ඔහු විද්‍යුත් තැපැල් මෘදුකාංගයේ නිර්මාතෘවරයා.ඉන්දියාවේ උපත ලද ඔහු දමිළ අමෙරිකානු විද්‍යාඥවරයෙක්. ඉංජිනේරුවරයෙක්. ව්‍යවසායකයෙක්.ඔහු නමින් වෙල්ලයප්පා ශිවා අයියදුරෙයි.
වර්ෂ 1963 දෙසැම්බර් මස දෙවන දින ශිවා අයියදුරෙයි ඉන්දියාවේ තමිල්නාඩු ප්‍රාන්තයේ තිරුනෙල්වේලි ග්‍රාමයේ දී උපත ලැබුවා.සිය කුඩා කාලය ගත කළේ තමිල්නාඩුවේ වුවත් වයස අවුරුදු 07ක් පමණ වන විට පවුලේ පිරිස සමග ඔහු ඇමරිකා එක්සත් ජනපදයට සංක්‍රමණය වුණා.වර්ෂ 1978 දී නිව්යෝක් සරසවිය මගින් මෙහෙයවනු ලබන පරිගණක පාඨමාලාවක් සදහා සහභාගී වන විට ඔහු වයස අවුරුදු 14ක් වන ද්වීතීයික අධ්‍යාපනය හදාරන සිසුවෙක්.ලිවින්ග්ස්ටන් උසස් පාසලේ සිසුවකුව සිටියදී නිව්ජර්සිහි වෛද්‍ය සහ දන්ත වෛද්‍ය සරසවියේ කටයුතු පහසු කරවීම සදහා ක්‍රමයක් හදුන්වාදීමට ඔහු සමත් වුණා.අයියදුරෙයිගේ මව ඒ සරසවියේ සේවය කිරීම නිසා ඔහුට මෙම අවස්ථාව උදාවුණා.වර්ෂ 1982 දී මෙම මෘදුකාංගය EMAIL විද්‍යුත් තැපැල් ක්‍රමය ලෙස ලොවට හදුන්වා දීට ඔහුට හැකි වුණා.
විද්‍යුත් ඉංජිනේරු විද්‍යාව සහ පරිගණක විද්‍යාව සදහාත්, විද්‍යාත්මක දෘශ්‍ය විද්‍යාව යන උපාධිවලට හිමිකම් කියන ඔහු ජෛවීය ඉංජිනේරු විද්‍යාව වෙනුවෙන් පශ්චාද් උපාධියකට හිමිකම් කියනවා.ඊට අමතරව සිද්ධ ආයුර්වේද විද්‍යාවද ඔහු හදාරා තිබීම විශේෂතවයක්.්වර්ෂ 1994 දී අයියදුරෙයි විසින් Millennium Cybernetics නම් ආයතනයක් පිහිටුවමින් විද්‍යුත් තැපැල් මෘදුකාංග කළමණාකරණය කරන ලදි.
වර්ෂ 2009 දී ඉන්දියාවේ විශාලතම විද්‍යා පර්යේෂණ ආයතනය වන CSIR ආයතනය කුලියට ගත් ඔහු විවිධ පර්යේෂණ කටයුතු අත්හදා බැලීමට කටයුතු කළා.2017 වර්ෂයේ දී පළමුවරට දේශපාලනයට අවතීර්ණ වන අයියදුරෙයි පළමුව අමෙරිකාවේ රිපබ්ලිකන් පක්ෂයෙන් ද පසුව නිදහස් දේශපාලනඥයෙකු ලෙස ද කටයුතු කරනු ලබනවා.ඉන්දියාවේ උපත ලද ඔහු ලොව ප්‍රකට වූයේ දමිළ ඇමරිකානු විද්‍යඥයෙකු ලෙසිනි.ඊට අමතරව ඉංජිනේරුවරයෙකු ලෙසත් ලොව ප්‍රකට වූ ශිවා අයියදුරෙයි මහතා තාක්ෂණික ලොකයට සිදුකර ඇති සේවය අපමණය.
මේ වගේ තවත් වටිනා තොරතුරු දැන ගන්න එක් වන්න අප සමග…
උපුටා ගැනීම: දැනුම් පාරාදීසය