දවස් ගානකින් පොත ලියන්න ගත්තේ අදය.
අපේ ලොකු අක්කා පහුගිය ටිකේම මට ගනන් පාඩම් කියලදෙන්නට විය.
ඇගේ ගනන්කාරකම් බලන්නට සිදුවීම නම් මගේ කරුමයකි.
හිතුනොතින් මම මේ ගේ අතහැර ගොස් උපාලි ජින්නා වගේ දූපතක වගාවක් දාගෙන ජීවත් වෙමි.
මම ලොකු සල්ලිකාරයෙක් වී පැමිණ තාත්තයි අම්මයි බලාගනිමි. ලොකු අක්කා නම් සතපහකටවත් ගනන් ගන්නේ නැත.
පහුගිය දවසක අපේ අම්මාගේ තාත්තාගේ වෙඩිං ඇනිවසරි එක තිබුනේය.
පොඩි අක්කානම් කීවේ තාත්තා සර්පයිස් කරමු කියාය. ඈ ලස්සනට කේක් එකකුත් හැදුවාය.
ලොකු අක්කා අයියාගේ සහය ඇතිව ඒක සැරසුවාය. මම ගෙදර හැම තැනම බැලුම් බෝල එල්ලුවෙමි. පොඩි අක්කානම් කීවේ අහල හල කීපදෙනෙකුටවත් කියමු කියාය.
ලොකු අක්කා නම් කීවේ එසේ ඕනා නැති බවයි.
අපේ අයියා අම්මා තාත්තා වෙනුවෙන් කවි කොලයක් ලියා තිබුනේය.
මටද සෙකන්ඩ් වෙන්නට බැරිය.
මම අම්මලාගේ වෙඩින් පොටෝ එකක් කපා සුබපැතුම් කාඩ් පතේ ඇලව්වෙමි.
වෙඩින් පොටෝ එක කපාතිබෙන දුටු ලොකු අක්කා
” තෝ නම් මෝඩ මූසල මීහරකෙක් ” කියා කීවාය
“රංපැටියා ආදරේටනේ ඒක කරල තියෙන්නේ” අම්මා මාව බේරගත්තාය.
පොඩි අක්කාගේ යාලුවෙක් ටවුන් එකේ ස්ටුඩියක් කරන නිසා එතනින් අලුත් පොටෝ එකක් සාද එන බව කියු පසු හැමෝම සංසුන් උනාය.
අපි ඉතිං තාත්තා එනතුරු නොයිවසිල්ලෙන් බලාසිටියෙමු. රෑ 8 පමණ වන තුරුත් අපි ලයිට් දල්වා බලාසිටියෙමු .
තාත්තා ආවේ නැත මට නින්ද යන්නට ඔන්න මෙන්න තිබියදී තාත්තා එන බව අයියා මට පැවසුවේය.
අයියා “රංපැටියා සාලේ ලයිට් නිමාපං ” කියා කීවේය.
නිදිමත විකාරෙන් ලයිට් ඕෆ් කර සැටිය පිටිපස්සේ සැගවුනෙමි.
ස්වල්ප වෙලාවකින් දඩාස් ගාමින් මල් පෝච්චියක් පෙරලාගෙන එකෙකු වතුරට වැටෙන සද්දයක් සමග
“කවුද පко$&*% ලයිට් ඕෆ් කරපු වේшы&$/;බල්ලා” යැයි හඩ නැගුනි.
“තෝ මී හරකා, යකෝ තෝ එලියේ ලයිට් එකත් ඕෆ් කලාද?”
අසමින් අයියා දොර ඇරගෙන මිදුලට පැන්නේය.
වෙච්චි දේ මට තිරව්වක් නැත. මම හිතන්නේ මම සාලේ ලයිට් සමග එලියේ සියලුම ලයිට් ද නිමා ඇත.
තාත්තා කලුවරේ ගොස් මල්පෝච්චිය පෙරලාගෙන මා සාදා තිබූ පොකුණට වැටිලාය.
පොර පව් ය. නාහේ ලගත් කැඩිලාය. ඇග පුරාම මඩය.
ලොකු අක්කා හා අයියා තාත්තා වත්තම් කරගෙන ආවාය. ඔයින් ගියා මදෑ.
ලිදට වැටුනා නම් එදා කේක් කන්නට වෙනනේ නැත.
මම කාරනය වෙනුවෙන් පොදුවේ සමාව ගත්තෙමි.
අම්මානම් කීවේ මගේ වරදක් නැති බවත් තාත්තා වරදක් කර ඇති බවත් ය.
අවුරුදු 35 ක් ගෙදරට එන මිනිහාට කලුවෙරේ උනත් දොර සොයාගත හැකි විය යුතු බව ඇය තරයේම කියා සිටියාය.
අන්න එතනදී තාත්තා කීවේ එකපාරට සියල්ල අදුරු උනු නිසා වැඩේ දෙල් උනු බවයි.
අපි කෙසේ හෝ කේක් කෑවෙමු. තාත්තා සීල් අරක්කු කාලක් ගෙනත් තිබුනේය. පොරට අද ප්‍රසිදියේ බොන්නට චාන්ස් එක ඇත.
හැමෝගේම අනුකම්පාව තාත්තාට නිසාය.
තාත්තා අරක්කු බී අපි හතරදෙනාම පෙලට වාඩිකරගෙන උපදෙස් රාශියක් දුන්නෙය.
සාර්ථක පවුල් ජීවිතයක් ගෙනයන ආකාරය පිලිබදවය.
මම නම් හෙමිහිට අම්මාලගට ගොස් නිදාගත්තෙමි.
රාත්‍රී අග බාගය වන විට සමාජ අසාදාරන, කාන්තා අයිතිය, සංස්කෘතිය හා දේශපාලන පිලිබද වැදගත් දේශන අක්කලා දෙදෙනාට හා අයියාට අසා සිටින්නට වෙනවාමය.
උපුටා ගැනීම: Ariyarathna Rohan