දවස් දෙකක නිවාඩුවෙන් පස්සෙ මන් ඔෆිස් එකට ආවට පස්සෙ ස්වාති කෙලින්ම ආවේ මගෙ ඔෆිස් එකට. ගෙදර ඉන්න වෙලාවට ස්වාති මට එකම එක කෝල් එකක්වත් නොදුන්නෙ එදා වෙච්ච දේ හින්දා එයාටත් මාත් එක්ක කතා කරන්න හිතට හරි නැති හින්දා කියලා මට නොතෙරුනාම නෙමෙ. ඒත් මටයි එයාට මුන දෙන්න බැරි. මේ අබුඩාබියේ මගෙ දුක සැප දෙකටම ඉන්න මගේ එකම යාලුවා.
ස්වාති…
මට කතා කරන්න වචන නැ. ස්වාති ඔලුවට අත තියාගෙන මේසය උඩ තිබ්බ යකඩ බෝලය කරකැව්වේ වේගයෙන්.
ඔයා යුසෙන් එක්ක කතා කලාද…
නැ…
ඒ කෙල්ල කව්ද කියලා දන්නවාද…
නැ…
එතකොට ඒ දෙන්නාගෙම එහෙම සම්බන්ධක් තියෙනවා කියලා හිතනවාද…
දන්නෙ නැ…
මන් බිම බලාගෙන ස්වාතිගෙ ප්‍රශ්න වලට නැ කිව්වෙ මමත් උත්තර හොයන්නෙ ඒ ප්‍රශ්න වලට හින්දා. ඒත් ස්වාතිටත් මන් වෙනුවෙන් කරන්න දෙයක් නැ.
ස්වාති… ඒක ඇත්තද නැද්ද කියලා හරියටම දන්නෙ නැනේ… අපි හරියටම දැක්කෙ නැනේ…
අන්දයෙක් වගේ කතා කරන්න එපා සයුලි… මන් දන්නවා ඔයා යුසෙන්ට ආදරෙයි කියලා… ඒත් අමතක කරන්න එපා… මේ ඔයාගෙ රට නෙමේ… එයා අරාබි කොල්ලෙක්… අරාබි කොල්ලො අපි වගේ කෙල්ලො පාවිච්චි කරලා විසික් කරන ජාතිය… මෙච්චර කාලයක් යුසෙන් ඔයා එක්ක හිටියා තමයි… ඒත් අන්තිමට… මෝඩයෙක් වගේ හිතන්න එපා සයුලි…
ස්වාති වේගයෙන් කියාගෙන ගියේ සම්පූර්ණ ඇත්ත. මන් හිත රවට්ට ගන්න ඇත්ත. ඒත් මට යුසෙන්ව අවිශ්වාසය කරන්න හිත නැමෙන්නෙ නැ. මන් මොකද්ද කරන්නෙ දෙවියනේ.
ස්වාති…
මුකුත් කියන්න එපා සයුලි…
අනේ ස්වාති අහන්න… යුසෙන් කිව්වා අපි මැරි කරමු කියලා…
මන් කිව්වෙ යුසෙන් මට පොරොන්දු උන හින්දා. ඒත් ස්වාති කිසි දෙයක් පිලි ගන්නෙ නැ. දෙයක් ඇහුනත් ඇස් දෙකට දැක්ක දෙයක් අවිශ්වාස කරන්නෙ කොහොමද. මන් ආදරය හින්දා ඇත්තටම අන්ද වෙලාද.
ස්වාති ලොකු හුස්මක් අරන් ශීට් එකට හේත්තු උනා.
ඔයා යුසෙන්ව විශ්වාස කරනවාද…
හ්ම්ම්…
එදා එච්චර දෙයක් දැක්කාත්…
ඒක ඇත්තද බොරුද කියලා හරියටම දන්නෙ නැනේ ස්වාති…
හරි මන් හොයා ගන්නම්කො… යුසෙන් ඔයාව බැන්දාට පස්සෙ ඒ කෙල්ලත් බඳින්න නම් හිතාන් ඉන්නෙ… මන් එක පාරක් ඔයා කියන එක අහනවා සයුලි… ඒත් ඔයා මෝඩ කෙල්ලෙක් නෙමෙ… වැදගත් මොලේ තියෙන කෙල්ලෙක්… ඔලුවෙන් තිරනය කරන්න… අපි බලමුකො…
ස්වාති නොකියා බැරි කමට මගෙ හිත හැදුවා. ඒත් එයා කියන එක හරි. මේ දෙවල් හිතින් බොලඳ වෙලා බලන්න බැ. මේ සාගරයෙන් ඈත මැද පෙරදිග රටක. මන් කොච්චර අසරණද. මගේ කියලා ඉන්නේ යුසෙන් ස්වාති දෙන්නා විතරයි.
මාසේ මැද ගොඩාක්ම කාර්‍යබහුල දවස්. ඒත් මගෙ ඔලුවේ දේවල් දන්නෙ මන් විතරයි. හයි වේ රෝඩ් එකේ මන් කාර් එක ඩ්‍රයිව් කලේ යන්න ඕනැවට වගේ. ඔලුවේ දාහක් ප්‍රශ්න. යුසෙන් එක්ක මේ දේ කතා කරන්න මට බැ. ඒත් එක පාරක් එහෙම දැක්කා කියලා මට බැ මගේ යුසෙන්ව සැක කරන්න. ඒත් මන් මොකද්ද කරන්නෙ. මට මේ වෙලාවෙම යුසෙන්ව දකින්න ඕන. ඒත් යුසෙන් අද එන්න රැ වෙනවා. එතකොට මන් නිදි. මන් උදෙට යනකොට එයා නිදි. ඒත් මට එයාව දකින්න ඕන. මේ පුපුරු ගහන හිත නිදහස් කර ගන්න ඕන.
යුසෙන්…
මන් වේදනාවෙන් මුමුනාගෙන කාර් එක පික් අප් ලයින් එකෙන් නතර කලේ ඔලුව අන්තිම අව්ල් වෙද්දි. මන් ඉක්මනට යුසෙන්ට කොල් එකක් ගත්තේ මගෙ බොලඳ කමට.
යුසෙන්ගෙ ෆොන් එකට කිහිප සැරයක්ම රීන්ග්ස් ගියා. ගෙවෙන තත්පරයක් ගානේ මගේ ඇග ගැහෙනවා. පපුව කඩාගෙන යන වේදනාව ඉවසන්න බැ. ආදරය මේ තරම් වේදනාකාරිද.
” සයුලි… බේබි… ”
ෆොන් එකෙන් යුසෙන්ගෙ කටහඩ ඇහුනත් ඇති මට සැනසෙන්න. ඒත් කතා කරන්න මට පන නැ වගේ.
” සයුලි… බේබි… ඔයා ලයින් එකෙද… බේබි… සයුලි ඔයා හොදින්ද… ”
යුසෙන්ගෙ කටහඩ නොසන්සුන් උනේ මගේ හිර කරගෙන හිටපු ඇඩුම් වාන් දැම්මා වගේ වැලපුමක් වෙද්දි.
” සයුලි… මොකද මේ… ඔයා හොදින් නේද වස්තුවේ… බේබි… ඇයි මේ… ”
යුසෙන්…
” සයුලි… ඔයා අඩනවා නේද.. මොකද උනේ… ඔයා හොදින් නේද… කතා කරන්න… ”
අනේ යුසෙන්…
” සයුලි… මාව බය කරන්න එපා… මොකද උනේ කියනවා… ”
යුසෙන් ඒ ටික කිව්වෙ ගොඩක් බය වෙලා කේන්තියෙන්. එයා පුන්චි දේකට උනත් මන් වෙනුවෙන් කලබල වෙන එක මට වේදනායි. ඒත් මගේ හිතේ පොර කන මේ වේදනාව මේ හැගීම් මට දරාන් ඉන්න බැ.
” සයුලි… ”
යුසෙන්… ඔයා මට ආදරෙයි නේද…
මට ඒ වචන ටික කිව්වා නෙමෙ කියවුනා. ඒත් ශොක් එකක් වගේ යුසෙන් ටික වෙලාවක් නිහඬ උනේ දරා ගන්න බැරි විදිහට.
යුසෙන්…
” සයුලි… මගෙ පපුව පලලා පෙන්නන්න පුලුවන් නම්… ඔයාට මන් කොච්චර ආදරේද කියලා… ආදරේ කියන වචනයටත් වඩා මන් ඔයාට ආදරය කරනවා සයුලි… ”
යුසෙන්ගෙ වෙව්ලන වදන් මාව හෙල්ලුම් ගියා මොහොතකට. යුසෙන් මට ආදරෙයි කියන්න ඒ වචන සාක්ශි දරන්න ඕන නැ. මන් දන්නවා ඒ ගැන හොදටම. මට ඇඩුම් නවත්ත ගන්න බැ.
ඔයා මට ආදරේ නම්. ඒ කෙල්ල කව්ද යුසෙන්. මට බැ ඔයාව කාටවත් දෙන්න. ඔයා මගේ. මන් මැරෙයි යුසෙන්.
” සයුලි… ඔයා කවදාවත් මගෙන් අහලා නැ මෙහෙම… ඔයා හොදටම දන්නවා… මන් ඔයාට ආදරෙයි කියලා… ඔයාත් මට ආදරේ හින්දා අපි මෙච්චර කාලයක් හරි හිටියේ… ඒත්… මට බයක් දැනෙනවා සයුලි… මොකද්ද මේ… ඔයා ඇයි ඔහොම… ”
මට සමාවෙන්න යුසෙන්… එහෙම නැ… ඔයාට වඩා මමයි බයෙන් ඉන්නේ… මන් ඔයාට ආදරෙයි යුසෙන්… අපේ ආගම ජාතිය වෙනස් උනත්… මගෙ ආදරේට ඒ ආගම ජාතිය සාක්ශියි… ඒත්… මන් ආත්මාර්ථකාමියි… ඔයා මගෙ විතරයි යුසෙන්…
මන් කියාගෙන ගියේ වැලපුම් අස්සෙන්. යුසෙන්ට පුලුවන් නම් මන් වෙනුවෙන් මෙච්චර ආදරය දෙන්න එහෙනම් ඒ ආදරයේ නාමයෙන් කැපකිරිම් කරන්න් ඕන. මන් ආත්මාර්ථකාමියි යුසෙන්.
මට ඇහුනා යුසෙන් ලොකු හුස්මක් පිට කරනවා. මන් අත් දෙකෙන්ම කට තද කර ගත්තේ මගේ ඇඩුම් හයියෙන් ඇහෙයි කියලා බයට. යුසෙන්ගේ ආදරේ මට සැක කරන්න බැ. ඒත් මගේ කදුලු නවතින්නෙ නැ. මන් ඉක්මනට කොල් එක කට් කරලා ස්ටිරියල් එකෙ ඔලුව ගහගෙන ඇඩුවා. යුසෙන්ගෙ එක වචනයක් අහන්න මට බයයි. මට අහන්න බැ. මන් කොහොමද ඒ මුන බලන්නෙ.
මගෙ දකුනු පැත්තේ ශීට් එකට දාපු ෆොන් එකේ ස්වාතිගෙ නම වැටෙනවා මන් බොඳ උන ඇස් වලින් වගේ දැක්කා. ඒත් ඒ කොල් එක මන් ගත්තේ ඇයි කියලා මන්වත් දන්නෙ නැ. මන් ඉක්මනට ෆොන් එක කනේ තියා ගත්තේ කදුලු පිහදාගෙන ස්වාතිට වෙනසක් දැනෙන්නෙ නැති වෙන්න.
හෙලො… ස්වාති…
” සයු… ඔයා කොහෙද… ගෙදර ගියාද… ”
ස්වාතිගෙ කටහඩ කවදාවත් නතුව වෙව්ලනවා වගේ. මගේ හිතද මේ ප්‍රශ්න හින්දා.
නැ ස්වාති… මන් හම්දාන් මොල් එකට ආවා… අපේ මල්ලිගෙ වෙඩින් එකට… එයාට බඩු වගයක් ගන්න… ඇයි ස්වාති…
” අහනකො… ඔයාට දැන්ම… මන් කියන තැනට එන්න පුලුවන්ද… ඉක්මනට… ඔයා එන්නම ඕන… මන් ලොකේශන් එක එවන්නම්… ”
ස්වාති ටිකක් කලබලෙන් කියද්දි මට බය හිතුනා. ඒත් මට බැ කියන්න හේතුවක් නැ. ඒත් මට හිතා ගන්න බැරි බයක් දැනුනා. එකම සැකයක්.
ස්වාති… යුසෙන් නේද…
මන් ඇහුවා හිත කොච්චර විලාප දුන්නාත්. ස්වාති ටික වෙලාවක් කතා කලේ නැ.
” සොරි සයු… ඒත් මට බැ ඔයා විදවනවා බලන්න… ඔයා තිරනයක් ගන්න ඕන… ඔයාගෙ අනාගතය වෙනුවෙන්… මන් ඔයාට නොකියා… මන් රාහුල්ට කියලා මේ ගැන හෙව්වා… ඔයාට එන්න පුලුවන්ද සයු… ”
මට දෙන්න උත්තර නැ. හිත පිලි ගන්නෙත් නැ. ඒත් ඇත්තට මුහුන දෙන්න දෙන්න. මගෙ යුසෙන් ඇයි මෙහෙම කරන්නෙ. එයාගෙ වචන මගෙ හිතේ තාම දොන්කාර දෙනවා.
” සයුලි… මගෙ පපුව පලලා පෙන්නන්න පුලුවන් නම්… ඔයාට මන් කොච්චර ආදරේද කියලා… ආදරේ කියන වචනයටත් වඩා මන් ඔයාට ආදරය කරනවා සයුලි… ”
ඒ වචන ඔයා මට කිව්වෙ විනාඩි ගානකට කලින්. ඒත් ඔයා කොහොමද මට මෙහෙම කරන්නෙ යුසෙන්. මේ ආදරේ බොරුවක්ද. මට අඩන්න මේ තරම් කදුලු දෙන්නෙ ඇයි. ඔයාට පව් යුසෙන්.
ඒත් මන් ඔයාට ආදරෙයි. මන් මෝඩ නැ. ආදරය වෙනුවෙන් මන් ගොඩාක් විදවනවා. ඒත් මට බැ. ඔයා තේරුම් ගනිවි. මන් හිත පුදුම විදිහට හයිය කරගෙන් කාර් එක ආයෙත් සිග්නල් එකෙන් හරො ගෙන උපරිම වේගයෙන් ගියා.
අල් සරියා මොල් එකේ ලුලු මාකට් එකේ එන්ට්‍රන්ස් එක ගාවම රෙස්ටුරන් එකේ ස්වාති රහුල් එක්ක මන් එනකම් හිටියා. ස්වාති රාහුල්ට බර වෙලා ඉන්න විදිහෙන් කෙල්ලගෙ රතු උන මුනෙන් මට හිතුනා එයා අඩලා කියලා. ස්වාතිගෙ කදුලු මන් වෙනුවෙන්. මගේම පන වගේ ඉන්න මගේ ලේ නෑ නොව්නත් මගේම සහොදරි.
ස්වාති ඉක්මනට මගෙ අත අල්ලාගෙන මිරිකා ගත්තා. ස්වාති ඕනම වේදනාවක් හිතේ තද කරගෙන උපරිම ඉවසන කෙනෙක්. මන් වගේම. ඒත් මන් වගේ මෙච්චර මෝඩ නැ.
සයු… ඔයා තිරනයක් ගන්න ඕන… මන් ඔයාට අන්තිම පාරට කියන්නෙ…
අනේ ස්වාති…
මන් මුකුත්ම කියන්නෙ නැ සයු… ඔයාගෙයි තිරනය… එන්න…
ස්වාති තදින් මාවත් ඇදගෙන රෙස්ටුරන්ට් එක එක්ක තියෙන තවත් රෙස්ටුරන්ට් එකට එක්කන් ගියේ රාහුලුත් දුකින් පස්සෙන් එද්දි. මන් හිත තද කරගෙන ඉවරයි.
මන් බිම බලාගෙනම අත මිරිකාගෙන් ස්වාතිට බර වෙලා හිටියේ හිත පුදුමාකාර කම්පනයෙන් දෙදෙරද්දි. මට ඊලට වෙන දේ මුකුත්ම හිතා ගන්න බැ. ස්වාති රෙස්ටුරන්ට් එක වටේට බැලුවේ හදිසියෙන්. ඊට පස්සෙ මාව ආයෙත් ඇදගෙන ගියා මොකක් හරි මේසයක් ගාවට. මන් හිටියේ එතන යුසෙන් ඉන්නවා නම් ඒ මුන බලන්න බැරි තරම් වේදනාවෙන්. ඒත් මේ දේ මන් දරා ගන්න ඕන.
එස්කියුස්මි…
ස්වාති ටිකක් සැරෙන් කතා කරද්දි මන් ඔලුව උස්සලා බැලුවේ තව ඉවසන්න දෙයක් නැති හින්දා.
මන් ඇත්තටම පව් කරලා තියෙනවා. මගෙ ඉස්සරහා හරිම ලස්සන අරාබි කෙල්ලෙක් ඉදගෙන පුදුමයෙන් අපි දෙන්නා දිහාම බලාන් ඉන්නවා. මට දැනෙන මේ හැගීම් මට විස්තර කරන්න බැ. යුසේන් මේ කෙල්ලද.
එස්කියුස්මි මිස්… ඔයාලට මගෙන් මොනවාත් වෙන්න ඕනද…
ඒ කෙල්ල හරි ප්‍රියමනාප විදිහට අහද්දි සත්තයි මන් ගැස්සුනා. බයද වේදනාවද වැරැද්ද කරන්නෙ මන්ද කියන කිසි එකක් තොර ගන්න බැරුව. ඒත් මන් එහෙම ඉද්දි ස්වාති නිකම් ඉන්නෙ නැ.
මිස්… ඔයා කුලූද් අල් ජබෙරි නේද…
ඔව්… ඔයා කොහොමද… මන් ගැන දන්නෙ… මන් ඔයාව දන්නෙ නැනේ…
ඒ කෙල්ල කුලූද් කිව්වෙ ඒ ප්‍රියමනාප වගේම ආඩම්බර කටහඩින්. ඒත් මන් එයා දිහාමයි බලාන් හිටියේ. ස්වාති කේන්තියෙන් ඒ කෙල්ල දිහා බලලා ආයෙත් මගෙ දිහා බැලුවා.
මිස් කුලූද්… මට කියනවාද ඔයාට ඉශාකෙන් එක්ක තියෙන සම්බන්දය… ඔයා එයාව දන්න කෙනෙක්ද… යාලුවෙක්ද… නැදැ කෙනෙක්ද…
ස්වාති කියාගෙන ගියේ ඒ කෙල්ලගේ මූනේ හිනාව කොහෙදො හැන්ගිලා යද්දි. මට බය හිතුනා. ඒත් මගේ යුසෙන් ගැන අහන්න මට අයිතිය තියෙනවා. මට අදාල නැ එයා කව්ද කොහොම කෙනෙක්ද කියලා. මේ මගෙ ආදරය මගේ ජිවිතය මගෙ යුසෙන්.
මම කුලූද්ටත් වඩා කේන්තියෙන් වේදනාවෙන් එයා දිහා බැලුවා. එයා ගැස්සුනා කියලා මන් හොදට දැක්කා.
මිස් කුලූද්… ප්ලිස් මට කරුනාකරලා කියනවාද…
මිස්… මන් එහෙම ඉශාකෙන් මගෙ කව්ද කියන්න ඔයා කව්ද… ඉශාකෙන් අල් ෆර්හාන්… මගෙ ලවර්… මගේ ෆියොන්සේ… මෙහෙම අහන්න ඔයාලා කව්ද… අනික ඔයාලා කොහොම ඉශාකෙන්ව දන්නෙ… කරුනාකරලා කියනවාද…
කුලූද් ඇත්තටම පෙනුමෙන් මනින්න පුලුවන් කෙනෙක් නෙමෙයි. මේ කෙල්ල කව්ද. එයා මොනවාද මේ කියන්නෙ. මේ කෙල්ලට පිස්සුද. මගෙ යුසෙන් එයාගෙ කියන්නෙ කොහොමද.
ෆියොන්සේ ලවර්. මගෙ කන ලග දොන්කාර දුන්නා.
යුසේන් මාව මැරුවා නම් මීට වඩා හොදයි. ඔයාට මගෙ ආදරේ මදි උනාද මගෙ රත්තරන්. ඔයා මට පොරොන්දු උනා. ඔයා මට කිව්වා. ඔයාගෙ එකම ආදරය එකම ජිවිතය මන් විතරයි කියලා.
ඒත් මේ කුලූද් කව්ද. එයා මොනවාද මේ කියන්නෙ.
මගෙ ඇස් වල කදුලු ඔහේ ගලාගෙන ගියේ මන් ගල් ගැහිලා වගේ බලාන් ඉද්දි. ස්වාති අතින් කට වහගෙන ඒ රතු උන ඇස් වලින් මගෙ දිහා බලාගෙන ඉන්නවා. මන් මොකද්ද කරන්නෙ. මන් දන්නෙ නැ.
කුලූද් අපි දෙන්නා දිහා නපුරින් බලනවා. එයා මොනවා හරි කියන්න කලින් ස්වාති ඉක්මනට ඉස්සර උනේ මාව වාරු කර ගන්න ගමන්.
මිස් කුලූද්… ඉශාකෙන් ඔයාට මුකුත්ම කියලා නැද්ද…
එයා මොනවා කියන්නද… කරුනාකරලා කියනවාද ඔයාලා කව්ද කියලා…
කුලූද්ගෙ කටහඩ සැරයි. රෙස්ටුරන්ට් එකේ හැමොම අපි දිහා බලනවා. රාහුල් අපිව සන්සුන් කරන්න හදනවා. ඒත් ස්වාති. ඒත් මන්.
අපි කවුරුත් නම් නෙමෙ මිස් කුලූද්… මේ ඉන්නෙ ඉශාකෙන්ගෙ…-
ස්වාති කියනකොටම මන් එකපාරට එයාව නැවැත්තුවා. මන් හිතලා කලා නෙමෙ. ඒත් මටම තෙරෙන්නෙ නැ මන් මොකද්ද කරන්නෙ කියලා.
සමාවෙන්න මිස් කුලූද්… අත්වැරදීමක් සමාවෙන්න…
මන් කුලූද්ට එක දිගට කියාගෙන ගියේ වෙව්ලන කටහඩින්. ස්වාති මගෙ දිහා වේදනාවෙන් බලාන් ඉන්නවා. ඒත් මන් ඉන්න තත්වය මන් විතරයි දන්නෙ. මන් ඉක්මනට ස්වාතිවත් ඇදගෙන යන්න හැදුවා.
එස්කියුස්මි… පොඩ්ඩක් ඉන්න…
කුලූද්ගෙ ආඩම්බර කටහඩ මට තවත් ඉවසන් ඉන්න බැ. ඒත් මන් ඉස්සරහට තිබ්බ අඩිය එතනම නතර උනේ මාවම නතර උනා වගේ. හිර කරගෙන හිටපු හිත එක මොහොතට කුනාටුවක් වගේ වෙනස් වෙලා ගියේ පුදුමාකාර විදිහට. මගේ ආදරේ මාව වෙනස් කලා. මන් යුසෙන්ට ආදරේ නිසා.
මන් කුලූද් දිහා බැලුවේ මගෙ යුසේන්ව ඩැහැ ගන්න ආපු යක්ශනියක් ගානට. ඒත් ඒ කෙල්ලගෙ මුනේ නපුරු කම එයාව සම්පූර්ණයෙන්ම වෙනස්ම කෙනෙක් කරලා.
මිස්… මන් දන්නෙ නැ ඔයා කොහොමද ඉශාකෙන්ව දන්නෙ කියලා… ඒත් ඔය දෙන්නාගෙ ගනුදෙනුව මොකක් උනත් ඔයා එක දෙයක් මතක තියා ගන්න… ඉශාකෙන් මගේ ෆියොන්සෙ… තව ටික දවසකින් මගේ හස්බන්… ඒ හින්දා මන් කියන්න ඕන නැනේ… ඔයා එයාගෙ වන්ටයිම් එකක් උනාට… මට අදාලම නැ…
කුලූද්ගෙ ඊ පහරවල් වැනි ඒ වචන මට වැදුනේ හරිම සැරට. ඒත් මේ මන් සයුලි මොරවක මේ අරාබි කෙල්ලට මගේ එකම ආදරය මගේ ජිවිතය මගෙ ලොකෙම උන යුසෙන්ව දෙන්න. මන් මැරිලා ඉපදුනෙ නැ. මන් ස්වාතිගෙ ඇත් වෙලා ඒ කෙල්ල දිහා බැලුවේ ඒ කෙල්ල ගැස්සිලා යද්දි.
මොකද්ද… ෆියොන්සෙ… හස්බන්… වන්ටයිම්… මයි ෆූට්… තමුන් ඔය ඇත්ත දැනගෙනද ලොකු කම් කියවන්නෙ… එහෙනම් දැන ගන්නවා… මටත් කිසිම අදාලත්වයක් නැ.. තමුන්ගෙයි ඉශාකෙන්ගෙයි මොන ගනුදෙනුවක් තිබ්බාට… ඉශාකෙන් තමුන්ව මැරි කරන්න බලාන් ඉන්නවා නම් තමුන් දැන ගන්නවා… ඒ… තමුන් සෙකන්ඩ් ප්ලේස් කියන එක… තමුන්ට කවදාවත් ෆ්‍රස්ට් වෙන්න බැ… වෙන කාටවත්ම යුසෙන්ගෙ ෆ්‍රස්ට් වෙන්න බැ…
මන් ආවේගයෙන් වගේම සද්දෙන් කිව්වෙ කුලූද් ගැස්සිලා යන්නම. මම එහෙම කිව්වෙ මට තව ඉවසාන් ඉන්න බැරි හින්දා. මිනිස්සු පුදුමයෙන් බලාන් හිටියාත් මට වැඩක් නැ. ඔය කවුරුත් මට වැඩකුත් නැ. මන් කතා කලේ මගේ අයිතිය. ඒ අයිතිය වෙනුවෙන්.
කුලූද් ඇස් ලොකු කරගෙන බලාන් ඉද්දි මන් ස්වාතිවත් ඇදගෙන රාහුලුත් පස්සෙන් එද්දි එන්න ආවා. මට තව ඉවසාන් ඉන්න බැ.
ස්වාතිට වාරු උන මන් ගොඩාක් ඇඩුවා. ජිවිතේ මන් මෙච්චර ඇඩුවේ පලවෙනි වතාවට. ජිවිතය පුරාම ආදරය පිරුනු මගේ ජිවිතේ මන් ලොකු වේදනාවක් වින්දා. දරන්න බැ දෙවියනේ මේ වන්චාව. මට පපුව පුරා ආදරෙයි කිව්ව මගෙ යුසෙන් නේද මට මෙහෙම කරන්නෙ. ඔයාට කුලුද්වත් ඕන නම් ඇයි මට කියන්න බැරි. ඒ ඔයාගෙ අයිතිය යුසෙන්. ඒත් මට බැ ඔයාව බෙදා ගන්න. ඇත්ත දැන දැනමයි මන් ඔයාට ආදරේ කලේ. අනේ.
සයු… මට සමාවෙන්න කෙල්ලෙ… මන් ඔයාට ගොඩාක් රිද්දුවා… ඒත් අන්දයො වගේ ඔයා විදවනවා බලන්න මට බැ රත්තරන්… ඔයා මගේ නන්ගි දෙයියනේ…
ස්වාතිත් මන් එක්කම හූල්ලනවා. මන් දන්නවා එයා මන් වෙනුවෙන් මේ හැමදේම කරන්නෙ. ඒකයි ඇත්ත. ඒත් ඒ කුලූද් කියන දේ ඇත්ත නම්. මන් මේ ගැන තිරනයක් ගන්න ඕන. ආදරය නෙමෙ ජිවිතය වෙනුවෙන්. ආදරය වෙනුවෙන් සටන් කරන්න මන් දුර්වල වෙන්න පුලුවන්. කොච්චර යුසෙන් මගේ උනත් යුසෙන් මට දුන්නෙ ලොකු වේදනාවක්.
මන් ස්වාතිගෙ අත අල්ලලා නැගිටලා කදුලු පිහදා ගත්තා. රාහුල් මගේ ඔලුව අතගැවේ ස්වාතිගෙ ඇඩුම් එක්ක.
සයු…
මන් මොඩ නැ ස්වාති… මන් ඔයාගෙ නන්ගිනේ… මන් හරි දේ කරනවා…
පොරොන්දු වෙන්න සයු…
අනිවාර්යයෙන්…
මන් ස්වාතිට පොරොන්දු උනේ මේ දෙවල් අවසානයක් දකින්න. යුසෙන් ආදරේ කුලූද්ට නම්. මගේ ආදරේ මන් හන්ගා ගන්නම්. ඒත් යුසෙන් වෙනුවෙන් දෙන්න මට තව ජිවිතයක් නැ.
මන් ගෙදර ආවේ ගොඩාක් රෑ වෙලා. ෆොන් එක්ත් ඕෆ් කරගෙන හිටපු හින්දා යුසෙන් කොල් කලාද කියන්න දන්නෙ නැ. ඒත් මට හයියක් නැ මේ දෙවල් එකපිට බාර ගන්න. ඒත් මන් හිටියා යුසෙන් එක්ක ආදරෙන් හිටපු ඒ ලස්සන මතකයේ නාමයෙන්.
මන් දොර ඇරගෙන ඇතුලට ආවේ හීනෙන් වගේ. ගෙදර ලයිට් ඔක්කොම දාලා සාලයේ විතරක් ලයිට් දාලා නැ කියලා මන් දැක්කේ යුසෙන් ඇවිල්ලා කියන සැකයත් එක්ක. මන් ජැකට් එකයි බැග් එකයි අතට අරන් සපත්තු රැක් එකෙන් තියලා සාලේ දිහා බැලුවේ ලොකු හුස්මක් අර ගන්න ගමන්.
ඒත් මන් මටම බොරු කියන්න ඕන නැ. ලා අදුරේ මගේ දිහා ඒ ඇස් ගිනි ගන්න කේන්තියෙන් බලාන් හිටියේ මගේ පපුවා කැ ගහලා අඩද්දි. ඔයාට පුලුවන් මගෙ දිහා කේන්තියෙන් ඔහොම බලන්න. ඒත් ඇයි ඔයා මට මෙහෙම කලේ යුසෙන්.
සයුලි…
මට ටයඩ් යුසෙන්… පස්සෙ…
ඒ වචන මගෙන් කියවුනේ වේදනාවෙන්. වෙනදාට ආදරෙන් බලාන් ඉන්න ඒ මුහුන සිප ගන්න නොඉවසිල්ලෙන් ඉන්න මට අද ඒ රුව වේදනායි. මෙච්චර ආදරේ කලෙ ඇයි මන්.
මන් යුසෙන් දිහා බලන්නෙ නැතුව කාමරෙට යන්න හැරෙද්දි යුසේන් වේගයෙන් ආවේ මාව තිගස්සලා. එයා එනවාවත් මට දැනුනේ නැ.
මාව පිස්සෙක් කරන්නද ඕන සයුලි… මොන ලොකෙද හිටියේ… ෆොනුත් ඕෆ් කරගෙන… ස්වාතිත් අන්සර් කරන්නෙ නැ… ඔයා අරහෙම දෙයක් කියලා… ඔයාට මොනවාද වෙලා තියෙන්නෙ සයුලි… මාව කේන්ති කරන්න එපා…
යුසෙන් කේන්තියෙන් කැ ගැහුවේ මගේ දිහා බලාගෙන. යුසෙන් මෙච්චර කලබල වෙන්න කිසිම හේතුවක් නැ. ඒත් මට දුකට වඩා වේදනායි. යුසෙන් හවස් වරුවෙම හිටියේ කුලූද් එක්ක. මගෙ කොල් එක වෙලාවේ එයා ඉක්මනට ගියා කියලා ස්වාති මට කිව්වා. කොහොමද මන් තවත් අවිශ්වාස නොකර ඉන්නෙ. කවදා වෙනකම්ද.
මන් යුසේන් දිහා බැලුවේ දරන්න බැරි තරම් වේදනාවෙන්. එයාගෙ ඇස් වල කේන්තිය මන් නොහිටපු වෙලාව ගැන දුකින්ද නැත්නම් මන් ඉක්මනට ආපු නැති කේන්තියද කියන්න මන් දන්නෙ නැ. මට තෙරුම් ගන්න ඕනත් නැ.
සයුලි… කතා කරනවා… ස-…
යුසෙන් හයින් කතා කරද්දි මන් ගැස්සුනාත් මන් බලාගෙන හිටියා. ඒත් එයාට කතා කරන්න බැරි උනා. එයාගෙ ෆොන් එක රින්ග් ගියේ එකදිගට. මන් දන්නවා එයාට මේ වෙලාවට එන්නෙ එක කොල් එකයි. ඉස්සර මන් හිතුවේ පොලිස් ස්ටේශන් එකෙ කවුරු හරි කියලා. ඒත් අද වෙනකම් මමයි රැවටුනේ.
…….
හෘද සාක්ශිය 1 කොටස
හෘද සාක්ශිය 3 කොටස