අධික සිසිල් ගුණය නිසාම රත් පිත් නසයි.බඩ දැවිල්ල පිත් වමන සර්වාංග දාහය නැති කරයි.සම පැහැපත් කරයි.ලප කැළැල් නැතිකර සමේ වියළි බවින් නැතිකරයි.ඇස්වල දීප්තිය ඇතිකරයි.මළබද්ධය වළක්වාලයිවිටමින් බහුල පලතුරක් නිසා හිසකෙස් වැටීම වළක්වාලයි.හිසකෙස් වර්ධනය ඇතිකරයි. දීප්තිය ඇතිකරයි.විටමින් බහුල නිසාම රක්ත අල්පතාවය අඩු කරයි.ගර්භණී මව්වරුන්ට උදා වමනය නැතිකිරීමට මෙම පානය සමත්ය.කාන්තාවන්ගේ ඇඟ උණුකරවා යෑම, මුත්‍රා රෝග (මුත්‍රා දාහ) ආදියට ඉතා හොඳය.රක්තවාත ඇති අයට ශෝහය (ඉදිමුම) මෙන්ම දාහය ද නසාලීමට මෙම පානය සමත්ය.විටමින් ‘සී’ බහුල පලතුරක් බැවින් දත් රෝගවලට වඩාත් හිතයි.පණු රෝග නසාලයිඅගුණ වන අවස්ථා……..
බොහෝ විට අගුණ වන අවස්ථා දුර්ලභය. කුඩා දරුවන්ට පවා හිතකර පලතුරක්ය. නමුත් සමහර විට සෙම් බහුල අයට අගුණ විය හැකිය…මුලින්ම වෙරළු ටික සෝදා පිරිසිදු කර එහි ඇති වෙරළු ඇට ඉවත් කර බ්ලෙන්ඩරයට දමා වතුර හා සීනි අවශ්‍ය පමණට දමා බ්ලෙන්ඩර් කර බීම සාදන භාජනයකට දමා එයට ලුණු හා සීනි අවශ්‍ය ප්‍රමාණයට දමා පානය කළ හැකිය.පොල් කිරි ද අවශ්‍ය නම් මෙයට මිශ්‍ර කළගත හැකිය. අවශ්‍ය නම් ශීතකරණයේ තබා ද පානය කළ හැකිය. වැඩි රසයක් ලබාගැනීමට මෙන්ම ගුණයෙන් ද යුක්ත වීමට දෙහි යුෂ තේ හැඳි 01 ක් එක්කර ගන්න.
උපුටා ගැනීම: නොදුටු ලෝකයේ විශ්මිත රහස්