මේ ගිය සතියෙ වෙච්ච වැඩක්. මට ගමන් පහසුවයි පොඩි පොඩි කඩේ යන වැඩවලටයි ස්කූටර් වර්ගයේ බයික් එකක් ඕන කරල තිබුනා. රිය සෙවනෙ ඇඩ් බලල ඒ එක්කෙනෙක්ට කතා කරා. කතා බහ බොහොම ප්‍රියමනාපයි.
“ඇයි ඉතින් විකුනන්නනෙ.?”
“මේක පුතාට ගත්තෙ. දන්නැද්ද උන්ගෙ ආසාවල්. දැන් ලොකු බයික් එකක් ඕන වෙලා. ක්ලාස් යන්න ගත්තෙ. ඒ නිසා මේක දීල ලොකු එකක් අරන් දෙනව.”
“තෙල් එහෙම කොහොමද.?”
“ඒකනම් බලල නෑ. ඔය සීයක් දෙසීයක් ගැහුවම ඒක ඉවරවෙනකන් දුවනව.”
ගෙදරක එකක්නෙ. ඔන්න ගන්නව. මන් එහෙම හිතල දවස් දෙකකින් එහෙ යන්න ලෑස්තිවෙලා අප්පච්චිට ආය කිව්ව කතා කරල බලන්න.
“අනේ ඒක දුන්නනෙ ඊයෙ. වෙන එකක්නම් තියනව. ඒකත් හොඳයි.”
පොර වෙන ස්කූටර් වර්ගයක් ගැන කියවනව.
“ඔයා බයින් ඇන්ඩ් සෙලින්ග් කරනවද.”
අප්පච්චි ඇහුව.
“ඔව් ඔව්. මන් ගාව බයික් ගොඩක් තියනව එන්න.”
ඒ ගැන බලාපොරොත්තු අතෑරල වෙන කෙනෙක්ට කෝල් එකක් ගත්ත ආයම.
කලින් එකේ උන සංගදෝරුව නිසා කෙලින්ම ඇහුව මෑන්ගෙන් ඔයා අරන් විකුනනවද නැත්තන් ඔයාගෙමද බයික් එක කියල.
පොර කිව්වෙ පොර සර් කෙනෙක් ය. ඉස්කෝලේ යන්න විතරක් බයික් එකක් පාවිච්චි කරනවය කියල. පෙට්‍රල් කරනවද ඇහුවම ලැබුනෙ කලින් උත්තරයමයි. සීයක දෙසීයක ගැහුව මිසක් චෙක් කරල නෑ.
සර් කෙනෙක් කිව් නිසා මන් ඉස්කෝලෙ ඇහුව. ඒ ඉස්කෝලෙ මගෙ යාලුවෙක් වැඩ කරා. උගෙන් ඇහුවම කිව්වෙ අහ් අර වාහන බිස්නස් කරන කෙනාද කියල. පොර එහෙම ඇහුවෙ මන් බයික් එකක් හොයන කතාව නොදැන
එතකොට බයික් එක මෑන්ගෙ නෙමේ.
මේ බිස්නස් කරන එකෙක්වත් කිව්වෙ නෑ අරන් විකුනන කතාව. තමන්ගෙ එක වගේ තමයි කතා කරන්නෙ. පෙට්‍රල් වැඩ කරන තරම දන්නැති නිසයි අර එකම කතාව දෙන්නෙම කිව්වෙ. ඉතින් මෙහෙම එකෙක්ගෙන් කොහොමද විස්වාස කරල වාහනයක් ගන්නෙ.
අන්තිමට මම ස්කූටියක් ගත්ත. හැබැයි පොරත් අරන් විකුනන කෙනෙක්. මෑන් ගන්නකොටම කිව්ව මන් අරගෙන විකුනන්නෙ. ඇවිල්ල බලන්න. සවුත්තු වාහන මන් ගන්නෑ. හොඳට බලල ගන්නෙ. ඔයා බය නැතිව එන්න කියල.
කිව්වත් වගේ පොර ගාව තිබ්බ සේරම ඒව හොඳම කන්ඩිශන් එකේ. ඒ නිසා එකක් අරන් ආව.
අන්තිමට කියන්න තියෙන්නෙ සකන්ඩ් හෑන්ඩ් වාහනයක් ගන්නවනම් විකුණන එකාට ඇන්දෙන්නැතිවෙන්න පරිස්සම් වෙන්න. ඒ වගේම ඕපන් පේපර්ස් තියන ඒව ගන්නවනම් බොරු සීයක් අහන්නයි ඒවට නොරැවටී ඉන්නයි ලෑස්තිවෙලා යන්න.
උපුටා ගැනීම: සයුරු ආමන්ත