Youtube (වැල් වටාරම්)

ඔව් ..ඔව් කව්ද මේ කතා කරන්නෙ ?

මම මේ කතා කරන්නෙ දේව සභාවෙන්.

මො මොකක්, මොන සභාවෙන්ද ?

දේව සභාවෙන්, දෙවිකෙනෙක් කතා කරන්නෙ ?.

මොකක් මගේ channel එක දැන් දිව්‍ය ලෝකෙ කට්ටියත් බලනවද?

ඔව්, ඔව් අපි ඔය සේරම channel බලනවා මෙහෙ තියෙන.

එහෙ T.V. ත් තියෙනවා ද?

නෑ නෑ. අපිට තියෙන්නේ CCTV නෙ මෙහෙ වෙන වැඩ ඔක්කොම බලාගෙන ඉන්නෙ .

මම මේ කතා කරේ අපේ duty එකත් බාර අරගෙන, මේ channel කරන මල්ලිලා නංගිලාට ස්තුති කරලා යන්න .

මොකද්ද ඔබ වහන්සේලාගේ duty එක.

මේකනෙ මල්ලි, අපිට තියෙන්නේ මනු සත්තු පවෙන් බේර ගෙන හොඳ මගකට පාර පෙන්වන එක.

ඔය මනු සත්තු වැඩියෙන් පව් වැඩ කරන කොට අපිට ඉහලින් orders එනවා මනුස්ස ලෝකෙට ගිහින් ගං වතුර, සුළි සුළං, භූමි කම්පා, සූනාමි, ලෙඩ රෝග වගේ දේවල් පතුරවන්න කියලා .

ඕවා ඉතින ඒ්වා ස්වභාවික විපත් නෙ .

මල්ලිල හිතන් ඉන්නෙ එහෙම තමයි. හැබැයි අන්තිමට මැරෙන්නෙ අපෙනුත් උදව් ඉල්ලගෙන තමයි.

අපි මිනිස්සුට මරණ බය ගැන දැනෙන්න අරිනවා.

ඉතින් මරණ බය ඇති උනාම මොකද වෙන්න ?

මරණ බය ඇති වෙලා මිනිස්සු ජීවිතේ, අනිත්‍ය බව තේරුම් ගන්නවා, පව් වැඩ කරන එක අඩු කරලා නිතර අපිව සිහි කරන්න ගන්නවා. අන්න ඒ වැඩේට මල්ලිල අපිට උදව් කරනවා.

ඉතින් අපි කොහොමද උදව් කරන්නෙ ?

ඇයි මල්ලි, ඔයාලගෙ channel වල හාමුදුරුවරු, යෝගීතුමන්ලා, සාස්තරකාරයො, පේනකාරයො ගෙන්නලා, විශ්ව ශක්තියෙන්, අර ශක්තියෙන් මේ ශක්තියෙන් කිව්වා කියලා කියන “අනාවැකි”. ඕවා දැකලා මිනිස්සුන්ගෙ පපුව ඇවිලිලා තියෙන්නේ නිතරම අපිව සිහි කරනවා.

රටට මහා විපතක්

ඉදිරි මාස 04 දි රටට මොකද වෙන්න

සුනාමියක් අත ලග

කෝටි 700 ක් මරුට

අර උඩට නැගන් එන රැල්ලෙ පින්තූරත් එක්ක දැම්මාම තව නියමයි. ඔය මූදු කරේ ඉන්න මිනිස්සු ඒ news දැක්කාම වටිනා කියන බඩු මුට්ටු එකතු කර ගන්නවා , බෝධි පූජා තියනවා, දෙවියන් සිහි කරනවා. අපිට වැදලා මේ විපත නවත්තලා දෙන්න කියලා ඉල්ලනවා.

ඉතින් ඔබ වහන්සේලා ඔය මිනිස්සු කියන දුක් ගැනවිලි අහනවද?

ඔව්, අපිත් ඉතින් යහපත් මිනිස්සුන්ගෙ කන්නලව් අහලා එවන්න හිටිය සුනාමිය නවත්තලා මූද ටිකක් කළඹලා නිකන් ඉන්නවා .

ඒත් ඊට පස්සේ කාලා එන්න බැරි මේ රටේ මිනිස්සුන්ගෙ comments ?.

ඔබවහන්සේලා comments නුත් කියවනවද?

නැතුව

කෝ අර එනවා කිව්ව සුනාමිය ? බොරු කතා

මුන්ද අපිට අනාවැකි කියන්⁣නෙ

225 ම ගහගෙන යන්න ඕන

මේ වගේ වෙලාවට තමයි හිතෙන්නේ ආයි දුවන්න වත් time නැති වෙන්න එකක් එවන්න .

අනේ දෙයියනේ, එහෙම නම් කරන්න එපා. ඔබවහන්සේලා එහෙම එකක් එවනවා නම් මුලින් අපේ channel එකට කියන්න . අපි දෙන්නම් නියම පබ්ලිසිටියක් .

වැඩක් නෑ මේ රටට කලින් පණිවිඩ දීලා. කලින් වතාවෙත් සුනාමිය එද්දි රටවල් කීයකින් කතා කරලා කිව්වා ද? කෝ .. පණිවුඩය ගන්න එකෙක් වත් ඉදලා නෑ. අර මොකද්ද දෙපාර්තමේන්තුවකුත් තියෙනවා නේද?.

ඒ විතරක් යැයි අර කෝච්චියක් ගියෙ. ඒකත් බේර ගන්න තිබුණා හරියට පණිවුඩය ගත්තා නම්.

තව මොනවද අනූ දෙපාරක් කතා කරල කියලත් බෝම්බ කෑවේ. වැඩක් නෑ කතා කරලා. මම යනවා එහෙනම් .

දෙවියන්වහන්ස යන්න කලින් කියලා යන්න ඔබවහන්සේ අහන්න කැමති මොකක් හරි සිංදුවක් එහෙම තියෙනවා නම්

සිංදුවක් ?

නෑ නෑ මේ ගථාවක් , බණක් වගේ දෙයක් තියෙනවා නම් මට අපේ channel එකේ අහන්න දාන්න පුළුවන් .

ධම්මචක්කපවත්තන සූත්‍රය / මහාසමය

ඔය දෙක තමයි අපි අහන්න කැමතිම. ඔය සූත්‍ර කියන අය ගැන අපි විශේෂයෙන්ම සලකලා බලනවා කියලා කියන්න .

ඔබ වහන්සේගෙ නම ?

මුහුදට අධිපති⁣ දෙවි, …. වරුණ

උපුටා ගැනීම:  සෙව්වන්දි ද සිල්වා