2013 දේශපාලන විද්‍යාව බහුවරණ ප්‍රශ්න

♦ අංක 1 සිට 15 දක්වා ඇති ප්‍රශ්න සඳහා සපයා ඇති ප්‍රකාශ පහ අතරෙන් ප්‍රශ්නයේ මාතෘකාවට අදාළ නිවැරදි ප්‍රකාශ කාණ්ඩය තෝරන්න.
01. දේශපාලන විද්‍යාව
    A - රාජ්‍ය හා අණ්ඩුව පිළිබඳව විද්‍යාව ලෙස හැදින්වේ.
    B - න්‍යායාත්මක දේශපාලනය හා ප්‍රායෝගික දේශපාලනය යන කොටස් දෙකෙන් සමන්විත වේ.
    C - සමාජීය විද්‍යා පවුලට අයත් විෂයක් වේ.
    D - අතිශයින් ම පෞරාණික අධ්‍යයන විෂයක් වන අතර ක්‍රමානුකූල ව අධ්‍යයනය කිරීම ආරම්භ වූයේ ක්‍රි.පූ. 4 වන සියවසේ දී ය.
    E - විද්‍යාත්මක ක්‍රම මඟින් පමණක් අධ්‍යයනය කළ හැකි විෂයක් වේ.
(1) ABCD
(2) BCDE
(3) ABDE
(4) ACDE
(5) ABCE

♦ අංක 1 සිට 15 දක්වා ඇති ප්‍රශ්න සඳහා සපයා ඇති ප්‍රකාශ පහ අතරෙන් ප්‍රශ්නයේ මාතෘකාවට අදාළ නිවැරදි ප්‍රකාශ කාණ්ඩය තෝරන්න.
02. දේශපාලනය
  A - දේශපාලන විද්‍යාවේ ප්‍රායෝගික පැත්ත වේ.
  B - බල අරගල ක්‍රියාවට නංවන මාර්ගය වේ.
  C - සමාජ ප්‍රභූන් විසින් කරනු ලබන ක්‍රීඩාවක් වේ.
  D - අගය කිරීම් අධිකාරී බලය යොදාගෙන බෙදා හරින මාර්ගය වේ.
  E - කවුරුන්, කුමක්, කෙලෙස, කුමන අවස්ථාවක දී ලබාගන්නවා ද යන්න තීරණය වීමේ ක්‍රියාදාමය වේ.
(1) ABCD
(2) BCDE
(3) ABDE
(4) ACDE
(5) ABCE

♦ අංක 1 සිට 15 දක්වා ඇති ප්‍රශ්න සඳහා සපයා ඇති ප්‍රකාශ පහ අතරෙන් ප්‍රශ්නයේ මාතෘකාවට අදාළ නිවැරදි ප්‍රකාශ කාණ්ඩය තෝරන්න.
03. චර්යාවාදය
A - දේශපාලන විද්‍යාව අධ්‍යයනය කිරීම සම්බන්ධයෙන් 1940 ගණන්වල දී ඇමෙරිකාව තුළ ආරම්භ වූ අධ්‍යයන ව්‍යාපාරයක් වේ.
B - දේශපාලන රැඟුම්කරුවන්ගේ නිරීක්ෂණය කළ හැකි චර්යාව පමණක් අධ්‍යයනය කළ යුතු බව අවධාරණය කරනු ලැබීය.
C - මිනිසුන්ගේ සාර්ව දේශපාලන චර්යාව අධ්‍යනය කිරීම වර්ධනය කරනු ලැබීය.
D - න්‍යාය ගොඩනැගීමට සහ අධ්‍යයන විධික්‍රම වර්ධනය කිරීමට බෙහෙවින් දායක විය.
E - ශිල්පීය උපක්‍රමවලට වඩා ප්‍රතිඵල පිළිබඳ ව වඩාත් සැලකිලිමත් විය.
(1) ABCD
(2) BCDE
(3) ABDE
(4) ACDE
(5) ABCE

♦ අංක 1 සිට 15 දක්වා ඇති ප්‍රශ්න සඳහා සපයා ඇති ප්‍රකාශ පහ අතරෙන් ප්‍රශ්නයේ මාතෘකාවට අදාළ නිවැරදි ප්‍රකාශ කාණ්ඩය තෝරන්න.
04. රාජ්‍යය
A - නිශ්චිත දේශ සීමාවන්ගෙන් වට වූ භූමියක් තුළ ජීවත් වන ජනතාව විසින් පිහිටුවා ගත් දේශපාලන සමාජය වේ.
B - ග්‍රීක යුගයේ දී නාගරික රාජ්‍ය ලෙස ප්‍රථමයෙන් ආරම්භ විය.
C - පොදු ආශාවන් වෙනුවෙන් ක්‍රියාත්මක වීම යන නාමය සහිත විශේෂිත දේශපාලන ආයතන පද්ධතියකින් සමන්විත වේ.
D - නීති පැනවීමට සහ නීති කඩකරන අයට දඬුවම් කළ හැකි සුජාත භාවය සහිත අධිකාරී බලයෙන් යුක්ත වූවක් වේ.
E - ලිබරල්වාදීන් විසින් පොදු සමාජ සංවිධානයක් ලෙස ද සමාජවාදීන් විසින් පන්ති ආයුධයක් ලෙස ද විග්‍රහ කර ඇත.
(1) ABCD
(2) BCDE
(3) ABDE
(4) ACDE
(5) ABCE

♦ අංක 1 සිට 15 දක්වා ඇති ප්‍රශ්න සඳහා සපයා ඇති ප්‍රකාශ පහ අතරෙන් ප්‍රශ්නයේ මාතෘකාවට අදාළ නිවැරදි ප්‍රකාශ කාණ්ඩය තෝරන්න.
05. ස්වාධිපතිත්වය
  A - රාජ්‍යයන් පමණක් භුක්ති විඳින උසස් ම හා උත්තරීතර බලය වේ.
  B - අභ්‍යන්තර හා බාහිර වශයෙන් දෙයාකාර වන බව විග්‍රහ කර ඇත.
  C - රාජ්‍යයේ වැදගත්ම සහ විශේෂිත ම අංග ලක්ෂණය වේ.
  D - රාජ්‍යයේ ආත්මය වන අතර බලාධිකාරී බලය යෙදවීම සඳහා රාජ්‍යයට සුජාත භාවය සැපයෙන සාධකය වේ.
  E - ප්‍රබල රාජ්‍යන් දුබල රාජ්‍යන්ගෙන් වෙන්කර හඳුනාගැනීම සඳහා යොදාගැනෙන නිර්ණායක, අතරින් එකක් වේ.
(1) ABCD
(2) BCDE
(3) ABDE
(4) ACDE
(5) ABCE

♦ අංක 1 සිට 15 දක්වා ඇති ප්‍රශ්න සඳහා සපයා ඇති ප්‍රකාශ පහ අතරෙන් ප්‍රශ්නයේ මාතෘකාවට අදාළ නිවැරදි ප්‍රකාශ කාණ්ඩය තෝරන්න.
06. ආණ්ඩුව
  A - දේශපාලන සමාජයේ පොදු කැමැත්ත නියෝජනය කරන රාජ්‍යයේ නියෝජිතයා වේ.
  B - තම කැමැත්ත ක්‍රියාවට නැංවීම සඳහා රාජ්‍යය විසින් භාවිතයට ගැනෙන උපකරණය වේ.
  C - ප්‍රජාතන්ත්‍රවාදී හෝ ප්‍රජාතන්ත්‍ර විරෝධී විය හැකිය.
  D - එක් අයෙකුගෙන්, කිහිප දෙනෙකුගෙන් හෝ බොහෝ දෙනෙකුගෙන් සමන්විත විය හැකි ය.
  E - ප්‍රජාතන්ත්‍රවාදී හෝ ප්‍රජාතන්තවාදී නොවන අයුරින් වෙනස් කිරීමට යටත් වූවක් වේ.
(1) ABCD
(2) BCDE
(3) ABDE
(4) ACDE
(5) ABCE

♦ අංක 1 සිට 15 දක්වා ඇති ප්‍රශ්න සඳහා සපයා ඇති ප්‍රකාශ පහ අතරෙන් ප්‍රශ්නයේ මාතෘකාවට අදාළ නිවැරදි ප්‍රකාශ කාණ්ඩය තෝරන්න.
07. සන්ධීය ආණ්ඩුක්‍රමය
  A - විවිධ මට්ටම් සහිත ආණ්ඩු අතර සිරස් ආකාරයට බලය හුවමාරු කරගැනීමේ  පදනම මත ගොඩනැගී ඇත.
  B - බලතල බෙදීමේ තවත් ක්‍රමයක් ලෙස සලකනු ලැබේ.
  C - විවිධ වාර්ගික ජන කොටස් එක් දේශපාලන ක්‍රමයකට අනුගත කරවීම සඳහා ප්‍රයෝජනවත් වේ.
  D - විවිධත්වය සමග ඒකීයත්වය බද්ධ කරන ක්‍රමයක් ලෙස විග්‍රහ කර ඇත.
  E - සජාතීය සමාජ ක්‍රම සහිත රටවල් සඳහා වඩාත් යෝග්‍ය වන බව පිළිගනු ලැබේ.
(1) ABCD
(2) BCDE
(3) ABDE
(4) ACDE
(5) ABCE

♦ අංක 1 සිට 15 දක්වා ඇති ප්‍රශ්න සඳහා සපයා ඇති ප්‍රකාශ පහ අතරෙන් ප්‍රශ්නයේ මාතෘකාවට අදාළ නිවැරදි ප්‍රකාශ කාණ්ඩය තෝරන්න.
08. ඒකීය ආණ්ඩුක්‍රමය,
 A - එක් බල මධ්‍යස්ථානයක් පදනම් කරගෙන ගොඩනැගී ඇත.
 B - ජාතික දේශපාලනය පදනම් කරගෙන ජාතික ඒකාග්‍රතාවය වර්ධනය කිරීමට ඉවහල් වේ.
 C - ඒකීය අධිකරණ ක්‍රමයක් හා පරිපාලන ක්‍රමයක් පවත්වා ගෙන යාමට ප්‍රයොජනවත් වේ.
 D - ප්‍රාදේශීය සම්පත් ජාතික ප්‍රතිපත්ති හරහා සමාන අයුරින් ප්‍රයෝජනයට ගැනීමට උපකාරී වේ.
 E - බහුවිධ සමාජ ක්‍රම සහිත විශාල රාජ්‍යයන්ට වඩාත් සුදුසු වේ.
(1) ABCD
(2) BCDE
(3) ABDE
(4) ACDE
(5) ABCE

♦ අංක 1 සිට 15 දක්වා ඇති ප්‍රශ්න සඳහා සපයා ඇති ප්‍රකාශ පහ අතරෙන් ප්‍රශ්නයේ මාතෘකාවට අදාළ නිවැරදි ප්‍රකාශ කාණ්ඩය තෝරන්න.
09. කැබිනට් ආණ්ඩුක්‍රමය
  A - නාමික හා සත්‍ය වශයෙන් හැඳින්වෙන ද්විත්ව විධායකයකින් යුක්ත වේ.
  B - වැඩි කාර්යක්‍ෂමතාවයකින් සහ අඩු ප්‍රජාතන්ත්‍රවාදී භාවයකින් යුක්ත වේ.
  C - නාමික විධායකය නායකත්වය දරන අතර එමඟින් සත්‍ය විධායකය පත් කරනු ලැබේ.
  D - විධායකය ව්‍යවස්ථාදායකයට වගකීමට බැඳී සිටින නිසා වගකීම් සහිත ආණ්ඩු ක්‍රමයක් ලෙස සැලකේ.
  E - රාජ්‍යයේ නායකයා සහ ආණ්ඩුවේ නායකයා එකිනෙකින් වෙන් කරන ලද ආණ්ඩුක්‍රමයක් වේ.
(1) ABCD
(2) BCDE
(3) ABDE
(4) ACDE
(5) ABCE

♦ අංක 1 සිට 15 දක්වා ඇති ප්‍රශ්න සඳහා සපයා ඇති ප්‍රකාශ පහ අතරෙන් ප්‍රශ්නයේ මාතෘකාවට අදාළ නිවැරදි ප්‍රකාශ කාණ්ඩය තෝරන්න.
10. ජනාධිපති ආණ්ඩුක්‍රමය
 A - ජනාධිපති නමින් හඳුන්වන ඒකීය විධායකයක් විසින් නායකත්වය දරනු ලැබේ.
 B - සෘජු ව තෝරා පත් කරන විධායකයකින් හා ව්‍යවස්ථාදායකයකින් සමන්විත වේ.
 C - විධායකය හා ව්‍යවස්ථාදායකය අතර පවතින දුරස්ථර සම්බන්ධතාව විශේෂ ලක්‍ෂණය වේ.
 D - ප්‍රජාතන්ත්‍රවාදී භාවයෙන් අඩු සහ කාර්යක්‍ෂමතාවයෙන් වැඩි වේ.
 E - දේශපාලන හා ආර්ථික වශයෙන් පසුගාමී රටවල්වලට වඩාත් සුදුසු වේ.
(1) ABCD
(2) BCDE
(3) ABDE
(4) ACDE
(5) ABCE

♦ අංක 1 සිට 15 දක්වා ඇති ප්‍රශ්න සඳහා සපයා ඇති ප්‍රකාශ පහ අතරෙන් ප්‍රශ්නයේ මාතෘකාවට අදාළ නිවැරදි ප්‍රකාශ කාණ්ඩය තෝරන්න.
11. ලිබරල් ප්‍රජාතන්ත්‍රවාදී ආණ්ඩුක්‍රමයක ප්‍රධාන ලක්‍ෂණ කිහිපයක් වන්නේ,
  A - රාජ්‍ය විසින් පාලනය කරන ආර්ථිකය
  B - අධිකරණයේ ස්වාධීනත්වය සහිත නීතියේ ආධිපතිත්වය පදනම් කරගත් ව්‍යවස්ථානුකූල ආණ්ඩුව
  C - සහතික කරන ලද සිවිල් නිදහස, පුද්ගල අයිතිවාසිකම් සහ ජනමාධ්‍ය නිදහස
  D - දේශපාලන බහුවිධතාව පිළිගත් සහ සර්ව ජන ඡන්ද බලය පදනම් කරගෙන කාලීන ව පවත්වන මැතිවරණ
  E - සංවිධානය වූ කණ්ඩායම් ක්‍රියාකාරීත්වයට හා විවිධ ආශාවන්ට නිදහස සහිත ශක්තිමත් සිවිල් සමාජය
(1) ABCD
(2) BCDE
(3) ABDE
(4) ACDE
(5) ABCE

♦ අංක 1 සිට 15 දක්වා ඇති ප්‍රශ්න සඳහා සපයා ඇති ප්‍රකාශ පහ අතරෙන් ප්‍රශ්නයේ මාතෘකාවට අදාළ නිවැරදි ප්‍රකාශ කාණ්ඩය තෝරන්න.
12. ඒකතන්ත්‍ර පාලන ක්‍රමයක ප්‍රධාන ලක්ෂණ වන්නේ,
   A - තනි පුද්ගලයකු අත ඒකරාශී කරන ලද අසහාය බලය.
   B - පාලකයා නීතියට ඉහළින්ම සිටීම හා ව්‍යවස්ථානුකූල සීමාවන්ගෙන් තොර වීම.
   C - ඒක පක්ෂයක අසහාය නායකත්වය සහිත තරගකාරී පක්ෂ ක්‍රමය
   D - හිතුවක්කාරී ලෙස සංවරණයකින් තොර ව රාජ්‍ය බලය ක්‍රියාවට නැංවීම
   E - සමාජීය හා පෞද්ගලික පැවැත්මේ සෑම පැතිකඩක්ම වසා පැතිරුණු දේශපාලන වශයෙන් කෙරෙන පාලනය කිරීම
(1) ABCD
(2) BCDE
(3) ABDE
(4) ACDE
(5) ABCE

♦ අංක 1 සිට 15 දක්වා ඇති ප්‍රශ්න සඳහා සපයා ඇති ප්‍රකාශ පහ අතරෙන් ප්‍රශ්නයේ මාතෘකාවට අදාළ නිවැරදි ප්‍රකාශ කාණ්ඩය තෝරන්න.
13. ධනවාදය පදනම් කරගත් ආණ්ඩුක්‍රමයක ප්‍රධාන ලක්ෂණ වන්නේ,
  A - වෙළඳ පොළ බලවේග අනුව භාණ්ඩ හා සේවා නිෂ්පාදනය කිරීම.
  B - නිෂ්පාදන ප්‍රාග්ධනයේ පෞද්ගලික හිමිකම.
  C - උපයෝගිතා වටිනාකම අනුව නොව වෙළඳ පොළ වටිනාකම අනුව භණ්ඩ හා සේවාවන්හි මිල නියම වීම.
  D - වෙළඳ පොළ බලවේග පාලනය කිරීම සම්බන්ධයෙන් රාජ්‍යය පූර්ණ ලෙස මැදිහත් නොවීම.
  E - ද්‍රව්‍යාත්මක අශාවන් හා ලාභය උපරිම කිරීම යන බලවේග මඟින් මෙහෙයවන ක්‍රමයක් වීම.
(1) ABCD
(2) BCDE
(3) ABDE
(4) ACDE
(5) ABCE

♦ අංක 1 සිට 15 දක්වා ඇති ප්‍රශ්න සඳහා සපයා ඇති ප්‍රකාශ පහ අතරෙන් ප්‍රශ්නයේ මාතෘකාවට අදාළ නිවැරදි ප්‍රකාශ කාණ්ඩය තෝරන්න.
14. සමාජවාදී දේශපාලන ක්‍රමයක ප්‍රධාන ලක්‍ෂණ වන්නේ,
  A - ධනයේ සාමූහික හිමිකම
  B - නිර්ධන පන්තියේ ආඥාදායකත්වය
  C - පන්ති විරහිත සමාජ ක්‍රමය.
  D - මානව තෘප්තිය සහ පරිභෝජනය සඳහා භාණ්ඩ හා සේවා නිශ්පාදනය කිරීම
  E - ඒක පක්ෂ නායකත්වය සහිත ආණ්ඩුව
(1) ABCD
(2) BCDE
(3) ABDE
(4) ACDE
(5) ABCE

♦ අංක 1 සිට 15 දක්වා ඇති ප්‍රශ්න සඳහා සපයා ඇති ප්‍රකාශ පහ අතරෙන් ප්‍රශ්නයේ මාතෘකාවට අදාළ නිවැරදි ප්‍රකාශ කාණ්ඩය තෝරන්න.
15. නීතිය
  A - අණදීම්, තහනම් කීරීම් සහ හිමිකම් දැක්වෙන විධිවිධාන පද්ධතියක් වේ.
  B - ආණ්ඩුව විසින් සාදනු ලබන සමස්ත සමාජය පුරා ක්‍රියාත්මක වන්නක් වේ.
  C - රාජ්‍යයේ කැමැත්ත ප්‍රකාශ කරන මාධ්‍යය වේ.
  D - අවනත භාවය ලබාගන්නේ පොලිස් පහරදීම්වලට මිනිසුන් තුළ ඇති බිය හරහා ය.
  E - පිළිපැදීම අනිවාර්ය වන අතර යටත්වීම තේරීමකට ලක් කිරීමට පුරවැසියන්ට හිමිකම නැත.
(1) ABCD
(2) BCDE
(3) ABDE
(4) ACDE
(5) ABCE

♦ අංක 16 සිට 25 දක්වා ඇති ප්‍රශ්න සඳහා සපයා ඇති ප්‍රකාශ පහ අතරින් මාතෘකාවට අදාළ නොවන ප්‍රකාශය තෝරන්න.
16. මානව අයිතිවාසිකම්
(1) මිනිසෙක් වීම නිසා ම මිනිසාට හිමිවන්නා වූ අයිතිවාසිකම් වේ.
(2) සෑම මිනිසෙකුට ම හිමි වන බැවින් විශ්වීය ස්වරූපයක් ගනී.
(3) අහිමි කිරීමට, පවරා දීමට හා ආපසු ගැනීමට නොහැකි බැවින් මූලික අයිතිවාසිකම් බවට පත් වේ.
(4) මානවයන්ගේ ආත්ම ගරුත්වයට සහ පැවැත්මට අවශ්‍ය වේ.
(5) නීතියෙන් හිමිකම් කිව හැකි අයිතිවාසිකම් පමණක් වේ.

♦ අංක 16 සිට 25 දක්වා ඇති ප්‍රශ්න සඳහා සපයා ඇති ප්‍රකාශ පහ අතරින් මාතෘකාවට අදාළ නොවන ප්‍රකාශය තෝරන්න.
 17. දේපළ
(1) 'ස්වයං හිමිකම 'පදනම් කරගත් අයිතියක් වේ.
(2) ආර්ථික අභිවෘධිය හා කාර්යක්ෂමතාව ඇති කිරීම පිණිස ශ්‍රමය දිරිගන්වන උත්තේජකයක් ලෙස සැලකේ.
(3) පුද්ගල නිදහස, ස්වාධීනත්වය සහ ස්වපැවැත්ම ශක්තිමත් කරන වැදගත් සාධකයක් ලෙස සැලකේ.
(4) සමාජ අගය කිරීම් වර්ධනය කිරීම සඳහා දායකවන්නා වූ වැදගත් මූලාශ්‍රයක් වේ.
(5) පුද්ගලයින්ගේ සමාජ පැවැත්ම සඳහා අත්‍යවශ්‍ය ම සාදකයක් ලෙස සමාජවාදීන් විසින් ද පිළිගෙන තිබේ.

♦ අංක 16 සිට 25 දක්වා ඇති ප්‍රශ්න සඳහා සපයා ඇති ප්‍රකාශ පහ අතරින් මාතෘකාවට අදාළ නොවන ප්‍රකාශය තෝරන්න.
18. දේශපාලන නියෝජනය
(1) පුද්ගලයකු හෝ කණ්ඩායමක් විසින් පුළුල් ජන සමූහයක් වෙනුවෙන් පෙනී සිටින හෝ ක්‍රියා කරන ආකාරය පෙන්නුම් කරන සම්බන්ධතා විධික්‍රමය වේ.
(2) නියෝජන ආණ්ඩුක්‍රමය ක්‍රියාවට නංවන පදනම් මූලධර්මය වේ.
(3) ප්‍රජාතන්ත්‍රවාදී ආණ්ඩුකරණය තුළ ආණ්ඩුව හා ජනතාව යා කරන මාධ්‍ය වේ.
(4) 'තනි ඡන්දය - අසමාන අගය කිරීම්' යන පදනම යටතේ ක්‍රියාත්මක වේ.
(5) නූතන තත්ත්වයන් යටතේ ප්‍රජාතන්ත්‍රවාදය ප්‍රායෝගික ව ක්‍රියාවට නැංවිය හැකි එක ම ක්‍රමය ලෙස සැලකේ.

♦ අංක 16 සිට 25 දක්වා ඇති ප්‍රශ්න සඳහා සපයා ඇති ප්‍රකාශ පහ අතරින් මාතෘකාවට අදාළ නොවන ප්‍රකාශය තෝරන්න.
19. පුරවැසියා
(1) රාජ්‍යයේ පිළිගැනීම සහිත දේශපාලන සමාජයක සාමාජිකයකු ලෙස අර්ථකථනය කර ඇත.
(2) රාජ්‍යය මඟින් ප්‍රදානය කරන විශේෂිත අයිතිවාසිකම් හා බැඳීම් සමූහයක් සහිත අයෙකු වේ.
(3) විදේශිකයින් යන යෙදුම සමඟ සමපාත වේ.
(4) උපතින් හෝ ලියාපදිංචි වීමෙන් හිමි වේ.
(5) ඡන්ද බලය දීමට සහ සමහර රාජ්‍ය තනතුරු පිරිනැමීමට යොදාගැනෙන එක ම නිර්ණායකය වේ.

♦ අංක 16 සිට 25 දක්වා ඇති ප්‍රශ්න සඳහා සපයා ඇති ප්‍රකාශ පහ අතරින් මාතෘකාවට අදාළ නොවන ප්‍රකාශය තෝරන්න.
20. සිවිල් සමාජය
(1) රාජ්‍යයේ පාලනයෙන් මුළුමනින් ම වියුක්ත වූ සමාජය වේ.
(2) රාජ්‍යය සහ පවුල යන සංවිධානවලට පරිබාහිර වශයෙන් ගොඩනගා ඇති මධ්‍යස්ථ සංවිධානවලින් සමන්විත සමාජය වේ.
(3) ප්‍රජාතන්ත්‍රවාදී ආණ්ඩුකරණය හොඳින් ක්‍රියාත්මක වීම සඳහා අවශ්‍යම සාධකයක් ලෙස සැලකේ.
(4) ආණ්ඩුවේ බලය පාලනය කිරීම සඳහා යෙදවිය හැකි වැදගත් සංරෝධකයක් ලෙස සැලකේ.
(5) ජනතාව දේශපාලන හා සමාජීය වශයෙන් සවිබල ගැන්වීම සඳහා යොදාගත හැකි උපකරණයක් ලෙස සැලකේ.

♦ අංක 16 සිට 25 දක්වා ඇති ප්‍රශ්න සඳහා සපයා ඇති ප්‍රකාශ පහ අතරින් මාතෘකාවට අදාළ නොවන ප්‍රකාශය තෝරන්න.
21. ඇමෙරිකා එක්සත් ජනපදයේ දේශපාලන ක්‍රමය
(1) 1789 දී ස්ථාපිත කළ ආණ්ඩුක්‍රම ව්‍යවස්ථාව මත පදනම් වී ඇත.
(2) ප්‍රාන්ත රාජ්‍ය පනහකින් සමන්විත සන්ධීය රාජ්‍යක් වේ.
(3) ජනතාව විසින් සෘජු ව තෝරා පත් කරන ජනාධිපතිවරයකු නායකත්වය දරනු ලැබේ.
(4) සම්භාව්‍ය සන්ධීය මූලධර්ම මත ගොඩනැගුණු සන්ධීය ක්‍රමයක් වේ.
(5) මධ්‍යම ආණ්ඩුව හා ප්‍රාන්ත රාජ්‍යන් අතර බල හවුල්කාරීත්වය පදනම් කරගෙන ගොඩනැගුණු එකක් වේ.

♦ අංක 16 සිට 25 දක්වා ඇති ප්‍රශ්න සඳහා සපයා ඇති ප්‍රකාශ පහ අතරින් මාතෘකාවට අදාළ නොවන ප්‍රකාශය තෝරන්න.
22. මහා බ්‍රිතාන්‍යයේ පාර්ලිමේන්තුව
(1) නීති සම්පාදනය සම්බන්ධයෙන් ස්වාධිපති බලය දරන අතර එම හේතුවෙන් ඕනෑ ම නීතියක් සෑදීමට හෝ අවලංගු කිරීමට බලය තිබේ.
(2) ද්වීමාණ්ඩලික වන අතර එයින් බලවත් ම ආයතනය මහජන මන්ත්‍රී මණ්ඩලය වේ.
(3) විශ්වාසභංග යොජනාවක් මඟින් දේශපාලන විධායකය ඉවත් කිරීමේ හැකියාව භුක්ති විඳිනු ලැබේ.
(4) දේශපාලන විධායකය තෝරා පත් කරන මූලාශ්‍රය වේ.
(5) නාමික විධායකය විසින් ස්වකීය අභිමතානුසාරී බලය යොදවා විසුරුවා හැරීමට යටත් වේ.

♦ අංක 16 සිට 25 දක්වා ඇති ප්‍රශ්න සඳහා සපයා ඇති ප්‍රකාශ පහ අතරින් මාතෘකාවට අදාළ නොවන ප්‍රකාශය තෝරන්න.
23. 1958 ඩිගෝල් ව්‍යවස්ථාව යටතේ පිහිට වූ ආණ්ඩුක්‍රම ව්‍යවස්ථා සභාව
(1) ඩිගෝල් ව්‍යවස්ථාවෙන් හඳුන්වාදුන් ඉතාමත් ම වැදගත්ම නවාංගය ලෙස සැලකේ.
(2) සමන්විත වන්නේ නිල බලයෙන් පවත්වන හා නාමකරණයෙන් පත් කරන යන සාමාජික වර්ග දෙකෙනි.
(3) විධායක- ව්‍යවස්ථාදායක සම්බන්ධතා ආරක්‍ෂා කිරීමේ භාරකරුවා වේ.
(4) ජනාධිපතිවරණ හා ජනමත විචාරණ අධීක්‍ෂණය කරන්නා වේ.
(5) ජනාධිපතිවරයාට එරෙහි ව ගෙනන දෝෂාභියෝග විනිශ්චය  කරන්නා වේ.

♦ අංක 16 සිට 25 දක්වා ඇති ප්‍රශ්න සඳහා සපයා ඇති ප්‍රකාශ පහ අතරින් මාතෘකාවට අදාළ නොවන ප්‍රකාශය තෝරන්න.
24. ඉන්දියාවේ ශ්‍රේෂ්ඨාධීකරණය
(1) 1950 ආණ්ඩුක්‍රම ව්‍යවස්ථාව යටතේ පිහිටුවා ඇත.
(2) අග්‍ර විනිශ්චයකරු හා තවත් විනිශ්චයකරුවන් 25කින් සමන්විත වේ.
(3) ආණ්ඩුක්‍රම ව්‍යවස්ථාවේ ආරක්‍ෂකයා සහ මූලික අයිතිවාසිකම්වල භාරකරුවා ලෙස ක්‍රියා කිරීමේ බලය භුක්ති විඳී.
(4) ආණ්ඩුක්‍රම ව්‍යවස්ථාව අර්ථකථනය කිරීමේ බලයෙන් තොර වේ.
(5) සතුවන බලතල හා කාර්යයන් අනුව ඇමෙරිකානු ශ්‍රේෂ්ඨාධිකරණයට බෙහෙවින් සමාන වේ.

♦ අංක 16 සිට 25 දක්වා ඇති ප්‍රශ්න සඳහා සපයා ඇති ප්‍රකාශ පහ අතරින් මාතෘකාවට අදාළ නොවන ප්‍රකාශය තෝරන්න.
25. ස්විට්සර්ලන්තයේ පෙඩරල් ව්‍යවස්ථාදායකය
(1) ඒක මණ්ඩල වේ.
(2) ජනතා බලයට යටත් ව රාජ්‍ය බලය ක්‍රියාවට නංවන උත්තරීතර උපකරණය වේ.
(3) සෑම ආකාරයක ම පෙඩරල් නීති පැනවීමේ බලය භුක්ති විඳී.
(4) පෙඩරල් විධායකය, පෙඩරල් විනිශ්චයකරුවන් , වෙනත් උසස් රාජ්‍ය නිලධාරීන් සහ හමුදාපති පත්කිරීමේ බලය භුක්ති විඳී.
(5) සෑම පෙඩරල් බලධාරී ආයතනයක් ම අධීක්‍ෂණය කිරීමේ බලය දරන්නා ද වේ.

♦ අංක 26 සිට 32 දක්වා ඇති ප්‍රශ්න සඳහා සපයා ඇති ප්‍රකාශ පහෙන් මාතෘකාවට අදාළ ප්‍රකාශ කාණ්ඩය තෝරන්න.
26. 1833 කෝල්බෲක් - කැමරන් ප්‍රතිසංස්කරණය මඟින්,
  A - සීමිත ඡන්ද බලය ප්‍රදානය කිරීමට යෝජනා කරන ලදී.
  B - ආණ්ඩුකාරයාගේ තනි මතය අනුව පාලනය කිරීමේ බලය දුර්වල කරන ලදී.
  C - ප්‍රජාතන්ත්‍රවාදී ආණ්ඩුකරණයේ ආරම්භක පදනම දමන ලදී.
  D - ආණ්ඩුකාරයාට සහාය වීම පිණිස විධායක සහ ව්‍යවස්ථාදායක සභා පිහිටුවන ලදී.
  E - ආණ්ඩුක්‍රමය එක්සේසත් කරන ලදී.
(1) ABCD
(2) BCDE
(3) ABDE
(4) ACDE
(5) ABCE

♦ අංක 26 සිට 32 දක්වා ඇති ප්‍රශ්න සඳහා සපයා ඇති ප්‍රකාශ පහෙන් මාතෘකාවට අදාළ ප්‍රකාශ කාණ්ඩය තෝරන්න.
27. 1833 කෝල්බෲක් - කැමරන් ප්‍රතිසංස්කරණය මඟින්,
  A - ධනවාදී ආර්ථිකයේ වර්ධනය සඳහා පදනම දමන  ලදී.
  B - එක්සත් රාජ්‍යයක් නිර්මාණය කිරීම සඳහා පදනම දමන ලදී.
  C - ස්වාධීන අධිකරණ හා පරිපාලන ක්‍රමයන්හි වර්ධනය සඳහා පදනම දමන ලදී.
  D - නිදහස් ශ්‍රම වෙළඳ පොළක් වර්ධනය කිරීම සඳහා දායකත්වය සැපයුණි.
  E - උඩරට ප්‍රදේශයේ මිෂනාරී වැඩ කටයුතු තහනම් කරන ලදී.
(1) ABCD
(2) BCDE
(3) ABDE
(4) ACDE
(5) ABCE

♦ අංක 26 සිට 32 දක්වා ඇති ප්‍රශ්න සඳහා සපයා ඇති ප්‍රකාශ පහෙන් මාතෘකාවට අදාළ ප්‍රකාශ කාණ්ඩය තෝරන්න.
28. බ්‍රිතාන්‍ය පාලනය යටතේ ලංකාව තුළ වාණිජ වතු වගාව වර්ධනය වීම කෙරෙහි දායක වූ සාධක වන්නේ,
  A - යටත් විජිත ආණ්ඩුව විසින් ප්‍රචාරය කළ ලෞකිකවාදී අදහස්
  B - විදේශ බැංකු විසින් සැපයූ ආයෝජන ප්‍රාග්ධනය
  C - ඉන්දියානු ශ්‍රමිකයන්ගේ ලාභ ශ්‍රමය.
  D - උඩරට ජනතාවගෙන් අත් කරගත් ඉඩම්.
  E - බ්‍රිතාන්‍ය වතු වගාකරුවන් සැපයූ ව්‍යවසාය නායකත්වය.
(1) ABCD
(2) BCDE
(3) ABDE
(4) ACDE
(5) ABCE

♦ අංක 26 සිට 32 දක්වා ඇති ප්‍රශ්න සඳහා සපයා ඇති ප්‍රකාශ පහෙන් මාතෘකාවට අදාළ ප්‍රකාශ කාණ්ඩය තෝරන්න.
29. 1911 ආණ්ඩුක්‍රම ප්‍රතිසංස්කරණ මඟින්,
  A - ව්‍යවස්ථාදායක සභවේ සාමජිකය සංඛ්‍යාව 21 දක්වා වැඩි කළේ ය.
  B - ප්‍රථම වරට නියෝජන මූලධර්මය හඳුන්වාදුන්නේ ය.
  C - ආණ්ඩුකරුගේ බලතල පුළුල් ලෙස කප්පාදු කළේ ය.
  D - වාර්ගික නියෝජනය එසේ ම පවත්වාගෙන ගියේ ය.
  E - ඡන්දයෙන් එක් නියෝජිතයකු තෝරා පත් කිරීමට ස්වදේශිකයන්ට බලය දුන්නේ ය.
(1) ABCD
(2) BCDE
(3) ABDE
(4) ACDE
(5) ABCE

♦ අංක 26 සිට 32 දක්වා ඇති ප්‍රශ්න සඳහා සපයා ඇති ප්‍රකාශ පහෙන් මාතෘකාවට අදාළ ප්‍රකාශ කාණ්ඩය තෝරන්න.
30. 1924 ආණ්ඩුක්‍රම ප්‍රතිසංස්කාණයේ මූලික ලක්ෂණ වන්නේ,
  A - වාර්ගික නියෝජනය සීමා කිරීම
  B - ව්‍යවස්ථාදායක සභාවේ සමාජික සංඛ්‍යාව 49 දක්වා වැඩි කිරීම
  C - ව්‍යවස්ථාදායක සභාව තුළ ප්‍රථම වරට ඡන්දයෙන් පත් වූ මන්ත්‍රීවරුන් බහුතරය බවට පත් කිරීම
  D - මුදල් කාරක සභාවේ බලතල හා කාර්යයන් ශක්තිමත් කිරීම
  E - බලය හා වගකීම වෙන් කරන ලද ආණ්ඩුක්‍රමයක් ගොඩනැගීම
(1) ABCD
(2) BCDE
(3) ABDE
(4) ACDE
(5) ABCE

♦ අංක 26 සිට 32 දක්වා ඇති ප්‍රශ්න සඳහා සපයා ඇති ප්‍රකාශ පහෙන් මාතෘකාවට අදාළ ප්‍රකාශ කාණ්ඩය තෝරන්න.
31. ලංකාවේ ජාතික ව්‍යාපරය
  A - ආසියාව තුළ තිබූ වඩාත් ම සාමකාමී ජාතික විමුක්ති ව්‍යාපාරය විය.
  B - බටහිරකරණය වූ සමාජ ප්‍රභූන් විසින් ආරම්භ කළ සහ, මෙහෙය වූ ව්‍යාපාරයක් විය.
  C - ප්‍රධාන වශයෙන් ඉල්ලා සිටියේ අභ්‍යන්තර ස්වයං පාලන ක්‍රමයක් ය.
  D - ජනතාවාදී ව්‍යාපාරයක් නොවීය.
  E - ඉන්දියානු ජාතික ව්‍යාපාරයට බෙහෙවින් සමාන විය.
(1) ABCD
(2) BCDE
(3) ABDE
(4) ACDE
(5) ABCE

♦ අංක 26 සිට 32 දක්වා ඇති ප්‍රශ්න සඳහා සපයා ඇති ප්‍රකාශ පහෙන් මාතෘකාවට අදාළ ප්‍රකාශ කාණ්ඩය තෝරන්න.
32. 1930 ගණන්වල දී ලංකාව තුළ වාමාංශික ව්‍යාපාරය ආරම්භ වීම කෙරෙහි බලපෑ හේතු සාධක වන්නේ,
  A - 1930 ගණන්වල දී ලංකාව මුහුණදුන් ආර්ථික අර්බුදය
  B - 1930 ගණන්වල ආරම්භ වූ ආගමික පුනරුද ව්‍යාපාරය හා අමද්‍යප ව්‍යාපාරය
  C - 1930 ගණන්වල දී පැනනැගුණ සංවිධානාත්මක රැඩිකල් කම්කරු ව්‍යාපාරය
  D - නිදහස දිනාගැනීම සඳහා ලංකා ජාතික සංගමය අනුගමනය කළ දියාරු සහ පෞරාණිකවාදී ක්‍රියා පිළිවෙත
  E - මාක්ස්වාදයට නැඹුරු වූ බටහිර අධ්‍යාපනය ලැබූ රැඩිකල් තරුණ කණ්ඩායමක් බිහිවීම
(1) ABCD
(2) BCDE
(3) ABDE
(4) ACDE
(5) ABCE

♦ අංක 33 සිට 36 දක්වා ඇති ප්‍රශ්න සඳහා සපයා ඇති ප්‍රකාශ පහ අතරින් මාතෘකාවට  අදාළ නොවන ප්‍රකාශ කාණ්ඩය තෝරන්න.
33. 1931 දී ක්‍රියාවට නැංවූ ආණ්ඩුක්‍රම ප්‍රතිසංස්කරණය හඳුන්වන්නේ,
  A - කෝල්බෲක් - කැමරන් ප්‍රතිසංස්කරණය ලෙස ය.
  B - මැනිං ප්‍රතිසංස්කරණය ලෙස ය.
  C - මැනිං - ඩෙවන්ෂයර් ප්‍රතිසංස්කරණය ලෙස ය.
  D - ඩොනමෝර් ප්‍රතිසංස්කරණය ලෙස ය.
  E - සෝල්බරි ප්‍රතිසංස්කරණය ලෙස ය.
(1) ABCD
(2) BCDE
(3) ABDE
(4) ACDE
(5) ABCE

♦ අංක 33 සිට 36 දක්වා ඇති ප්‍රශ්න සඳහා සපයා ඇති ප්‍රකාශ පහ අතරින් මාතෘකාවට  අදාළ නොවන ප්‍රකාශ කාණ්ඩය තෝරන්න.
34. 1931 ව්‍යවස්ථා ප්‍රතිසංස්කරණය යටතේ පිහිටවූ ව්‍යවස්ථාදායකය හඳුන්වන්නේ,
  A - පාර්ලිමේන්තුව ලෙස ය.
  B - කොන්ග්‍රසය ලෙස ය.
  C - අධිරාජ්‍ය සභාව ලෙස ය.
  D - ජාතික සභාව ලෙස ය.
  E - රාජ්‍ය මන්ත්‍රණ සභාව ලෙස ය.
(1) ABCD
(2) BCDE
(3) ABDE
(4) ACDE
(5) ABCE

♦ අංක 33 සිට 36 දක්වා ඇති ප්‍රශ්න සඳහා සපයා ඇති ප්‍රකාශ පහ අතරින් මාතෘකාවට  අදාළ නොවන ප්‍රකාශ කාණ්ඩය තෝරන්න.
35. ඩොනමෝර් ආණ්ඩුක්‍රම හා සම්බන්ධ ව 'මුර බල්ලන්' යන පදය යෙදුවේ,
  A - ආණ්ඩුකාරයා හා රාජ්‍ය නිලධාරීන් තිදෙනා හැඳින්වීම සඳහා ය.
  B - රාජ්‍ය නිළධාරීන් තිදෙනා හැඳින්වීම සඳහා ය.
  C - ආණ්ඩුකාරයා, යටත් විජිත ලේකම් සහ රාජ්‍ය නිළධාරීන් තිදෙනා හැඳින්විම සඳහා ය.
  D - අමාත්‍ය මණ්ඩලයේ සාමාජිකයින් හැඳින්වීම සඳහා ය.
  E - අමාත්‍ය මණ්ඩලයේ ස්වදේශික සාමාජිකයින් හැඳින්වීම සඳහා ය.
(1) ABCD
(2) BCDE
(3) ABDE
(4) ACDE
(5) ABCE

♦ අංක 33 සිට 36 දක්වා ඇති ප්‍රශ්න සඳහා සපයා ඇති ප්‍රකාශ පහ අතරින් මාතෘකාවට  අදාළ නොවන ප්‍රකාශ කාණ්ඩය තෝරන්න.
36. ඩොනමෝර් ව්‍යවස්ථාවට අනුව අමාත්‍ය මණ්ඩලය රාජ්‍ය මන්ත්‍රණ සභාවට සාමූහික ව වගකිව යුතු වූයේ,
  A - යුද්ධ කටයුතු සඳහා කෙරෙන වියදම් වෙනුවෙන් පමණි.
  B - වාර්ෂික අයවැය ලේඛනය වෙනුවෙන් පමණි.
  C - අමාත්‍ය මණ්ඩලය ගන්නා සියලු ම විධායක තීරණ වෙනුවෙනි.
  D - ආණ්ඩුකාරයා හා රාජ්‍ය නිළධාරීන් තිදෙන හා සම්බන්ධ වියදම් වෙනුවෙන් පමණි.
  E - අමාත්‍ය මණ්ඩලය නඩත්තු කිරීම සඳහා වැය වන වියදම් වෙනුවෙන් පමණි.
(1) ABCD
(2) BCDE
(3) ABDE
(4) ACDE
(5) ABCE

♦ අංක 37 සිට 50 දක්වා ඇති ප්‍රශ්න සඳහා දක්වා තිබෙන ප්‍රකාශ පහ අතරින් ඒ ඒ මාතෘකාවට අදාළ ප්‍රකාශ කාණ්ඩය තෝරන්න.
37. 1948 ආණ්ඩුක්‍රම ව්‍යවස්ථා ප්‍රතිසංස්කරණය
  A - බ්‍රිතාන්‍ය අධිරාජ්‍ය තුළ ලංකාවට ඩොමීනියන් තත්ත්වය ප්‍රදානය කළේ ය.
  B - බ්‍රිතාන්‍ය කිරීටය ලංකාවේ රාජ්‍ය නායකයා බවට පත් කළේ ය.
  C - බ්‍රිතාන්‍ය ක්‍රමයට අනුරූප වූ පාර්ලිමේන්තු ආණ්ඩුක්‍රමයක් පිහිටුවීය.
  D - නීති නිර්මාණය කිරීම සඳහා සීමිත බලයක් සහිත ද්වී මාණ්ඩලික ව්‍යවස්ථාදායකයක් නිර්මාණය කළේ ය.
  E - අවසාන අභියාචනාධිකරණ බලය සහිත ශ්‍රේෂ්ඨාධිකරණයක නායකත්වය සහිත අධිකරණ ක්‍රමයක් ස්ථාපිත කළේ ය.
(1) ABCD
(2) BCDE
(3) ABDE
(4) ACDE
(5) ABCE

♦ අංක 37 සිට 50 දක්වා ඇති ප්‍රශ්න සඳහා දක්වා තිබෙන ප්‍රකාශ පහ අතරින් ඒ ඒ මාතෘකාවට අදාළ ප්‍රකාශ කාණ්ඩය තෝරන්න.
38. 1948 ව්‍යවස්ථා ප්‍රතිසංස්කරණය යටතේ ස්ථාපිත කළ ආණ්ඩුක්‍රමයේ ප්‍රධාන ලක්ෂණ වන්නේ,
 A - නාමික හා සත්‍ය වශයෙන් හැදින්වුණු ද්විත්ව විධායකය
 B - ඉහළ හා පහළ යනුවෙන් හැදින්වුණු මණ්ඩල දෙකකින් යුත් ව්‍යවස්ථාදායකය
 C - එංගලන්තයේ රාජාධිකරණයට අවසාන අභියාචනාධිකරණ බලය පැවරුණු අධිකරණ පද්ධතිය
 D - සුළු ජන කොටස්වල අයිතිවාසිකම් ආරක්ෂා කිරීම සඳහා විශේෂයෙන් දක්වන ලද ව්‍යවස්ථා ආවරණ පද්ධතිය
 E - දේශපාලන විධායකය මඟින් පාලනය කළ ස්වාධීන නොවූ රාජ්‍ය සේවාව
(1) ABCD
(2) BCDE
(3) ABDE
(4) ACDE
(5) ABCE

♦ අංක 37 සිට 50 දක්වා ඇති ප්‍රශ්න සඳහා දක්වා තිබෙන ප්‍රකාශ පහ අතරින් ඒ ඒ මාතෘකාවට අදාළ ප්‍රකාශ කාණ්ඩය තෝරන්න.
39. 1948 ව්‍යවස්ථාව යටතේ සත්‍ය විධායකය
  A - කැබිනට් මණ්ඩලය යන නිල නාමයෙන් හැදින්විණ.
  B - ව්‍යවස්ථාදායකයේ සාමාජිකයන් අතරින් නාමික විධායක විසින් පත් කරනු ලැබීය.
  C - අගමැතිවරයා නායකත්වය දරනු ලැබීය.
  D - ව්‍යවස්ථාදායකයට සාමුහික ව වගකිව යුතු විය.
  E - ව්‍යවස්ථදායකය තුළ සම්මත කරන ලද දෝෂාභියෝග යෝජනාවකින් නිලයෙන් පහකළ හැකි විය.
(1) ABCD
(2) BCDE
(3) ABDE
(4) ACDE
(5) ABCE

♦ අංක 37 සිට 50 දක්වා ඇති ප්‍රශ්න සඳහා දක්වා තිබෙන ප්‍රකාශ පහ අතරින් ඒ ඒ මාතෘකාවට අදාළ ප්‍රකාශ කාණ්ඩය තෝරන්න.
40. 1972 පළමු වන ජනරජ ආණ්ඩුක්‍රම ව්‍යවස්ථාව යටතේ පිහිටවූ ආණ්ඩුක්‍රමයේ විශේෂිත ලක්‍ෂණ කිහිපයක් වන්නේ,
  A - සත්‍ය විධායකයේ නායකයා විසින් නාමික විධායකය පත් කිරීම
  B - නාමික විධායකය විසින් සත්‍ය විධායකය පත් කිරීම
  C - පාර්ලිමේන්තු ස්වාධිපති න්‍යාය පදනම් කරගෙන පිහිටවූ ඒක මණ්ඩල ව්‍යවස්ථාදායකය
  D - නීති විවරණය කිරීමේ බලය සහිත අභියාචනාධිකරණයක නායකත්වයෙන් යුත් අධිකරණ ක්‍රමය
  E - දේශපාලන විධායකයේ සෘජු පාලනයට යටත් කරන ලද රාජ්‍ය සේවය
(1) ABCD
(2) BCDE
(3) ABDE
(4) ACDE
(5) ABCE

♦ අංක 37 සිට 50 දක්වා ඇති ප්‍රශ්න සඳහා දක්වා තිබෙන ප්‍රකාශ පහ අතරින් ඒ ඒ මාතෘකාවට අදාළ ප්‍රකාශ කාණ්ඩය තෝරන්න.
41. 1972 පළමු වන ජනරජ ව්‍යවස්ථාව යටතේ ස්ථාපිත කළ ව්‍යවස්ථාදායකය,
  A - ජාතික රාජ්‍ය සභාව ලෙස හැඳින්විණ.
  B - ඡන්දයෙන් තෝරන ලද හා නාමකරණයෙන් පත් කරන ලද වශයෙන් මන්ත්‍රීවරුන් දෙවර්ගයකින් සමන්විත විය.
  C - "රාජ්‍ය බලය ක්‍රියාවට නැංවීමේ උත්තරීතර උපකරණය" ලෙස ආණ්ඩුක්‍රම ව්‍යවස්ථාවේ හැඳින්විණ.
  D - ව්‍යවස්ථාදායක, විධායක හා අධිකරණ යන ක්‍ෂේත්‍ර තුනේ ම බලතල ක්‍රියාවට නැංවීමේ බලය භුක්ති වින්දේ ය.
  E - අඩු ම වශයෙන් වසරකට වරක් වත් රැස්විය යුතු විය.
(1) ABCD
(2) BCDE
(3) ABDE
(4) ACDE
(5) ABCE

♦ අංක 37 සිට 50 දක්වා ඇති ප්‍රශ්න සඳහා දක්වා තිබෙන ප්‍රකාශ පහ අතරින් ඒ ඒ මාතෘකාවට අදාළ ප්‍රකාශ කාණ්ඩය තෝරන්න.
42. 1972 පළමු වන ජනරජ ව්‍යවස්ථාව මඟින් ශ්‍රී ලංකා දේශපාලන ක්‍රමයට හඳුන්වාදුන් වෙනස්කම් කිහිපයක් වන්නේ,
  A - ශ්‍රී ලංකාව නිදහස්, ස්වෛරී, ස්වාධීන ජනරජයක් බවට පත් කිරීම
  B - ශ්‍රී ලංකාව ඒකීය රාජ්‍යක් ලෙස නම් කිරීම
  C - ශ්‍රී ලංකා ජනරජයේ පරමාධිපති බලය ජනතාව අතට පත් කිරීම හා එය අත්හැරිය නොහැකි බව දැක්වීම
  D - පූර්ව අධිකරණ විනිශ්චය බලය සහිත ව්‍යවස්ථානුකූල අධිකරණයක් හදුන්වාදීම.
  E - අධිකරණ විනිශ්චය බලය සහිත මූලික අයිතිවාසිකම් මාලාවක් පුරවැසියන්ට ප්‍රදානය කිරීම.
(1) ABCD
(2) BCDE
(3) ABDE
(4) ACDE
(5) ABCE

♦ අංක 37 සිට 50 දක්වා ඇති ප්‍රශ්න සඳහා දක්වා තිබෙන ප්‍රකාශ පහ අතරින් ඒ ඒ මාතෘකාවට අදාළ ප්‍රකාශ කාණ්ඩය තෝරන්න.
43. 1978 දෙවන ජනරජ ආණ්ඩුක්‍රම ව්‍යවස්ථාව
  A - නිදහස ලැබූ දිනයේ සිට ශ්‍රී ලංකාව තුළ පැවති මූලික ව්‍යවස්ථානුකූල රාමුව වෙනස් කළේය.
  B - රාජ්‍ය - ධනවාදී සාම්ප්‍රදායික ආර්ථික සංවර්ධන මොඩියුලය අතහැර දැමුවේ ය.
  C - 1833 වර්ෂයේ සිට වර්ධනය වූ ප්‍රජාතන්ත්‍රවාදී ආයතන පද්ධතිය අවප්‍රමාණය කළේ ය.
  D - රාජ්‍යයේ ඒකීය භාවය වෙනස් කළේ ය.
  E - පුද්ගලවාදය පදනම් කරගත් දේශපාලනය බලගැන්වී ය.
(1) ABCD
(2) BCDE
(3) ABDE
(4) ACDE
(5) ABCE

♦ අංක 37 සිට 50 දක්වා ඇති ප්‍රශ්න සඳහා දක්වා තිබෙන ප්‍රකාශ පහ අතරින් ඒ ඒ මාතෘකාවට අදාළ ප්‍රකාශ කාණ්ඩය තෝරන්න.
44. 1978 දෙවන ආණ්ඩුක්‍රම ව්‍යවස්ථාව යටතේ විධායක ජනාධිපති
  A - ඕනෑ ම වාර ගණනක් තනතුර දැරුය හැකි ය.
  B - සංවරණයකින් තොර ව පුළුල් ප්‍රමාණයක විධායක, ව්‍යවස්ථාදායක හා අධිකරණ බලතල දරනු ලැබේ.
  C - කරන කාර්යයන් විශේෂ යෝජනාවකින් තොර ව පාර්ලිමේන්තුව තුළ සාකච්ඡා කිරීමට යටත් වේ.
  D - ආණ්ඩුක්‍රම ව්‍යවස්ථාව මඟින් ම නීතියට ඉහළින් තබා ඇත.
  E - සාමාන්‍යයෙන් හඳුන්වන්නේ ව්‍යවස්ථානුකූල ඒකාධිපතිත්වයක් ලෙස ය.
(1) ABCD
(2) BCDE
(3) ABDE
(4) ACDE
(5) ABCE

♦ අංක 37 සිට 50 දක්වා ඇති ප්‍රශ්න සඳහා දක්වා තිබෙන ප්‍රකාශ පහ අතරින් ඒ ඒ මාතෘකාවට අදාළ ප්‍රකාශ කාණ්ඩය තෝරන්න.
45. 1978 ආණ්ඩුක්‍රම ව්‍යවස්ථාව යටතේ පිහිටවූ ව්‍යවස්ථාදායකය
  A - පාර්ලිමේන්තුව ලෙස හැඳින්වේ.
  B - තෝරා පත්කරන හා නාමකරණයෙන් පත්කරන වශයෙන් මන්ත්‍රීවරුන් දෙවර්ගයකින් සමන්විත වේ.
  C - නීති පැනවීම පිළිබඳ ව සර්වාධිපති ආයතනයක් නොවේ.
  D - සැසිවාර පැවැත්වීම සඳහා අඩු ම වශයෙන් මන්ත්‍රීවරුන් 30ක් සභා ගැබ තුළ සිටිය යුතුය.
  E - ජනාධිපතිවරයාට එරෙහිව දෝශාභියෝග ගෙන ඒමේ බලය භුක්ති විඳී.
(1) ABCD
(2) BCDE
(3) ABDE
(4) ACDE
(5) ABCE

♦ අංක 37 සිට 50 දක්වා ඇති ප්‍රශ්න සඳහා දක්වා තිබෙන ප්‍රකාශ පහ අතරින් ඒ ඒ මාතෘකාවට අදාළ ප්‍රකාශ කාණ්ඩය තෝරන්න.
46. පළාත් සභා
  A - 1964 ඉන්දු - ලංකා ගිවිසුම යටතේ පිහිටුවන ලදී.
  B - මූලික නීතියේ කොටසක් බවට ව්‍යවස්ථාවට කරන ලද 13 වන සංශෝධනය යටතේ පත් විය.
  C - පළාත් සභා ලැයිස්තුවේ අන්තර්ගත කරුණු සඳහා ප්‍රඥාප්ති සෑදිය හැකි ය.
  D - සමගාමී ලැයිස්තුවේ අන්තර්ගත කරුණු සඳහා තනි ව ප්‍රඥාප්ති සැදිය නොහැකි ය.
  E - ස්වාධිපති ආයතන නොවේ.
(1) ABCD
(2) BCDE
(3) ABDE
(4) ACDE
(5) ABCE

♦ අංක 37 සිට 50 දක්වා ඇති ප්‍රශ්න සඳහා දක්වා තිබෙන ප්‍රකාශ පහ අතරින් ඒ ඒ මාතෘකාවට අදාළ ප්‍රකාශ කාණ්ඩය තෝරන්න.
47. ශ්‍රී ලංකාවේ පළාත් පාලන ආයතන
  A - මහ නගර සභා, නගර සභා සහ ප්‍රාදේශීය සභා යනුවෙන් ප්‍රභේද තුනක් වේ.
  B - ක්‍රියාත්මක විය යුත්තේ මධ්‍යම ආණ්ඩුවේ අධීක්‍ෂණයට යටත්ව ය.
  C - තමන්ගේ බල ප්‍රදේශය තුළ සමාජ ප්‍රයෝජ්‍යතා සේවාවන් සැපයීමේ වගකීම පැවරී ඇත.
  D - සමන්විත වන්නේ වසර තුන ක නිල කාලයක් සඳහා ඡන්දයෙන් තෝරන ලද නියෝජිතයන්ගෙන් පමණි.
  E - මධ්‍යම ආණ්ඩුවෙන් අවධාරිත කරන ලද බලය පදනම් කොටගෙන ක්‍රියාත්මක විය යුතු බැවින් ස්වාධීන ආයතන නොවේ.
(1) ABCD
(2) BCDE
(3) ABDE
(4) ACDE
(5) ABCE

♦ අංක 37 සිට 50 දක්වා ඇති ප්‍රශ්න සඳහා දක්වා තිබෙන ප්‍රකාශ පහ අතරින් ඒ ඒ මාතෘකාවට අදාළ ප්‍රකාශ කාණ්ඩය තෝරන්න.
48. එක්සත් ජාතීන්ගේ සංවොධානය
  A - වර්තමාන ලෝකය තුළ තිබෙන පුළුල් අරමුණු සහිත විශාලතම අන්තර් රාජ්‍ය සංවිධානය වේ.
  B - 1945  සැන්ප්‍රැන්සිස්කෝ සම්මේලනයේ දී ජාතීන් 50ක් විසින් අත්සන් කරන ලද ප්‍රඥප්තිය මත ගොඩනගා ඇත.
  C - සාමාජික රාජ්‍යයන්ගේ සමාන ස්වෛරී භාවය පිළිගැනීමේ මූලධර්මය මත ක්‍රියාත්මක වේ.
  D - සාමාජික රාජ්‍යයන්ගේ අභ්‍යන්තර කටයුතුවලට මැදිහත් වීමට ප්‍රඥප්තියෙන් බලය පවරා ඇත.
  E - වර්තමාන ලෝකය තුළ අන්තර්ජාතික සාමය හා සුරක්‍ෂිත භාවය පිළිබඳ ව ක්‍රියා කරන ප්‍රධානතම අන්තර්ජාතික සංවිධානය වේ.
(1) ABCD
(2) BCDE
(3) ABDE
(4) ACDE
(5) ABCE

♦ අංක 37 සිට 50 දක්වා ඇති ප්‍රශ්න සඳහා දක්වා තිබෙන ප්‍රකාශ පහ අතරින් ඒ ඒ මාතෘකාවට අදාළ ප්‍රකාශ කාණ්ඩය තෝරන්න.
49. කලාපීය සහයෝගීතාව සඳහා වූ දකුණු ආසියාතික සංවිධානය
  A - පුළුල් අරමුණු සහිත කලාපීය සංවිධානයක් වේ.
  B - සමන්විත වන්නේ දකුණු ආසියාතික රාජ්‍යයන් අටකිනි
  C - ක්‍රියාත්මක වන්නේ නූතන දේශපාලන ක්ෂේත්‍රයන්හි සාමාජිකයන් අතර සහයෝගය වර්ධනය කිරීම සඳහා ය.
  D - 1985 දෙසැම්බර් 08 වෙනි දා ප්‍රකාශයට පත් කළ 'ඩකා ප්‍රකාශනය' පදනම් කරගෙන ගොඩනගා ඇත.
  E - අන්තර්ජාතික සමාජයේ හඳුන්වන්නේ 'දුප්පතුන්ගේ සමාජය 'ලෙස ය.
(1) ABCD
(2) BCDE
(3) ABDE
(4) ACDE
(5) ABCE

♦ අංක 37 සිට 50 දක්වා ඇති ප්‍රශ්න සඳහා දක්වා තිබෙන ප්‍රකාශ පහ අතරින් ඒ ඒ මාතෘකාවට අදාළ ප්‍රකාශ කාණ්ඩය තෝරන්න.
50. පොදු රාජ්‍ය මණ්ඩලය
  A - සීමිත අරමුණු සහිත මධ්‍යම ප්‍රමාණයේ රාජ්‍යය නොවන සංවිධානයක් වේ.
  B - සමන්විත වන්නේ ප්‍රධන වශයෙන් ම කලින් බ්‍රිතාන්‍ය යටත් විජිත ලෙස පැවති රටවල්වලිනි.
  C - සැලකිලිමත් වන්නේ සාමාජික රාජ්‍යයන්හි ආර්ථික හා සමාජ සංවර්ධනය කෙරෙහි ය.
  D - බ්‍රිතාන්‍ය රැජිනගේ නායකත්වය යටතේ පවතී.
  E - සංවිධානය කර ඇත්තේ 1950 දී ස්ථාපිත කළ ව්‍යවස්තාව යටතේ ය.
(1) ABCD
(2) BCDE
(3) ABDE
(4) ACDE
(5) ABCE