දකුණු කොරියාවේ සිට තායිලන්තය දක්වා රටවල ජීවත් වෙන ආසියානුවන්ට තියෙන්නෙ පුදුමාකාර තරුණ පෙනුමක්. එයාලට වයස අවුරුදු පනහක් වුණත් ඒතරම් වයසක් නම් පේන්නෙ නෑ. ඉතින් මේ ආසියාතික රටවල ජනතාව තරුණකම රැකගන්න කරන සත්කාර මොනවද කියලා අපි හොයලා බැලුවා.
ඔන්න අද අපි ඔයාට කියන්න යන්නෙ වයසට යාම ප්‍රමාද කරන ආසියාවේ ප්‍රසිද්ධම රූපලාවණ්‍ය ක්‍රම කිහිපයක් ගැනයි.
01. හාල් වතුර භාවිතා කරන්න
හාල් වතුර කියන්නෙ ජපන් සහ කොරියානු සම ආරක්ෂණ නිෂ්පාදන වල අඩංගු ප්‍රසිද්ධම සංඝටකයක්. අධ්‍යයනයකින් හෙළි වී තිබෙන විදිහට සහල් වල වයස්ගත වීම වළක්වන ගුණාංග ඇති අතර එමඟින් ඔයාගෙ සම සැහැල්ලු කරනවා. සහල් වතුරෙන් නිපදවූ සම ආරක්ෂණ නිෂ්පාදන අත්හදා බලන්න වගේම ගෙදරදිම සහල් වතුර හදාගන්නත් පුලුවන්. සහල් වතුරෙන් මුහුණ සෝදන්නත් හෝ සමට තෙතමනය ලබාදීම සඳහා මිස්ට් එකක් විදිහටත් භාවිතා කළ හැකියි.
ඔයගෙ හිසකෙස් මෘදු කරලා දිලිසෙන කොණ්ඩයක් ලබාගන්න හාල් වතුර භාවිතා කරන්න පුලුවන්. ඔයගෙ සමට හෝ හිසකෙස් වලට යෙදීමේදී පිරිසිදු සහල් ජලය භාවිතා කිරීම වැදගත්.
02. මුහුණ දෙවරක් පිරිසිදු කරන්න
කොරියාවේ සහ ජපානයේ දකින්න ලැබෙන දෙවරක් මුහුණ පිරිසිදු කිරීමේ පුරුද්ද මඟින් දවස පුරා මේකප් සහ සන්ස්ක්‍රීන් ආලේප කිරීමෙන් පසු ඔයාගෙ මුහුණ අපිරිසිදු හා අපිරිසිදු නොවන බව සහතික කරනවා. මෙහි පළමු පිරිසිදු කිරීම සිදුකරන්නෙ සාමාන්‍යයෙන් තෙල් මත පදනම් වූ පිරිසිදුකාරකයක් මගින්. මේ තෙල් අඩංගු පිරිසිදුකාරක නිසා ඔයාගෙ සමේ සිදුරු වලින් අනවශ්‍ය හා තෙල් සහිත ද්‍රව්‍ය ඉවත් කරලා මුහුණ සන්සුන් කිරීමට උපකාරී වෙනවා.
දෙවන පිරිසිදු කිරීම කරන්නෙ ඔයා සාමාන්‍යයෙන් මුහුණ සෝදන ජලයෙන්. එමඟින් ඉතිරි වූ අපද්‍රව්‍ය තවදුරටත් ඉවත් වෙනවා. මෙය අනෙකුත් සම ආරක්ෂණ නිෂ්පාදන වලට ඔයාගෙ සම විනිවිද යාමට පහසු කරවන අතර ඔයාගෙ සම මෘදු කරනවා.
03. ගොළුබෙල්ලන්ගේ සාරය සහිත නිෂ්පාදන භාවිතා කරන්න
ගොළුබෙල්ලන් මුසින් භාවිතය පුරාණ ග්‍රීසියේ සිටම පැවත එන රූපලාවණ්‍ය ක්‍රමයක්. ගොළුබෙල්ලන් මුසින් ආසියානු සම ආරක්ෂණ නිෂ්පාදන සඳහා ජනප්‍රියව භාවිතා කරන්නේ එහි හයුලූරොනික් සහ ග්ලයිකලික් අම්ලය සම සමව මිශ්‍ර වී ඇති නිසයි. මුසින් වල සින්ක් ද අඩංගු වන අතර එය සමේ කෝපය සමනය කරන්න උදව් වෙනවා. මෙම ද්‍රව්‍ය මිශ්‍ර කිරීමෙන් ඔයාගෙ සමට දීප්තියක් ලබාදෙනවා.
04. කොරියානු ශරීර ස්ක්‍රබ් එකක් උත්සාහ කරන්න
කොරියානු ශරීර ස්ක්‍රබ් සාම්ප්‍රදායික බොඩි ස්ක්‍රබ් වලට වඩා වෙනස්. මොකද, අත් සහ ස්ක්‍රබ් කරන ජෙල් භාවිතා කිරීම වෙනුවට ඔයාගෙ ශරීරයේ තියන ඝනකම් මැරුණු සම ඉවත් කිරීම සඳහා වැලි කඩදාසි වගේ මතුපිටක් තියන මිට්ස් අවශ්‍ය වෙනවා.
මේවා ඔයාට කොරියානු ස්පා වලින් හෝ ඔන්ලයින් ඕඩර් කරලා මිලදී ගන්න පුලුවන්. සමහර අයට මේ ක්‍රමය වේදනාකාරී වෙන්නත් ඉඩ තියනවා. ඒක ඔයාගෙ සමේ වර්ගය සහ මතුපිට ස්වභාවය මත රඳා පවතිනවා. ස්ක්‍රබ් කිරීමෙන් පසුව සම තෙතමනය ලබා දීම සඳහා බොඩි ලෝෂන් භාවිතා කිරීමෙන් ඔයාගෙ සම ප්‍රබෝධමත් සහ සිනිඳු වෙනවා.
05. ලෙමන්ග්‍රාස් තේ බොන්න
ලෙමන්ග්‍රාස් කියන්නෙ ආසියානු ආහාර පිසීමේදී, විශේෂයෙන් තායි ආහාර සඳහා බහුලව භාවිතා වෙන අමුද්‍රව්‍යක්. එහි සුවඳ සහ ඇරෝමැටික රසයක් තිබෙන නිසා එයින් වාසි රාශියක් ලබාගන්න පුලුවන්. ලෙමන්ග්‍රාස් තේ ඔයාගෙ ශරීරයට හොඳ විෂබීජ නාශකයක් වන අතර සෞඛ්‍ය සම්පන්න ආහාර ජීර්ණය වැඩි දියුණු කරන්නත් උදව් වෙනවා. එය ඔසප් වීම ක්‍රමවත් කිරීමට සහ ඉදිමීම අඩු කිරීමටත් උපකාරී වෙනවා.
දිදුලන සමක් ලබාගන්න නම් සෞඛ්‍ය සම්පන්නව ආහාර ගැනීම අත්‍යවශ්‍ය වන අතර ලෙමන්ග්‍රාස් තේ කියන්නෙ ඔයාගෙ ආහාරයට එකතු කළ හැකි පෝෂ්‍යදායී පානයක්.
06. හිසකෙස් සහ සම මත එඬරු තෙල් ආලේප කරන්න
පිරිසිදු එඬරු තෙල් වියළි හා හානියට පත් වූ හිසකෙස් වල තෙතමනය රඳවාගෙන හිසකෙස් මෘදු කරනවා. ඔයාගෙ හිස මත තෙල් යොදා මසාජ් කිරීමෙන් හිසේ කැක්කුමට ඇති ගැටළු විසඳගන්නත් පුලුවන්. ඔයාගෙ ඇහිපිල්ලම් වල එඬරු තෙල් ආලේප කිරීම මගින් දිගු ඇහිපිල්ලම් ලබාගන්නත් ඔයාට උදව් වෙනවා.
එඬරු තෙල් තෙතමනය වැඩි කර මුහුණේ සම සිනිඳු කරනවා. එයට ප්‍රතිඔක්සිකාරක ගුණ ඇති අතර වැඩිහිටි වියට පත් වෙන්න කලින්ම භාවිතා කළොත් සම රැළි වැටීම සහ සිහින් රේඛා පෙනීම වළක්වගන්නත් උපකාරී වෙනවා.
07. ජේඩ් රෝලර් එකකින් මුහුණ සම්බාහනය කරන්න
ගුවා ෂා හෝ ජේඩ් රෝලර් මේ දිනවල ලොව පුරා ජනප්‍රිය වෙමින් පවතිනවා. චීනයෙන් ආරම්භ වූ ගුවා ෂා, ශරීරයේ මාංශ පේශි වේදනාව, නිදන්ගත වේදනාව සහ සම්බාහන තෙල් ආලේප කිරීමෙන් පසු ඇතිවන දැවිල්ල අඩු කිරීමට භාවිතා කරනවා. ඒ වගේම, මෘදු බලයක් භාවිතා කිරීමෙන් එය මුහුණට සිදු කළ හැකි අතර රුධිර සංසරණය වැඩි දියුණු කරගන්නත් උදව් වෙනවා. එමගින් මාංශපේශිවල ඉදිමීම අඩු වෙන අතර මුහුණේ මාංශ පේශි ආතතිය දුරුවෙනවා.
08. සම ආරක්‍ෂා කිරීමේ පුරුදු අතරට ෂීට් මාස්ක් එකතු කරන්න
සම රැකබලා ගැනීමට තිබෙන හොඳම ක්‍රමයක් තමයි, කොලජන් වලට උදව් වන වයසට යෑම වැළැක්වීමේ අමුද්‍රව්‍ය සහිත ෂීට් මාස්ක් භාවිතා කිරීම කියන්නෙ. ඒවා භාවිතා කිරීම ප්‍රායෝගික වන අතර එමගින් සම පැහැපත් කිරීම ඇතුළු බොහෝ ප්‍රතිලාභ ලබාගන්නත් පුලුවන්. සමේ ඇතිවෙන සියුම් රේඛා සහ රැළි අඩු කිරීමටත් ෂීට් මාස්ක් ගොඩක් ප්‍රයෝජනවත් වෙනවා.
උපුටා ගැනීම: adobae
