අඹ යනු රසවත් ගුණවත් පළතුරකි. ශ්‍රී ලංකාවේ පමණක් නොව ඉන්දියාව, බංග්ලාදේශය, මියන්මාරය ,තායිලන්තය ,පිලිපීනය ,බුරුමය වැනි බොහෝ රටවල ද අඹ ශාකය බහුලව දක්නට ලැබේ. අඹ ආහාරයට ගැනීමෙන් බොහෝ ප්‍රතිලාභ ශරීරයට එකතු කරගත හැකි බව අප සියලු දෙනා දැන සිටියද අඹ කොළ වල ඖෂධීය ගුණය පිළිබඳව දන්නේ සුළු පිරිසක් පමණි. අඹ ගෙඩි මෙන්ම අඹ කොළ ද බොහෝ රෝග සමනය කිරීමට අද වන විට බහුලව භාවිතා කරයි.ශ්‍රී ලංකාවේ ද නොයෙක් වර්ගයේ අඹ වර්ග බොහෝ ප්‍රමාණයක් ඇති අතර ඒ සියල්ල රෝග සඳහා භාවිතා කළ හැකිය.අද වන විට අඹ කොළ පානය රෝග තත්වයන් සමනය කිරීම සඳහා වැඩි වශයෙන් භාවිතා කරයි. අමු කොළ හෝ වියළාගත් කොළ මේ සඳහා අවශ්‍යවේ.
වර්තමානයේ කරන ලද පරීක්ෂාවට අනුව අඹ කොළ පානය දියවැඩියාව සඳහා ගුණදායක වන බව සොයා ගෙන තිබේ. එනම් දියවැඩියාව සඳහා වෙන්වූ පානයන් අතරට අඹ කොළ පානය ද අද වනවිට ඇතුළත් කර තිබේ. එනමුදු ඈත අතීතයේ පටන්ම චීන ජාතිකයන් දියවැඩියා රෝග සඳහා අඹ කොළ පානය භාවිතා කර තිබේ. එපමණක් නොව අඹ කොළ පානය කිරීම මගින් දියවැඩියාව නිසා ඇතිවන නොයෙක් ශරීර සංකූලතා ද සමනය කරගත හැකි බව අද වන විට තහවුරු වී තිබේ.
අඹ කොළ වල අඩංගු ඖෂධීය ගුණ-මැංගෆේරින්,කැෆේලික් අම්ලය, ගැලික් අම්ලය, ෆ්ලේවනොයිඩ්ස්, ඇන්ටිඔක්සිජන් ,තන්තු, විටමින් සී, විටමින් ඒ, පෙක්ටීන්,
- ශරීරයේ විෂ ඉවත් කිරීමට-අඹ පත්‍ර වල අඩංගු ඇන්ටි ඔක්සිජන් මගින් ශරීරගත විෂ ඉවත් කිරීම සිදුවේ.
- ඇස් නිරෝගී කරයි-අඹ පත්‍ර වල අඩංගු විටමින් ඒ මගින් ඇස් පෙනිම වර්ධනය කර ඇස් හා සම්බන්ධ සියලු ගැටලු සමනය කරයි.
- රුධිරයේ කොලෙස්ටරෝල් මට්ටම පාලනය කරයි.අඹ පත්‍ර වල අඩංගු විටමින් සී හා පෙක්ටීන් මගින් රුධිර කොලෙස්ටරෝල් මට්ටම පාලනය කරගත හැකිය.
- දියවැඩියා රෝගීන්ට ගුණදායකය.අඹ කොළ වල අඩංගු ඉන්සියුලින් මගින් රුධිරයේ සීනි මට්ටම අවම කරයි. එමනිසා දියවැඩියා රෝගීන්ට අඹකොළ යනු ගුණදායි පානයකි.
- වකුගඩු රෝග සඳහා වකුගඩු රෝග එනම් වකුගඩු වල ගල් ඉවත් කිරීම, වකුගඩු නිරෝගී කිරීම මෙමගින් සිදුවේ. එමෙන්ම අඹ කොළ පානය කිරීම මගින් පිත්තාශය ගල් ඉවත් කිරීම ද සිදුවේ.
- ශ්වසන පද්ධතියේ රෝග සඳහා එනම් කැස්ස, උගුර වනවීම ,ඇදුම බ්‍රොන්කයිටිස් වැනි ශ්වසන පද්ධතිය ආශ්‍රිත රෝග සඳහා ද අඹ කොළ පානය ගුණදායීවේ.
- අධි රුධිර පීඩනයට – අධි රුධිර පීඩනයට අඹ කොළ පානය කිරීම ගුණදායකය. අඹ කොළ වල අඩංගු හයිපොටෙන්සි රුධිර නාල සවිමත් කර රුධිර සංසරණය ක්‍රමවත් කරයි. එමගින් අධිරුධිර පීඩනය පාලනයවේ. එමෙන්ම නහර ගැට ගැසුණු පුද්ගලයින්ටද අඹ කොළ පානය ගුණදායීවේ.
- කනේ ඇතිවන වේදනාවන් සඳහා –අඹ පත්‍ර තම්බාගත් ජලය සිසිල් කර බින්දු දෙකක් පමණ කනට දමා කන ඇල කර මදක් වේලාවක් සිටීම මගින් කන් කැක්කුම සුව කරගත හැකිය.
- මානසික ආතතියට අඹ අඹ කොළ පානය භාවිතා කළ හැකිය.
- පිලිස්සුම් තුවාල වලට -සුළු වශයෙන් ඇති වු පිළිස්සුම් තුවාල වලට අඹ පත්‍රයක් පුළුස්සා එම අළු මගින් තුවාලය ඇති වු ස්ථානය සම්භාහනය කරන්න. එමගින් පිළිස්සුම් සුව කරගත හැකිය. මීට අමතරව අඹ පත්‍ර තම්බා එම ජලය සිසිල් කර පිළිස්සුනු ස්ථාන සේදීමෙන් එම තුවාල සමනය කර ගත හැකිය.
- විදුරුමස් ආසාදන සමනයට-එනම් විදුරුමස් ඉදිමීම හෝ ලේ ගැලීම වැනි අවස්ථාවක අඹ පත්‍ර තම්බා සිසිල් කර මුඛය සේදීම මගින් එම වේදනාව සුව කර ගත හැකිය.එනම් අඹ පත්‍ර වල අඩංගු වේදනා නාශක ගුණයන් මේ සඳහා බෙහෙවින් ඉවහල්වේ.
- අතීසාරය සඳහා -වියළාගත් අඹ පත්‍ර කුඩු කර වතුර වීදුරු තුනකට දමා පානය කිරීම. මගින් අතීසාරය සුවකරගත හැකිය.
අඹ කොළ පානය සකස් කර ගත හැකි ආකාරය
අඹ කොළ දහයක් දොළහක් පමණ හොඳින් සෝදා වතුර කෝප්පයක් පමණ දමා තම්බාගන්න පසුව වෙනත් භාජනයකට දමා රැයක් එළිවෙන තුරු වසා තබන්න. පසුව උදෑසන හිස් බඩට පානය කරන්න. මෙය මාස තුනක් පමණ නොකඩවා පානය කරන්න.
මීට අමතරවඅඹ කොළ වියළා කුඩුකර තබාගෙන උණු වතුරට දමා තම්බා ගෙන පානය කරන්න. මෙය අතුරු ආබාධ ඇති නොකරන අතර මාස තුනක් පමණ භාවිතා කිරීමෙන් හොඳ ප්‍රතිඵල ලබාගත හැකිය.
සැළකිලිමත් විය යුතු කරුණු -මෙම තොරතුරු ඔබව දැනුවත් කිරීම සඳහා පමණක් බව කාරුණිකව සලකන්න .ඔබ යම්කිසි රෝගයකින් පිඩාවට පත් පුද්ගලයෙක් හෝ යම් රෝගයකට ප්‍රතිකාර ලබාගන්නවා නම් මෙම ප්‍රතිකාර සිදුකිරීමෙන් වළකින්න .වෛද්‍ය උපදෙස් ඇතිව මෙම ප්‍රතිකාර භාවිතා කිරීමට කරුණික වන්න.
උපුටා ගැනීම: The Lanka Post