2014 සිංහල බහුවර්ණ ප්‍රශ්න

1. එක් එක් ප්‍රශ්නයට වඩාත් ම ගැළපෙන පිළිතුර තෝරන්න.

1. ඝෝෂාක්ෂර පමණක් අන්තර්ගත වරණය තෝරන්න.

(1) අ , ඉ , උ , එ , ඔ . ක
(2) ය , ර , ල , ව , ස
(3) ක , ච , ට , ත , ප
(4) ග , ජ , ඩ ,ද , බ
(5) ප , ඵ , බ , භ . ම

2. නිවැරදි අක්ෂර වින්‍යාසය සහිත පද පේළිය තෝරන්න.

(1) ශිෂ්ඨාචාරය, මර්දනය, සීඝ්‍ර, වීරෝධාර, නාමලේඛණය
(2) ශිෂ්ටාචාරය, මර්දනය, ශීග්‍ර, වීරෝධාර, නාමලේඛණය
(3) ශිෂ්ඨාචාරය, මර්ධනය, ශීඝ්‍ර, වීරෝදාර, නාමලේඛණය
(4) ශිෂ්ටාචාරය, මර්දනය, ශීඝ්‍ර, වීරෝදාර, නාමලේඛනය
(5) ශිෂ්ඨාචාරය, මර්ධනය, ශීග්‍ර, වීරෝධාර, නාමලේඛණය

3. අකාරාදි පිළිවෙළ අනුව නිවැරදි ව ලියා ඇති පද පේළිය තෝරන්න.

(1) ජපානය, චීනය, රුසියාව, කැනඩාව
(2) ඉන්දියාව, ලංකාව, ඇමරිකාව, ප්‍රංශය
(3) බ්‍රසීලය, ලිබියාව, සිරියාව, ඉතාලිය
(4) පාකිස්ථානය, නෝර්වේ, තුර්කිය, ග්‍රීසිය
(5) කුවේට්, කොරියාව, නවසීලන්තය, පෝලන්තය

4. පහත සඳහන් වරණ අතුරෙන් නිවැරදි ප්‍රකාශය තෝරන්න.

(1) රකාරාංශය යනු ‘ර්‘ අක්ෂරය වෙනුවට පමණක් යෙදෙන සංකේතයකි.
(2) රකාරාංශය මුර්ධජ අක්ෂර සමඟ ම යෙදිය යුතු ය.
(3) රකාරාංශය ස්වරයකින් පසු ව නො යෙදේ.
(4) වචනයක මුල, මැද, අග යන තුන් තන්හි ම රකාරාංශය යෙදිය හැකි ය.
(5) රකාරාංශය හා රේඵය යනු එකක් වෙනුවට අනෙක යෙදිය හැකි සංකේත යි.

5. රේඵය, ගයනුකිත්ත, අනුස්වාරය හා යංශය සහිත වචන අනුපිළිවෙළින් යෙදී ඇති පද පේළිය තෝරන්න.

(1) ගෞරව, වර්‍ෂය, රංගනය, සාම්‍යය
(2) ස්වර්‍ගය, අංගය, නිත්‍ය, භෞතික
(3) අවර්‍ණ, සතතාභ්‍යාස, සංස්කෘත, නෞකාව
(4) මංගල, කාව්‍යය, බෞද්ධ, සර්‍ග
(5) මාර්‍ගය, ලෞකික, සංයම, නව්‍ය

6. එකිනෙකට අනුරූප වන සේ වචන යුගල යෙදී ඇති වරණය තෝරන්න.

(1) සකල ඵෙශ්වර්ය, වර්ණ අන්ධතාව, ස්වදේශ මිත්‍රයා, වනිතා කටයුතු
(2) තරුණ සමුළුව, අධිවේගී මාර්ගය, භූ චලන, ස්වදේශ කටයුතු
(3) මඟ නැඟුම, ජනපති මැඳුර, නිදහස් උත්සවය, සැදෑ සමය
(4) සෞඛ්‍ය අමාත්‍ය, මහින්ද ආගමනය, අමනුෂ්‍ය උපද්‍රවය, කායිකරෝග විශේෂඥ
(5) ඇතුගල් පුරය, පුණ්‍ය කටයුතු, මගී ප්‍රවාහණය, දානමය පින්කම

7. තත්සම වචන පමණක් යෙදී ඇති වරණය තෝරන්න.

(1) මරණ, සරණ. වරණ. පරණ
(2) නිරිඳු, මිහිඳු, දෙවිඳු, තරිඳු
(3) අන්ත, දන්ත, ප්‍රාන්ත, භ්‍රාන්ත
(4) කාල, තාල, බාල, රාළ
(5) ධන, මන, දින, පණ

8. මුලින් දැක්වෙන පදයට විරුද්ධාර්ථයක් නො දෙන පදයක් ඇතුළත් පද පේළිය තෝරන්න.

(1) බල - දුබල, දුර්වල, අබල, බෙලහීන
(2) නීච - උත්තම, උත්කෘෂ්ට, පවර, අධම
(3) අප්‍රසිද්ධ - පරසිදු, ප්‍රසිද්ධ, ප්‍රකට, පසිඳු
(4) ශාන්ත - චණ්ඩ, රෞද්‍ර, කුරිරු, රළු
(5) ආලෝක - අන්ධකාර, තිමිර, අඳුර, කළුවර

9. මුලින් දී ඇති පදයට සමානාර්ථ පදයක් ඇතුළත් නො වන වරණය තෝරන්න.

(1) බුදුරජ - දසබල, සමන්තභද්‍ර, නාථ, භුරිපඤ්ඤ
(2) ස්ත්‍රිය - වනිතා, මහිලා, මාගම, වාමා
(3) සේ - ඡායාව, ඡේක, සුදු, ඩහදිය
(4) රජතුමා - නරේන්‍රද්‍ර, භූපාල, භූසුර, මිහිපල්
(5) ඇස - අක්ෂි, නේත්‍ර, නුවන, නයන

10. විශේෂණ, දකාරාර්ථ, විභක්ති අව්‍යය යන සමාසවලට අයත් පද පිළිවෙළින් දක්වා ඇති වරණය තෝරන්න.

(1) නෙතුපුල්, වනමල්, අසුර, ඉරහඳ
(2) රන්කම්, ගස්වැල්, යාවජීව, සුදුමල්
(3) රහල්කුමරු , තෙල්මල්පහන්, සරාසඳ. දුදන
(4) දසසිල්, සුගුණ, අත්පා, කම්කරු
(5) බුදුපසේබුදුමහරහත්, නරරකුසු, කඨිනසිවුරු, කුදිටු

11. කෘදන්ත පදයක් අන්තර්ගත නො වන වරණය තෝරන්න.

(1) උතුළ, වගුළ, මතුළ, උපුළ
(2) ගෙතුමන්, පිසමන්, අවමන්, සිඟමන්
(3) මෘත, කෘත, යුක්ත, නෂ්ට
(4) ඛණන, කඩන, දක්න, දවටන
(5) රැවිලි, කෙඳිරිලි, දිවිලි, පැනිලි

12. පහත සඳහන් වැකිවල තද කළු අකුරෙන් මුද්‍රිත පද අයත් ක්‍රියා වර්ගය පිළිවෙළින් දක්වා ඇති වරණය තෝරන්න.

(අ) “ළුව කව බොව කියන - ඉසුරින් පිරුණු හැම දින“
(ආ) “සගසිරි අසාලා - කළ‘ යුරු සොඳුරු සාලා“
(ඉ) “කියමින් ගී රස මියුරු“
(ඊ) “ කල් වැසි වසිවා“

(1) විධික්‍රියා, පූර්වක්‍රියා, මිශ්‍රක්‍රියා, ආශිර්වාදක්‍රියා
(2) විධික්‍රියා, මිශ්‍රක්‍රියා, ආශිර්වාදක්‍රියා, පූර්වක්‍රියා
(3) පූර්වක්‍රියා, විධික්‍රියා, මිශ්‍රක්‍රියා, ආශිර්වාදක්‍රියා
(4) මිශ්‍රක්‍රියා, පූර්වක්‍රියා, ආශිර්වාදක්‍රියා, විධික්‍රියා
(5) මිශ්‍රක්‍රියා, ආශිර්වාදක්‍රියා, විධික්‍රියා, පූර්වක්‍රියා

13. අනුක්ත පද දෙකක් හා උක්ත පද දෙකක් අන්තර්ගත වරණය තෝරන්න.

(1) වඳුරකු, සිසුන්, බාලිකාවක, කතක්
(2) වනිතාවක, දෙවියෙක්, මම, මිනිසුන්
(3) භික්ෂූන්, මැඬියෙක්, හරක්, බමුණෝ
(4) අප, තා, යදියකු, ඇතැමෙක්
(5) වික්‍රමසිංහයෝ, ගුරුවරු, මෑණියන්, තොපි

14. උපසර්ගයක් යෙදී නැති පදයක් සහිත පද පේළිය අයත් වරණය තෝරන්න.

(1) ප්‍රබන්ධ, දුසිරිත්, පවර, උපසම්පදා
(2) අනුගත, ප්‍රසිද්ධ සුඟද, ආචාර
(3) දුසිල්, සුසුදු, පසිදු, උළිඳු
(4) සුචරිත, දුර්දාන්ත, දුරාචාර, නිර්දෝෂ
(5) සුශීල. දුර්ගුණ. අපකීර්තිය, අතිරස

15. “කාව්‍ය සාහිත්‍යය නංවාලීමට වර්තමාන කිවිකිවිදියන් දක්වනුයේ අල්පෝත්සාහයකි” යන්නෙහි වචන යෙදී ඇති පිළිවෙළ අනුව ඉරි ඇදි පදි පද අයත් වන්නේ මෙයින් කුමන ව්‍යාකරණ අංගවලට ද?

(1) සමාස, තද්ධිත හා සන්ධි
(2) තද්ධිත, සමාස හා සන්ධි
(3) සන්ධි , සමාස හා තද්ධිත
(4) තද්ධිත, සන්ධි හා සමාස
(5) සමාස, සන්ධි හා තද්ධිත

16. ව්‍යාකරණානුකූල ව නොගැළපෙන පදයක් ඇති වරණය කුමක් ද?

(1) කරන, දරන, මරන, සරන
(2) යන, නරඹත, වඩිත, දුවත
(3) ගුණවත්, සිල්වත්, ඉසුරුමත්, ආලෝකවත්
(4) පොල්තෙල්, උණුවතුර, පාපහස, සොරබිය
(5) අහෝ !, අනේ !, අපොයි !, අයියෝ !

17. සමාස පදයක් ඇතූළත් නො වන වරණය තෝරන්න.

(1) දෙව්ලොව, ගුරුගුණ, බුදුබණ, සංඝසභාව
(2) කුකවි, කුමරි, කුදිටු, කුපුරිස්
(3) තලතෙල්, ගංදිය, සඳරුස්, සසරබිය
(4) දසපනත, තුන්දොර, නවගුණ, සිවුසස්
(5) දශබල, තිනෙත්, සිහිනිඟ, දැමිඳුරු

18. එක ම වර්ගයට අයත් සන්ධි පද අන්තර්ගත වරණය තෝරන්න.

(1) ලිග්ගල , ගොක්කොළ. ගෙත්තම්, අස්සන
(2) අමාත්‍යාංශය. අත්‍යවශ්‍ය, කාලානුරූප, හස්ත්‍යාභරණ
(3) පොල්ලත්ත, රුක්කත්තන, වල්ලම්බලම, අල්ලස්
(4) ගජේන්ද්‍ර, යශෝරාවය, මහෝදර, ගුරූපදේශ
(5) මුංකිරිබත්, අංකටුස්සා, මිහින්තලය, නෙළුම්මල්

19. ව්‍යාකරණානුකූල ව නිවැරදි වාක්‍යය තෝරන්න.

(1) දෙමාපියන් වනාහි දරුවන් ගැන වෙහෙසෙන්නෝ වෙති.
(2) ඒ පාසලෙහි ගුරුවරුන් නැත.
(3) ‘ඔවුන් නඩු මඟට බසිති‘යි මම සිතමි.
(4) කවුරු මෙවැනි ක්‍රියාවෝ කරත් ද?
(5) සභාපතිතුමා විසින් ලඝුලේඛිකාවක් තෝරා ගන්නා ලදී.

20. වඩාත් ම නිවැරදි පද බෙදීම සහිත වාක්‍යය තෝරන්න.

(1) ප්‍රශස්ත සාහිත්‍යග්‍රන්ථ සේවනයකිරීම මිනිසාගේ බුද්ධියවර්ධනය කරයි.
(2) ශ්‍රී ලාංකික අනන්‍යතාවක් ගොඩනගමින් අප පෙරටයායුතු ය.
(3) තනතුරු අපේක්ෂාවෙන් කටයුතුකරන්නෝ සමාජයට අනර්ථසිදුකරති.
(4) බල්ලා ද බළල ද නයා ද මුගටියා ද එකට වාසයනොකරති.
(5) නිර්මාණ කෞශල්‍යය වර්ධනය කිරීමෙහි ලා උත්සුක වනු මැනවි.