ නිරෝගි බව ගැනත් සැලකිලිමත්වන්න.
3.අවුරුදු 40 සිට 50 දක්වා
- වයස අවුරුදු 38 පමණ වන විට මානව සිරුරේ වර්ධනය හිනිපෙත්තට ලඟාවෙන බවත් ඉන්පසුව සිරුර සැබෑ ලෙස වියපත් වීම ආරම්භ වන බවත් විද්‍යාඥයින් ගේ මතයයි. මේ වයසේදි වේගයෙන් සිදුවන වෙනස්කම් අතර කිහිපයක් පහත දැක්වේ.
- ස්නායු සෛල් ගණනේ අඩුවීමක් ඇතිවිය හැක.
- සිරුරේ මේද තැන්පත්වීම
- ඇස් පෙනීම නරක අතට හැරීම.
- අස්ථි සහ සන්ධි වල බි‍ඳෙනසුලු බව වැඩිවීම.
- කාන්තාවන්ගේ ඊස්ට්‍රජන් මට්ටම අඩුවීම සහ අධි රුධිර පීඩනය ඇතිවීම.
- උපදෙස්: කායික ව්‍යායාම සහ අභ්‍යාස වල නිරතවීම සිරුරේ නිරෝගිබවට ඉතා වැදගත් වේ. හෘදයේ ක්‍රියාකාරීත්වය සාමාන්‍ය ලෙස පැවතීමට සහ පේශි පටක අඩුවීයාම මන්දගාමී වීමට එමඟින් හොඳ සහයක් ලැබේ. ක්‍රීඩා හෝ පිහිනීම, ඇවිදීම, දිවීම වැනි ක්‍රියාකාරකම් වල නිරතවන්න. රුධිර පීඩන මට්ටම ගැන පරික්ෂා කරගනිමින් ඒ ගැන සැලකිල්ලෙන් සිටින්න. මේ වයසේදි හෘද රෝග වර්ධනය වීමේ අවදානම ශීඝ්‍රයෙන් ඉහළ් යයි.
4.අවුරුදු 50 සිට 60 දක්වා
- පුද්ගලයාගේ පෙනුම බොහෝ සෙයින් වෙනස්කම් වලට ලක්වේ. මේ සඳහා ජාන වල බලපෑමට අමතරව ආහාර රටාව, මත්පැන් දුම්වැටි ආදි අහිතකර සෞඛ්‍යය පුරුදු, ක්‍රියාශීලි නොමැතිබව ඇතුලු පුද්ගලයාගේ ජීවන රටාවේ බලපෑම් ද හේතුවේ. මේ වයසේදි සිදුවන වෙනස්කම් කිහිපයක් මෙසේය.
- මොලයේ සෛල සහ සිරුරේ වෙනත් සෛල ස්ථීරව හානිවීයයි.
- ගෑස්ට්‍රික් රෝග පීඩා ඇතිවීමේ අවදානම වැඩිවේ.
- මතකය සම්බන්ධ ගැටලු ඇතිවේ.
- උපදෙස්: මෙම වයසේදි ඇතිවන වෙනස්කම් බොහෝමයක් මොලයේ ක්‍රියාකාරීත්වය සම්බන්ධ ඒවාවේ. එබැවින් මේ ගැන අවධානය යොමුකිරීම වැදගත්ය. නව කුසලතා සහ හැකියා වර්ධනය කරගන්න උත්සහ කරන්න, නව අත්දැකීම් ලබන්න, පොත්පත් කියවන්න, විනෝදාංශ ක්‍රියාකාරකම් වල නිරතවන්න. මේ වයසේදි බොහෝ පුද්ගලයින්ට ඒකාග්‍රතාව සහ මතකය සම්බන්ධ ගැටලු ඇතිවේ. එබැවින් මොලයේ ක්‍රියාකාරීත්වය වැඩිදියුණු කරවන ආහාර පාන පරිභෝජනය කිරීමට සැලකිලිමත්වන්න.
5.අවුරුදු 60 සිට 70 දක්වා
සිරුරේ කායිකව සිදුවන වෙනස්කම් වඩාත් ප්‍රකට වන වයස් සීමාවයි. අභ්‍යන්තරිකව සිදුවන වෙනස්කම් කිහිපයක් ද වේ.
- ස්නායු හා රස ග්‍රාහකයන් හොඳින් ක්‍රියානොකරයි.
- රසය, සුවඳ සහ උෂ්ණත්වයන් දැනීම පවා අපහසු වේ.
- හඬ වෙනස්වේ.
- හෘද ක්‍රියාකාරීත්වය අඩුවේ.
- අස්ථි සිහින් වී සිරුර හැකිළෙයි.
- උපදෙස්: හෘද ක්‍රියාකාරීත්වය නිසි පරිදි පරික්ෂා කරගැනීම වැදගත්ය. සමබල පෝෂණයක් සිරුරට ලැබෙන ආහාර පාන ලබාගන්න. කලින් කලට සෞඛ්‍යය පරික්ෂණ සිදුකරවාගන්න. ඔබේ සෞඛ්‍යය තත්වය ගැන හොඳ අවබෝධයක් ලබාගෙන සිටීම ඔබට වාසිදායක වේ. ව්‍යායාම අභ්‍යාස වල නිරතවෙමින් පේශී තානය ආරක්ෂා කරගැනීමට ඔබට හැකියි.
6.අවුරුදු 70 සිට ඉහළ වයස් සීමාවන්
- වයස අවුරුදු 70 ට ඉහළ පුද්ගලයින් ජේෂ්ඨ වැඩිහිටි පුද්ගලයින් වේ. සිරුරේ වියපත්වීමේ වේගය වැඩි වන කාලසීමාවකි.
- මාංශ පේශී ස්කන්ධය අඩුවේ.(ඉක්මනින් තෙහෙට්‍ටුවට පත්වෙන නිසා පෙර කල දේවල් ක්‍රියාශීලීව සිදුකල නොහැකි වේ).
- සිරුරේ පවතින මේදයේ ධාරිතාවය අඩුවීමක් ඇතිවීම.
- ශ්වසනය, ජීර්ණය ඇතුලු සිරුරේ සමස්ත ක්‍රියාකාරීත්වයන් සිදුවීම මන්දගාමි වීම
- කෙටිකාලීන මතකය නරක අතට හැරීම (වසර ගණනකට පෙර සිදුවූ දෙවල් පවා මතක තිබුණත් මිනිත්තු කිහිපයකට හෝ පැය කිහිපයකට පමණ සිදුවූ දේවල් මතකයේ නොමැතිවිම වැනි තත්වයන්ට මේ වයසේදි ඇතැම් පුද්ගලයින් මුහුණ දේ. )
- උපදෙස්: වෛද්‍ය උපදෙස් ලබාගැනීමට යොමු වී අවශ්‍ය ප්‍රතිකාර ලබාගන්න. සිරුරේ නීරෝගිකම රැකගැනීමට ඔබ දිගින් දිගටම අනුගමනය කල යහපත් සෞඛ්‍යය පුරුදු වලට මුල්තැන දෙමින් ඒවා එසේම අනුගමනය කිරීමට උත්සහ කරන්න.
උපුටා ගැනීම: Hela Rahas